1 Ịsamụwẹrị 4:3 - IWE ỌNỊNỊ

³ Ịjị isoja Anisirẹrị ana vọ varẹma nọ udi ẹnịnị dị ọdọvịdị Anisirẹrị ka, te! Sị ẹ vẹ dị Ẹnẹyịmavara maanị zẹẹ ka Anihwirisiti ẹ̀ maanị huna ẹnị ajịnị. Dị ẹ ka à tụ́ na sị apoti oto Ohomorihi ana yà Isiro, dị à sị ọ vẹ. Ẹ ka ọ̀ọ vẹ dị Ẹnẹyịmavara saasa ẹnị nọ ịrẹkụ nị, ịsavọọ ọ̀ dọ ẹnị tụ́ hụụnị ụvọ ọnịvị ẹnịnị.

1 Ịsamụwẹrị 4:3 Iomraidhean Croise

2 Ịsamụwẹrị 15:25

Di ohinọyị va hị́ Ịzadọkị dị ọ ka ọ̀ sị apoti oto Ohomorihi ọnọọ va nọ ịnị ẹkụra nị. Idevidi ka Ẹnẹyịmavara òo nyị ọnị iyi, ọ vaa sị ọnịị vaa vẹ dị ọnị re apoti ọnọọ ọnịrị ịzị ọ yà.

1 Ịtọpa 17:1

Idevidi vị ana ra ini irehi ohinọyị ọnị ọ́ da. Ẹkụhị ọnya dị ọ tụ na hị́ ọnọrụ ọnya ana aā hị́ Ịnatanị nị. Ịnatanị vị ọnịsẹ. Idevidi ộ kà a yọ ka, wée re, áá vọrọ ka ọnị ọ̀ ra ini irehi ohinọyị ana a sị ọchị isida da, ama dị à sị apoti oto Ẹnẹyịmavara tụ ịnị ajẹngụ?

Ahẹ Ụgama 74:1

Te, Ohomorihi, we kuku reè hi ayị saka-saka? Ewee sere yi anka aza ana sị eyi pe atẹmẹ mèe sere atẹmẹ anị avọọ nị. Si ọ vavẹ dị ụ maanị nyayịnẹ aa kụ́ ayịị hị́ yị?

Ahẹ Ụgama 74:11

Sị ẹ vẹ dị wẹ̀ yị kụrụ ụvọ? Navọ wa tana ụvọ za aza ẹnịnị, dị wa wụ̀ wa va ha.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ayịsaya 58:3

Aza e yee họ̀ use ka sị ẹ vẹ dị a ka ẹnị ẹ za awẹ ịrẹma ọnị Ẹnẹyịmavara ẹ yị sị eyi na ịnị anị? Ẹnẹyịmavara ô va ohi yị wa ka, ụmẹ ọnị ẹ ya za awẹ vị ọnị ẹ yaa yịị dụ ẹẹngụ ẹnịnị, dị ẹ ya mẹ ẹvaya yị anụkọrọ ẹnịnị.

Ayịsaya 59:1

Re, u wéé ro ka Ẹnẹyịmavara ẹ yị nyị ụkata dọ ọza ha, a vị o gu ụtọ dị ẹ yị wụ́ aduwa awụ nịnị nị?

Ayịsaya 59:2

Eyee, ịvị awụ nịnị ọ vị ọchị jị oze ịnị akakana ẹwụrị ọ nị. Ebira odivi awụ nịnị ọ ha ẹwụrị Ohomorihi hi, dị ẹ yị zụ wụ̀ nịnị nị.

Ijeremaya 3:16

Ẹnẹyịmavara kà, ịjị waa ta yárá tụ ẹkụra awụ nịnị, aza ẹ yị kụkụ vaa kà a ka: Apoti oto Ẹnẹyịmavara yọ. Aza ẹ yị hyakụ kụkụ vaa tamayị anị. Ẹnịnị ẹ yị kụkụ vee tenyi ọ mẹ.

Ijeremaya 7:4

Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 10:35

Ụmẹ tụra ụmẹ ọnị apoti oto aa jịnẹ, dị mẹ̀ aduwa ka Ẹnẹyịmavara ọ kwẹẹtẹ, dị ọnịvị anị nịnị ẹ gara hi ozi. Ọnịvị ẹnịnị ee zwe eyi ẹnịnị.

Ịrịka 31:6

Dị Imosiisi tụ́ Ịhwịnẹhasị ozi Eriyaza ka ọ kụ́ aza akahị hụụnị ịrẹsụ ọnyọọnya nọ ịrẹkụ nị. Dị ẹ kụ́ ẹnya hụụnị irehi Ẹnẹyịmavara beri ịkakanchị eneē hụ́ ka ọnọ eyi ịrẹkụ.

