1 Ịsamụwẹrị 4:9 - IWE ỌNỊNỊ

⁹ Dị ọdọvịdị Anihwirisiti ka, “Ẹwụ nịnị anda ayị, asị u rè hí angwa nịnị. Waā kụ́ ịrẹkụ awụ nịnị anka ọnọrụ. Wẹ̀ yị nyị ọtụtụrụma nịnị, vi Anihiburu aa za wụ nịnị ọrịhị anka ị mẹ̀ vịdị za wa ọrịhị nị. Asị u hí angwa, wa kụ̀ ịrẹkụ awụ nịnị!”

1 Ịsamụwẹrị 4:9 Iomraidhean Croise

2 Ịsamụwẹrị 10:12

Dị ọ rẹ ka, “Asị u hí angwa, vẹ ya sị ọtụtụrụma kụ̀ ịrẹkụ agụvị ẹkụra ayị ọnịrị agụvị ẹkụra Ohomorihi ayị. Ẹnẹyịmavara vaa mẹ̀ ịsa ene zee e eyi.”

Ayịsaya 14:2

Anẹkụra ana vọ vaa mẹ ọgụvọọ yị Anisirẹrị ka ẹ varẹma nọ ịnị ẹtẹ oni Ohomorihi sị yị wa. Anẹkụra vị ana vaa mẹ ụkọrọọ hẹkẹ Anisirẹrị ịzọọ. Aza ana vịdị za wa ọrịhị vị ẹnị ẹnị rẹ vanaa za ọrịhị. Dị ẹ rẹ yaa mẹ ịjọvaa tụra ọza ana vịdị mẹ ịjọva tụra wa.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

Ọdọvịdị 10:7

Ọsọnị ọ vị ọyịkụ ọbanyị yị Ẹnẹyịmavara kà Anisirẹrị nịnị na, dị ọ hụrẹ wa ụvọ yị Anihwirisiti ọnịrị Anamọnị nịnị ni.

Ọdọvịdị 13:1

 nyị ụmẹ ọnya aanị ọnị Anisirẹrị nịnị re nyima aa mẹ̀ ịsa edivi ọvịdị Ẹnẹyịmavara; avọọ dị Ẹnẹyịmavara hụrẹ wa ụvọ yị Anihwirisiti nịnị ka ẹ sị ụya rị wa ịrayị ẹbẹẹva nị.

1 Ịsamụwẹrị 14:21

 nyị Anihiburu ana vịdị na yà eyi ịdị Anihwirisiti nịnị. Dị ẹnịnị si zwe varẹma vẹ ịda Anisirẹrị nịnị ana yà pe Ịsọọrụ ọnịrị Ijonatani nị.

1 Ịsamụwẹrị 4:8

Ẹ ka ịrẹyị ô tù ẹnị ẹngụ, ẹ ka ẹnẹ zụ dọ ẹnị tụ̀ hụụnị ụvọ Ohomorihi ana maanị nyị ụkata aanị? Ẹ ka aā vi Ohomorihi ọnọọ ọ vavọọ sị ụkụ irenyi-irenyi pa ịva yị Anijipiti ịnị ụnọmị.