1 Ịsamụwẹrị 24:12 - IWE ỌNỊNỊ

¹² Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ.

1 Ịsamụwẹrị 24:12 Iomraidhean Croise

Ahẹ Ụgama 43:1

Ohomorihi navọ wa sị zụ̀ ka mẹ yị rị ịvị Navọ wa dọ irenu amị kụ́ agụvị ka aza edivi ẹ sị dà pè mi Navọ wa dọ mị tụ́ hụụnị ụvọ aza edivi ẹnẹẹ ene ee cheeche.

Ọdọvịdị 11:27

Aa vị ọnị yọ, ọnị ọ yị mẹ odivi ọnyọọnyị hi Isihoni ama Isihoni aa mẹ odivi hi ọnị dị a kụ ịrẹkụ ve tu ọnị nị. Ẹnẹyịmavara anaa mẹ̀ ọkarẹyị vaa mẹ̀ ọkarẹyị yị Anisirẹrị ọnịrị Isihoni beri Anamọnị ajịnị nị.

Ahẹ Ụgama 35:1

Ẹnẹyịmavara, navọ wa kụ́ ọ tụ̀ aza ana kụ́ ọ tù mị Aza ene ee pè mii kụ̀ ịrẹkụ aanị, navọ we pè wa kụ̀ ịrẹkụ.

Oyinyima 16:5

Di Isarayi va kà a yị Abụramị dị ọ ka: Ọnị ọ kụ́ ịrẹyị ọnọnị tù ọnị nị. Ọ kà ọnị ọ sị ozi ahụ anị yọ ka ọ nyị ọ, o si re ka oni ee zyẹẹ kẹnẹ dị ọ kụkụ aa sị eyii wụ ọnị nị. Dị ọ rẹ ka Ẹnẹyịmavara ọ vaa mẹ̀ ọkarẹyị ọnịrị ọ nị o!

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Ahẹ Ụgama 94:1

Ẹnẹyịmavara, ẹwa vị Ohomorihi ene eē sí atọ ịrẹyị nọ, navọ aza ẹ̀ yẹ ka ayịị̄ kụ́ wụ.

Ijoovu 5:8

Erihwazi ka ọnị ọ̀ọ vị Ijoovu, ọnị aa ka Ohomorihi na, dị ọnị sị ịrẹyị anị chire Ohomorihi ụvọ nị.

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?

1 Ịsamụwẹrị 26:23

Ọpa ebira ana vọrọ ọnịrị ịzẹyịza ọnị ọzọza ọ̀ọ mẹ, Ẹnẹyịmavara ọ̀ vavọọ si wa ụta. Wê re ka Ẹnẹyịmavara ô si wụ́ chire mị ụvọ ajịnị, ama mẹ yị dọ ka ma sị ụvọ kanyị wụ, agụvị ka Ẹnẹyịmavara ọ sị wụ nyị.

Oyinyima 31:53

Ohomorihi ana Abụrahamị hẹkẹ ọnịrị ori Ịnahọ̀, ẹ̀ mẹ̀ ọkarẹyị ịrẹyị ọnịrị ọ.” Di Ijekọvụ sị Ohomorihi ana Ayiziiki ada anị hí angwa anị hị́ eku nị.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”

2 Ịsamụwẹrị 22:48

Ọnị o sí ọnịvị amị nịnị atọ, dị ọ mẹ ka ma nyị ehuna anẹkụra,

1 Ịsamụwẹrị 20:1

Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”

1 Ịtọpa 12:18

Dị ụhwẹ Ohomorihi dọ Amazayị ana vị ohirẹsụ isoja ohurẹẹwụ ẹnẹẹ ayị nị. Dị ọ kà yị Idevidi ozi Ijeese ka, aanị ẹnị vị nị, ẹnị jẹẹ ịrẹma anị nị. Ẹngwọọrọ ọ vaa vị yọ nị, dị ọ vị ẹngwọọrọ yị aza ana àa gụ ọ ụvọ nị. Agụvị ka Ohomorihi aa gụ ọ ụvọ nị. Dị Idevidi dọ wa vaka ẹngụ dị ọ mẹ wa ọdọvịdị isoja anị nịnị nị.