Iwe Ọhụhị Imosiisi ana aa hị́ Ọyịvatụrọda 29:24

Ịjọnọọ avaba anẹkụra ana vọ ịnị ẹhẹ vee họ̀ use ka sị ẹ vẹ dị Ẹnẹyịmavara maanị mẹ ẹtẹ awụ nịnị? Sị ẹ vẹ dị ọ maanị nyayịnẹ kụ́ ayị?

Iwe Ọhụhị Imosiisi ana aa hị́ Ọyịvatụrọda 31:26

ẹ sị iwe ọda Ohomorihi ọnọnị dị ẹ sị tụ́ akaha apoti oto Ẹnẹyịmavara Ohomorihi ẹnịnị, agụvị ọ vị ịrẹyị ivenu tụra aza anị ịrẹsụ.

2 Itimoti 3:5

Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ!

Anihiburu 9:4

Ịsị a rẹ kụ́ hi ịnị ọnọọ yị: ụta ana a sị igooru mẹ ịzị a yàā rị eturare ịraa yị Ohomorihi, ọnịrị apoti ana aā hị́ apoti oto Ohomorihi ana a sị igooru kú avaba ịrẹma anị. Ini apoti ọnọọ â nyị ụnọkọ ana a sị igooru mẹ, dị a sị ịsọyịrị ana aā hị́ ịmana tụ́ ịnị ụnọkọ ọnọọ nị. Okutẹ Eerọnị ene nyị avị beri ịrẹta ẹẹva oni Ohomorihi chẹrẹ ọda tụ́ ịnị anị, rẹ yà ini apoti ọnọọ.

Ijosuwa 4:7

Ịjọnọọ ẹnịnị vaa kà zụ wa Ẹnẹyịmavara mẹmẹ za enyi ịnị irehu Ijodani jẹẹ ọvịdị apoti oto anị. Dị a sị ọ jịnẹ irehu ịrẹsụ ẹtẹ ọyịwụ. Ịrẹta ẹnẹẹ Anisirẹrị nịnị vaa sị tamayị ụmẹ ọnọọ pooro zịna-zịna nị.

Ijosuwa 6:6

Dị Ijosuwa ana vị ozi Inuni hị́ ẹnị ohirẹsụ irehi Ohomorihi nịnị gụ, dị ọ ka ẹnịnị ẹ sị apoti oto Ẹnẹyịmavara nị, dị ọ nyị ẹnị ịhịmba ka ọzọza ọ sị ọpanyị ịdẹba dị ẹ dọ ọvịdị nị.

Ijosuwa 7:7

Dị Ijosuwa họ̀ Ananyị yị Ẹnẹyịmavara kà sị ẹ vẹ dị ọ kụ ẹnị hụrẹ akẹnẹ irehu Ijodani va ngụ ịzọọ? Sị ẹ vẹ dị ọ navọ ka Anamọrị nịnị ẹẹ wụ ẹnị va ha? Ọ yaanị zoza ka ẹnị e hi akẹnẹ irehu ịzị ẹnẹ vịdị ya.

Ijosuwa 7:8

Dị ọ ka ịsị ọnị zụ ka ịrẹma ọnị ọnịvị ẹnịnị sị ẹnị huna, dị ẹ yaa dụ ẹnị echi.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

Ijudi 1:5

Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.

1 Ịsamụwẹrị 1:24

Ísamuwẹrị mẹ̀ sị jị ịrẹva dị ọ yị vị ozweyi, dị Ịhaana sị ọ dị ọnịrị ọ zị nọ ịda Ẹnẹyịmavara Isiro nị. Ọ́ màa na, ộ sị imaaru ịrayị ẹẹta ne beri ayị ọgụvọ ẹẹhị ọnịrị eche okoko ọnya za nị.

1 Ịsamụwẹrị 14:18

Dị Ịsọọrụ kà a yị Ahija dị ọ ka ọ̀ sị apoti oto Ohomorihi vẹ nị. (Apoti ọnọọ vị ana yà ịda Anisirẹrị nịnị ịnị ụmẹ ọnọọ.)

1 Ịsamụwẹrị 4:2

Isoja Anihwirisiti nịnị ê tere pè isoja Anisirẹrị dị ẹ gẹ ịrẹkụ nị. Ịrẹkụ ọnọọ ô nyị anyị, dị ụvọ Anihwirisiti nị si huna Anisirẹrị nị. Anisirẹrị ana Anihwirisiti nị wụ éyi ịrẹkụ vị aza ẹnị akawụ-akawụ oze ẹẹva.