1 Ịsamụwẹrị 2:9 - IWE ỌNỊNỊ

⁹ Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.

1 Ịsamụwẹrị 2:9 Iomraidhean Croise

Ijoovu 18:18

Vị́ a vaa dụ wa hụụnị ẹhẹ ọnọnị, dị a dụ wa hụụnị ẹtohweyi na và hi ịnị ịrahụ nị.

Ijoovu 40:13

Ijoovu o nye wa dị ọ za wa tụ ineku agụvị asị ẹ zụ vaa vẹ ẹhẹ.

Ijoovu 5:16

Avọọ onosiye nịnị nyẹngụ sị ayị tụra a dị aza edivi e yi re oze mẹ wa rị nị.

Ijoovu 5:24

Ụ vaa yẹ ka irehi awụ ọ nyị ẹngwọọrọ. Wèe re ịsụpa awụ, ẹnịnị ẹ yị vaa jị ha.

Ahẹ Ụgama 1:6

Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ ama ebira aza edivi vị ana vaa mẹ ka ẹ vú ẹtẹ.

Ahẹ Ụgama 105:37

Dị ọ kụ́ Anisirẹrị jịnẹ, dị ọ hara igooru ọnịrị ẹkẹhị nị, nyị ikonya ẹnịnị ẹnị ẹngụ zị.

Ahẹ Ụgama 121:3

Ọ yị vaa zẹẹ ka ọsịrị ọ̀ kú wụ. Ẹnẹyịmavara ene ee sere wu ọ ma sụ ara.

Ahẹ Ụgama 121:5

Ẹnẹyịmavara vee sere wụ. Vị ọ maanị jẹẹ pè wụ ka oni òo sere wu nị.

Ahẹ Ụgama 121:8

Wàa jịnẹ wàa ngụ eehi, Ẹnẹyịmavara vi ene vee sere wu hụrẹ ọyaanị pooro zịna-zịna.

Ahẹ Ụgama 145:20

Ẹnẹyịmavara vi ene ee sere avaba aza ene sì ịrẹyị anị. Ama avaba aza ana aa mẹ̀ ebira odivi vị ọnị ọ vaa wụụ ha.

Ahẹ Ụgama 31:17

Ẹnẹyịmavara, ẹwụ mi nowu va za nọ, asị ụ navọ ka ụhị ọ̀ nyị mị Navọ ụhị ọ̀ va sị aza ana aa mẹ̀ ebira odivi nyị dị ẹnịnị è sú dị ayị ẹnịnị è hị́.

Ahẹ Ụgama 37:28

Ẹnẹyịmavara ô sì ịrẹyị ebira ịzẹyịza o yi vee hi ayị aza anị ana ayị ẹnịnị vị ọnya Vi o vee sere wa pooro nị ama ezi aza edivi vị ọnị ọ vaa dụ hụụ ịzọọ

Ahẹ Ụgama 94:18

Mê ro ka m maa hyẹdụ aanị nọ, ama Ẹnẹyịmavara ộ sị ọtụ kà mị ịrẹma agụvị ô sì ịrẹyị amị.

Ahẹ Ụgama 97:10

Aza ana àa ka ẹnị ê sì ịrẹyị Ẹnẹyịmavara ộ vọrọ ka ẹ̀ẹ nyị ịhyẹrẹ ịsa odivi. Ẹnẹyịmavara vi ene eē sere aza anị ana nyị ịzẹyịza ka asị ịsa odivi mẹ wa.

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

Ụhịrẹyị 2:8

Ọnị ee sere aza anị ana a mẹ̀ ịzẹyịza ka azaa na nị. Ọnị ee sere aza anaa saasa ịrẹyị anị nị.

Ụhịrẹyị 3:26

Ẹnẹyịmavara vee sere wụ. Ọ yị vaa zẹ ka a nyị ịsị ẹ mẹ̀ wụ.

Ịrẹyị Ọzwọzịsa 5:17

Avaba ụmẹ ẹhẹ ọza vị ọnịrị ẹngụkata, ayodu, ẹngwọzị ọnịrị ọyịkụ.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ayịsaya 27:3

“Ẹmị Ẹnẹyịmavara o si eyi pe ụbazị amị, dị maa ká enyi hi ọ eyinị-eyinị nị. Mee sere e ọọdụ ọnịrị ịrahụ ka asị a nyị ọza ana sị ụvọ kanyị ọ.

Ayịsaya 47:5

Ẹnẹyịmavara ộ kà a yị Ịbabịrọnị ka, “Na ya ịnị ịrahụ, dị wa yaatụ, a sị ụ kà ịrẹyị. Ọza ẹ yị ma vana hị́ wụ ohinọyị anyẹnẹẹ ẹkụra nịnị.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ịnahụmị 1:8

Ẹnẹyịmavara vi ene vee vu ọnịvị anị ẹtẹ anka ọhaara enyi mẹẹ̄ kụ ịsa avọọ. Dị ọ sị ọnịvị anị nịnị na gẹrẹ usu.

Ịzẹhwanaya 1:15

Ịhị ọnọọ Ẹnẹyịmavara vaa sị zụ wa ịzị ayị kụ ọ ne tu, dị ahịka ẹngụkata ọnịrị ụya kẹnẹ e yee re nị. Ogu ọnị ẹ nyị vị ene e vee du ha, dị ọọdụ vara ịrahụ yị wa.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Ịrịka 6:24

Ẹnẹyịmavara oo sere wa, dị ọ mẹ ka oo zee yị wa.

Imatiwu 8:12

Ama dị a dụ ezi anaa vọrọ ka ẹ̀ yà ịnị ịjọva ọnọọ obooro jịnẹ và hi ẹhẹ ịnị ịrahụ. Dị ẹ yà ịzọọ aa jị òrèrè, dị ẹyaa rị anyị.”

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

2Ipita 2:17

Onireche ẹnẹẹ vị ana sị mẹẹ anka ịkangga ẹnẹ ẹ̀ yị nyị enyi avọọ. Vị ẹ rẹ yà anka eguhi ọnị ahị aa kụ́ụ zịịzị nị. Ịnị ịrahụ ruma-ruma Ohomorihi sị eehi ẹnịnị tụ́ pooro zịna-zịna nị.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”