1 Ịsamụwẹrị 2:8 - IWE ỌNỊNỊ

⁸ Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.

1 Ịsamụwẹrị 2:8 Iomraidhean Croise

Oyinyima 41:14

Di Ihwarawo tụ́ na hị́ Ijosẹẹhụ, di a wụsẹ na sị ọ hụụnị ẹngwa vẹ nị. Ịjị ọ sị ịrẹsụ anị kụ́, dị ọ sị awuru ọsa chire, di o ve tù Ihwarawo nị.

Oyinyima 41:40

Ọ kà ọnị ọ vaa sị eyi pè ẹkụra anị nị. Ọ kà ịsị ọọ ka aza anị ẹ̀ mẹ kẹnẹ avaba ẹnịnị vaa mẹ nị. Ọ kà ini oze ka ọnị vị ohinọyị nị kẹnẹ oni ve sii huna a nị.”

2 Ịsamụwẹrị 7:8

“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

1 Ohinọyị 16:2

“Ibaasa, ẹ yị nyị ịsị ụ vị dị mị sị ụ kwẹẹtẹ dị mị sị ụ mẹ ọdọvịdị Anisirẹrị aza amị nị. Ama dị ahịka ebira odivi oni Ijerobowami mẹ ụ waa mẹ nị Wâ mẹ ka Anisirẹrị aza amị ẹ̀ẹ mẹ̀ ebira odivi. Ẹnịnị vavọọ aa mẹ̀ ebira odivi ka ẹnị ẹ̀ sị mẹ ayị kụ́ mị.

2 Ohinọyị 9:6

Ịzẹyịza Ijehu ộ kwẹẹtẹ, dị ẹ ngụ ịnị aku nị. Ọnịsẹ ọnọnị ộ va angwẹ ọnọọ hi ọ ịrẹsụ, dị ọ kà a yọ ka, “Ẹnẹyịmavara, Ohomorihi Anisirẹrị nịnị ka, ọnị ộ nyị wụ ka wa vị ohinọyị aza anị, Anisirẹrị nịnị o.

Ijoovu 1:21

Dị Ijoovu ka, ahwaahụ a ma ọnị nị. Ahwaahụ ọnị rẹ sị su nị. Ẹnẹyịmavara ana sị ịsa ẹnẹnị yị ọnị, ọ rẹ sị ịsa anị nị. Ọnị ọ kụ ọ avọ

Ijoovu 2:8

Dị Ijoovu yaatẹ ịnị atịtọ dị aa sị urura hụ ẹngụ nị.

Ahẹ Ụgama 102:25

Dị mị rẹ ka hụrẹ ụmọrụmọ ọnị ọ sị ẹhẹ ọnọnị jẹẹ hị́, ọnị ọ rẹ mẹ ẹbẹẹba nị.

Ahẹ Ụgama 104:5

Wa raà sị ẹhẹ jẹẹ geri-geri o yi zụ henyi,

Ahẹ Ụgama 107:41

Ama, dị ọ sị oniruwa hụụnị ụya ẹnị ẹ yaa rị, dị ọ mẹ ka aneehi anị ẹ̀ rụrụ anka ịsụpa mẹ̀ẹ há, avọọ nị.

Ahẹ Ụgama 24:2

Ịrẹsụ oku ọ vavọọ sị ọ jẹẹ tụ́ nị.

Ahẹ Ụgama 75:3

Ohomorihi, ụ ka ịjị ẹhẹ ọnịrị aza ene hi ịnị anị aa vangga, ẹwa sị ụvọ za ẹhẹ jẹẹ geri-geri nị.

Ahẹ Ụgama 75:4

Wâ kà a yị aza edivi ene ee wùu zị ka asị e rè wo oto Ụ ka asị aza edivi rẹ mẹ ịkanggụ.

Ahẹ Ụgama 75:7

Ohomorihi ọnị ịnya kẹnẹ ọọ̄ mẹ̀ ọkarẹyị nị. Ọọ̄ kà aza enyi chi, dị ọ kà ọsa hịrẹ.

Ịrẹyị Ọzwọzịsa 4:14

Ẹngụ ozweyi ọnọọ ọ zụ hụụnị ẹngwa va rị ohinọyị, ọ̀ọ daka vị ka ịnị osiye a ma a tụ nị.

Ayịsaya 22:23

Ọ rẹ ka ọnị vaa sị ọ jẹẹ dị ọnị dà ezi za a ahụ. Ẹnẹyịmavara rẹ ka udi ụbanyị ọ vaa yà ịda anị nị,

Ịdanịyẹrị 2:48

Dị ọ ka udi Ịdanịyẹrị hịrẹ ka ọ̀ kụkụ sị eyi pe avaba ẹtẹ Ịbabịrọnị nị, dị ọ rẹ vị ohirẹsụ avaba anajuwe Anibabironi nị. Dị ọ rẹ mẹ̀ ẹ ẹyịza ẹbanyị-ẹbanyị va kà a nị.

Ịdanịyẹrị 4:17

Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.

Ịdanịyẹrị 6:3

E yi kù dị ẹnịnị re ka Ịdanịyẹrị aa mẹ̀ ụkọrọ ẹtẹẹrẹ huni ẹnị ẹẹva ana vọ ana a ka ọnịrịị è si eyi pe Ịgọvọnọ nịnị nị. Ụkọrọ anị o re zoza huni ụkọrọ Ịgọvọnọ nịnị bẹẹ nị. Agụvị ka ụkọrọ anị ô zoza huni ẹnị ana vọ ẹtẹẹtẹrẹ, dị ohinọyị aa mẹ eto ka ọnị aa sị avaba ẹtẹ anị chire e ụvọ nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Ẹtore 1:6

Ọ raà nyị yị ka ya nyị tụ́ ịnị ịjọva anị, dị ya rẹ yà anka ohirẹsụ irehi Ohomorihi, dị yaa hẹkẹ Ohomorihi Ada anị. Ọnị ọ vaa nyị igirima ọnịrị ụkata pooro zịna-zịna nị. Aamị.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 5:10

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.

1 Ịsamụwẹrị 15:17

Dị Ịsamụwẹrị ka, “Wáā yẹ ka wê yi vịdị ro o ka waa bẹrị ọza, dị Ẹnẹyịmavara sị wụ vị ọdọvịdị Anisirẹrị nị. Dị ọ nyị wụ ka wa vị ohinọyị Anisirẹrị.