1 Ịsamụwẹrị 3:9 - IWE ỌNỊNỊ

⁹ Di Eri ka Ịsamụwẹrị ọ̀ rẹ varẹma na hụtụ. Ọ kà àa kụkụ hị́ ọ dị ọ̀ kà a ka, “Nda, Ẹnẹyịmavara waa kà ịrẹyị ka maa wụ́.” Ịzẹyịza dị Ịsamụwẹrị sị varẹma na hụtụ aha anị nị.

1 Ịsamụwẹrị 3:9 Iomraidhean Croise

Ahẹ Ụgama 85:8

Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Ọyịkụra 20:19

dị ẹ ka Imosiisi ọnị ụvọta ọ̀ọ kà ịrẹyịị yị ẹnị ka ẹnị vaa wụ́ nị. Ẹ ka asị Imosiisi kà a ka Ohomorihi ọ̀ kà ịrẹyị yị ẹnị ka ẹnị ve wusu.

Ayịsaya 6:8

Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.”

Ịdanịyẹrị 10:19

Dị ộ ka, Ohomorihi ọ da sị ịrẹyị anị kẹnẹ, agụvị avọọ a sị ọnị hí angwa, ẹngwọọrọ ọ̀ sị vị aanị. Ộ ka, ọnị ọ sị tụ ọtụtụrụma dị asị ọnị va ẹngụ hi ẹtẹ. Ịdanịyẹrị ka ịjị ọ maanị sị ka yị ọnị, dị ọnị sị ụkata nyị huna avọọ nị. Dị ọnị ka, aarịhịnị ịsị ọ̀ọ nyị ọ yị ka ọ̀ kà a yị ọnị agụvị ka ọ ra mệ ka ọnị ọ nyị ụkata booro aanị nị.

Odeyi 9:6

Kwẹẹtẹ, dị ụ wa nọ ịnị ẹkụra ọsọọ; a vaa kà a wụ ịsị a vọrọ ka wa mẹ.”

Ijosuwa 5:14

Dị ọnọrụ ọnọọ tụ́ ọ ohi ka ọnị o yị jẹẹ yị ọza ọnyọọnyị. Ama ọnị vị ana vẹ ịzọọ anka Ọga ịrẹkụ ọkụrẹkụ Ẹnẹyịmavara, obobooro ọnọọ Ijosuwa va ku ẹtẹ kụ́ ọ nị. Dị Ijosuwa ka ọnị ozi ahụ anị yị ọ ka yị ọnị ịsị a vọrọ ka ọnị ọ mẹ.

1 Ịsamụwẹrị 3:10

Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”

1 Ịsamụwẹrị 3:8

Ụpẹ ọsa dị Ẹnẹyịmavara rẹ hị́ Ịsamụwẹrị ụ́pẹ ọhụta nị. Dị Ịsamụwẹrị rẹ kwẹẹtẹ di o ne tù Eri dị ọ ka, “Ẹmị yị, a vị ụ waa hị́ mị.” Di Eri sị yẹ ọgọnị ka Ẹnẹyịmavara aa hị́ ozi ọnọọ nị.