1 Ịsamụwẹrị 3:1 - IWE ỌNỊNỊ

¹ Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.

1 Ịsamụwẹrị 3:1 Iomraidhean Croise

Ahẹ Ụgama 74:9

Yẹ yị kuku re apọtẹrẹwa ọnyọọnyị, yẹ yị rẹ kụkụ nyị ọnịsẹ ikonya, ana vọ, nyị ọza ana yẹ ịzị ị maanị vee re nee tù.

Ụhịrẹyị 29:18

Ịzị aza ẹ mā saasa ịrẹyị Ohomorihi, ọzọzaā mẹ̀ kẹnẹ nị, ama aza ana saasa ọda Ohomorihi vị ọnị o vee zee yị.

Ayịsaya 13:12

Aza vaa zwọ huna igooru obooro ene hi Ohwiri mẹ̀ zwọ avọọ.

Ezikẹẹrị 7:26

Ẹngụkata odivi ẹnyị vị ana vaa saasa ọsa vee tù wu nịnị. Avọọ ụ mẹ vaa wụ̀ enube odivi-odivi nịnị pooro kẹnẹ nị. Ụ vanaa dá ịpẹẹ yị ọnịsẹ nịnị ka è re ẹtẹ wụ nịnị. Ẹnị ohirẹsụ irehi Ohomorihi nịnị é yi kuku vee re ịsaa zụ̀ wụ nịnị, dị azọkụ nịnị ẹ́ yị kụkụ zụ pe wu nini juwe.

1 Ịsamụwẹrị 2:11

Ịjị ẹ sị mẹ ta, di Erikana si hu aa nọ eehi anị ana vị Iraama, dị Ịsamụwẹrị yà ahụ Eri dị aa mẹ ụkọrọọ yị Ẹnẹyịmavara nị.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 2:36

Àa na nyị anovwoovu awụ ana vọ tụ́ ẹhẹ, ẹnịnị vị ana vaa nọ ịda ohirẹsụ irehi Ohomorihi ọnị maa kà aanị, dị ẹ naa pà ẹkẹhị ọnịrị ịsọyịrị. Ẹ va naa dá ịpẹ ka à navọ ẹnị ẹ̀ẹ mẹ ọgụvọọ yị ohirẹsụ irehi Ohomorihi ịsavọọ ẹnị è zụ re ịsa rị.

1 Ịsamụwẹrị 3:15

Ịjị Ohomorihi sị ịrẹyị anị kà, dị Ịsamụwẹrị na hụtụ pooro di eyi va nị̄ nị. Éyi mẹ sị nị̄, dị ọ kwẹẹtẹ dị ọ na nā oze irehi Ẹnẹyịmavara nị. Ama angwa ee hi Ịsamụwẹrị, ọ yị nyayịnẹ kà a yi Eri ịrẹyị oni o re.

1 Ịsamụwẹrị 3:21

Ẹnẹyịmavara vanaa sịị sị ẹngụụ zụ̀ Isiro. Ịzọọ ọ vịdị yà sị ẹngụ zụ̀ Ịsamụwẹrị di o pè e kà ịrẹyị nị. Ịsamụwẹrị ọ̀ọ́ kà ịrẹyị, ẹ yị nyị Anisirẹrị ana aā kà a ka ọnị ọ yị dọ.