1 Ịsamụwẹrị 26:8 - IWE ỌNỊNỊ

⁸ Di Abisayi va hị́ Idevidi dị ọ ka, “Ajịnị Ohomorihi sị ọnịvị awụ chire wụ ụvọ nọ! Navọ ma gụ ọha amị chire e na za eteesu ụpẹ ọnya kẹnẹ. Mẹ yị gụ ọ chire e tù ụpẹ ẹẹva.”

1 Ịsamụwẹrị 26:8 Iomraidhean Croise

2 Ịsamụwẹrị 16:9

Di Abisayi ozi Izeruya hị́ ohinọyị dị ọ ka, “Taarụ, sị ẹ vẹ dị ẹnẹsa ana sị mẹẹ anka oku irezi aanị aa kụ́ wụ ụhụ? Navọ ma na dà ẹnẹsa ịrẹsụ ne ta.”

Ahẹ Ụgama 31:8

Wẹ rẹ vaa navọ ka ụvọ ọnịvị ò kú mi, wâ zẹẹ ka maa zị hwana-hwana.

Ijeremaya 40:15

Dị Ijohananị ozi Ikareya wèrè kà a yị Igidarịya Imizipa ka, ọ̀ jẹẹ dị ọnị ọ̀ na wụ Isimẹrị, dị asị á yẹ ọza ana vavọọ mẹ nị. Ọ kà sị ẹ vẹ dị ẹnị aa vaa navọ ka Isimẹrị ọ̀ va wụ Igidarịya kẹnẹ-kẹnẹ? Ijohananị ka, ọ̀ọ vavọọ yà, vị aa mẹ ka avaba Aniju ana gụ kara Igidarịya ẹ̀ gara, dị ọ kụ ẹngụkata ọbanyị tu avaba aza ana vẹtẹ hi Ijuda nị.

Ịnahụmị 1:9

Sị ụ waa gẹ eyi Ẹnẹyịmavaraa mẹ? Ọ vaa wụ̀ wụ kwooze nị. Ẹ yị nyị ọza ana va eyi ịraazị ka para ụpẹ ọnya hu.

Aniroomi 11:32

Ohomorihi ọ raà kụ́ avaba aza hi ịnị ẹngwa ka anakamawụ ẹ vị nị, agụvị dị ọ̀ zụ vayị avaba aza.

Iwe Ọhụhị Imosiisi ana aa hị́ Ọyịvatụrọda 32:30

Sị ẹ vẹ dị ọza ịnya aa dụ aza ẹnị akahị, dị aza ẹnị ẹẹva aa dụ aza ẹnị akawụ-akawụ oze ẹẹhị? Ẹnẹyịmavara Ohomorihi ẹnịnị ộ hụrẹ wa ụvọ ana mẹ ka e huna wa nị.

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Ọdọvịdị 1:4

Ẹ́nịnị mẹ nọ ịrẹkụ ọnọọ, dị Ẹnẹyịmavara sị wa nyị ẹbẹẹba Anikenaani ọnịrị Aniperizi nịnị nị. Dị ẹ̀ wụ̀ aza ịrịka akawụ-akawụ oze ẹẹhị eyi ịrẹkụ ẹkụra ana aā hị́ Ibezeki nị.

1 Ịsamụwẹrị 23:14

Idevidi ọ na yà ịnị avị ịzị aa hị́ Izihwi, dị ọ nọ aha ọyịtẹ̀ ịnị ataba ịzọọ, dị ọ na tẹ̀ nị. Dị Ịsọọrụ ee sì ọ eyinị-eyinị nị, ama Ohomorihi ọ yị sị Idevidi chire e ụvọ.

1 Ịsamụwẹrị 24:4

Dị aza Idevidi hị́ ọ dị ẹ ka, “Ẹkụhị ajịnị gẹdẹ-gẹdẹ Ẹnẹyịmavara aa kà nọ, ka ọnị aa sị ọnịvị awụụ chire wụ ụvọ, dị wa mẹ̀ ẹ óòó mè ze wu eyi.” Di Idevidi were tere pè Ịsọọrụ, dị ọ yẹrẹ ụtọ awuru anị nị.

1 Ịsamụwẹrị 24:5

Idevidi mẹ̀ vavọọ sị ụtọ awuru Ịsọọrụ dà, dị ayị anị jị pèé nị.

1 Ịsamụwẹrị 26:23

Ọpa ebira ana vọrọ ọnịrị ịzẹyịza ọnị ọzọza ọ̀ọ mẹ, Ẹnẹyịmavara ọ̀ vavọọ si wa ụta. Wê re ka Ẹnẹyịmavara ô si wụ́ chire mị ụvọ ajịnị, ama mẹ yị dọ ka ma sị ụvọ kanyị wụ, agụvị ka Ẹnẹyịmavara ọ sị wụ nyị.

1 Ịsamụwẹrị 26:7

Di Idevidi ọnịrị Abisayi ne tù isoja Ịsọọrụ ịrahụ, di e ne tù Ịsọọrụ ka ọ hụtụ ịnị ajẹngụ aa sụ ara nị, di ahịka vị ọ kà ọha anị chire ẹtẹ ọgụrị ịrẹsụ anị nị. Di Abịna ọnịrị isoja ana vọ hụtụ kara Ịsọọrụ nị.

1 Ịsamụwẹrị 26:9

Di Idevidi ka asị ọ wụ̀ ọ. Ọ kà ọza ọ́ọ́ nyayịnẹ sị ụvọ kanyị ọza ọnị Ẹnẹyịmavara sị nyị dị asị ọ rị ịvị?