1 Ịsamụwẹrị 4:1 - IWE ỌNỊNỊ

¹ Ẹkụhị ọnya Anisirẹrị nịnị ệ kụ́ ịrẹkụ ee nee tù Anihwirisiti nị nịnị. Anisirẹrị vi ene gu ịrẹkụ ẹnịnị tụ́ ịzị aā hị́ Ẹbẹnẹza, dị Anihwirisiti nị ẹnị re gu ẹẹnịnị tụ́ ịzị aā hị́ Ahwẹkị nị.

1 Ịsamụwẹrị 4:1 Iomraidhean Croise

1 Ohinọyị 20:26

Ịzẹyịza ọ mẹ̀ sị mẹ ịrayị ọnya, di Ịbẹnịhadadị kụ́ Anasiriya, dị ẹ hịrẹ nọ ẹkụra ana aā hị́ Ahwẹkị ka ẹnịrị Anisirẹrị ẹ̀ na kụ̀ ịrẹkụ nị.

1 Ohinọyị 20:30

Dị Anisiriya ana vọ si zwe nọ ịnị ẹkụra Ahwẹkị nị. Di ugene ọnị re wu za aza ẹnị akawụ-akawụ oze ẹwụrẹta tụra akahị ana vọ nị. Di Ịbẹnịhadadị oni re zwe, dị ọ ne sì aha tẹ ịnị ẹkụra nị.

Ahẹ Ụgama 83:7

Anigebari, Anamọnị ọnịrị Anamarẹkị yà ịnị ẹnịnị. Ẹnị ana vọ ẹ vị Anihwirisiti ya, ne beri anẹkụra Ịtaya.

Iwe Ọhụhị Imosiisi ana aa hị́ Ọyịvatụrọda 29:10

Ajịnị avaba awụ nịnị ọ jẹẹ ọvịdị Ẹnẹyịmavara Ohomorihi ẹnịnị, avaba ẹnịnị azọkụ ọnịrị ọdọvịdị ne beri avaba anọrụ.

Ijosuwa 12:18

Ohinọyị Ahwẹkị ọnịrị Irasaroni

Ijosuwa 13:4

Avọọ a mẹrị nyị avaba ẹtẹ Anikenaani ọnịrị ẹtẹ Imera ana vị ẹtẹ Anisidoni na ngụ Ahwẹkị ana ya ẹhwị ẹtẹ Anamọrị;

Ijosuwa 15:53

Ijanimi, Ịbẹtịtapuwa, Izanowa,

Ijosuwa 19:30

Uma, Ahwẹkị, ọnịrị Ịrẹhọbị. Ẹtẹ ẹnịnị ộ nyị ẹkụra ẹbanyị-ẹbanyị ohurẹẹva beri ẹkụra eweyi-eweyi ana kara wa.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

1 Ịsamụwẹrị 29:1

Anihwirisiti nịnị ẹ raà kụ́ isoja ẹnịnị gụ tụ́ ịzị aā hị́ Ahwẹkị, dị Anisirẹrị ẹnị rẹ kụ́ udi ẹnịnị tụ́ ọgụrị ịkangga ana yà ịzị aā hị́ Ijezirẹẹrị nị.

1 Ịsamụwẹrị 3:11

Dị Ẹnẹyịmavara kà a yị Ịsamụwẹrị dị ọ ka ọnị ee sì ka ọ̀ yẹ ka â nyị ịrẹyị ọnị ọnị aa vaa mẹ ịnị ẹtẹ Anisirẹrị. Ọ kà ịrẹyị ọnọọ vee divi ana ahịka avaba aza ana àa wụ́ ọ, ẹngụ ẹnịnị vee henyi.

1 Ịsamụwẹrị 4:2

Isoja Anihwirisiti nịnị ê tere pè isoja Anisirẹrị dị ẹ gẹ ịrẹkụ nị. Ịrẹkụ ọnọọ ô nyị anyị, dị ụvọ Anihwirisiti nị si huna Anisirẹrị nị. Anisirẹrị ana Anihwirisiti nị wụ éyi ịrẹkụ vị aza ẹnị akawụ-akawụ oze ẹẹva.

1 Ịsamụwẹrị 5:1

Ánihuristi nịnị mẹ̀ sị apoti oto Ohomorihi ọnọọ dọ hụụnị ụvọ Anisirẹrị, dị ẹ sị ọ hụrẹ Ẹbẹnẹza na tụ́ Asidodi nị.

1 Ịsamụwẹrị 7:12

Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”