1 Ịsamụwẹrị 2:2 - IWE ỌNỊNỊ

² Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.

1 Ịsamụwẹrị 2:2 Iomraidhean Croise

2 Ịsamụwẹrị 22:3

Aha ẹvagu nganganga Ohomorihi amị vị, Ịda anị mị zwe na tẹ̀, ọnị ee sere mi nị. Ụkata anị aa sị dọ mị tụ́ nị, ịda anị ọ vị aha ẹvagu ọnị mị na tẹ̀ tụ́ nị.

2 Ịsamụwẹrị 22:32

Ẹnẹyịmavara ịnya kẹnẹ ọ vị Ohomorihi nị. A yị nyị ịsa ọsa o!

2 Ịsamụwẹrị 7:22

“Ẹnẹyịmavara Ochẹtẹẹngụ, wâ nyị ụbanyị o! nyị ọza ene e siī jị uwe awụ. Ẹ yị nyị Ohomorihi ọsa à yị vị ẹwụ. Â vịdị vavọọ sị sị ọ kà yị,

1 Ohinọyị 8:23

dị ọ ka, “Ẹnẹyịmavara Ohomorihi Anisirẹrị, ẹ yị nyị Ohomorihi ọsa anka ẹngụ awụ ẹbẹẹbẹ ini ihinẹba àa vị ụvẹtẹ ịnị ẹhẹ. Ayamva ọnị ụ ka ụ vaa mẹẹ yị ezi ahụ awụ ana aa sị ayị ọnya zị ụsẹ ini eyi awụ, vị ọnị ụụ̄ mẹ.

Ahẹ Ụgama 111:9

Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna, nyị ẹngụ Ohomorihi, dị ọ rẹ nyị ụkata nị.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ahẹ Ụgama 18:31

Ẹnẹyịmavara ịnya kẹnẹ ọ vị Ohomorihi nị ọnị ịnya kẹnẹ o zụ sere yị nị.

Ahẹ Ụgama 71:19

Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ nyị ọza ene e sii juwe awụ.

Ahẹ Ụgama 71:3

Navọ me re aha tẹ tụ́ ịda awụ, dị wa dọ mị tụ́ dị asị a nyị ịsị ẹ zụ kanyị mị ịzọọ. Wâ yẹ ka ẹwụ ee sere mị dị wẹ̀ yị zẹẹ ka à nyị ịsị ẹ kanyị mị nị.

Ahẹ Ụgama 73:25

Ẹwụ ịnya chọ̀chọ̀chọ̀ mị nyị tụ́ ẹbẹẹba nị, ẹ yị rẹ nyị ịsị ẹ yà ịnị ẹhẹ oni mee sì, ẹ̀ yị vị ẹwụ.

Ahẹ Ụgama 86:8

Ẹnẹyịmavara, ẹ yị nyị ori ene e siī juwe awụ, nyị ẹnị ẹwụrị aa mẹ ẹbẹ.

Ahẹ Ụgama 89:6

Ịnị avaba ịsa ene hi ẹbẹẹba, ye re ana a zụ sị ọnịrị Ẹnẹyịmavara juwe ẹngụ? Ye re ana ka ọnịrị Ẹnẹyịmavara ộ vị ọpa ịnị avaba aza ene hi ẹbẹẹba?

Ahẹ Ụgama 89:8

Ẹnẹyịmavara, ana vi Ohomorihi Ochẹtẹẹngụ, ẹnị ẹ ka ọnịrị ẹwụ ộ vị ọpa? Ẹnẹyịmavara, mâ nyị ụkata, ịzẹyịza ụ sịị̄ mẹ avaba ịsa nị.

Ahẹ Ụgama 99:3

Avaba aza vaa sị ụbanyịị yị ịrẹha anị ana maanị ngụ ịrẹyị. Ọnịnị ọ vị nị.

Ahẹ Ụgama 99:5

Waā kụ́ Ẹnẹyịmavara ana vi Ohomorihi ayị, tana tụra ẹtẹ ọvịdị anị ịzị ọ yaayịtẹ agụvị ka ọnịnị ọ vị nị.

Ahẹ Ụgama 99:9

Waā sị ụbanyịị yị Ẹnẹyịmavara ana vi Ohomorihi ayị, di wa nọ ịnị ataba anị dị waa tanaa tụra ẹtẹẹ kụ́ ọ nịnị. Yẹ nịnị ka Ẹnẹyịmavara ana vị Ohomorihi ayị, ẹ yị nyị ẹngụ anị.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ayịsaya 40:18

Ẹnẹ a nyẹngụ sị juwe Ohomorihi kẹ? Sị a zụ sị jiwe anị kẹ?

Ayịsaya 44:6

Ẹnẹyịmavara, Ohinọyị Ísirẹrị ana dọ wa ha, Ẹnẹyịmavara Ochẹtẹẹngụ ka: Ẹma vị ọnịpaapa nị, ẹma rẹ vị ọdịrẹma nị. Ẹmị ịnya ọ vị Ohomorihi nị. Ịrẹma amị, ẹ yị nyị Ohomorihi ọsa.

Ayịsaya 44:8

Asị ayị hụrẹ wụ ịnẹ, Asị u hí angwa. Aanị ka mẹ yị vịdị sị ọ kà a wụ nịnị hụrẹ ụmọrụmọ, ịsị ẹ vaa mẹ? Ẹwụ nịnị ọ vị onivenu amị nị. Áá nyị Ohomorihi ọsa? Eyiye! Ẹ yị nyị ịda ọsa-ẹyị nyị ọsa.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 6:3

Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”

Ijeremaya 10:6

Ẹ yị nyị ọza anka ẹwụ Ẹnẹyịmavara o. Waa nyị ụkata ẹtẹẹtẹrẹ, avọọ ịrẹha awụ mẹ banyị dị ọ nyị ụkata ẹtẹẹtẹrẹ nị.

Ireevi 11:44

Ohomorihi ka, ọnị ọ vị Ẹnẹyịmavara, Ohomorihi awụ nịnị nị, agụvị avọọ, sị ẹngụ awụ nịnị tụ irenyi yị ọnị nịnị agụvị ka ọza ọnịnị ọnị vị nị. A sị ụ sị ịsa anaā sịị ahụ ọnịrị ụvọọ tura ịrẹsụ ẹtẹ du ẹngụ awụ nịnị ẹngụ o.

Ireevi 11:45

Ọ kà, ọnị ọ vị Ẹnẹyịmavara ana kụ wụ nịnị hụrị ẹtẹ Ijipiti, ka ọnị ọ̀ vị Ohomorihi awụ nịnị nị. Agụvị avọọ, sị ẹngụ awụ nịnị tụ irenyi yị ọnị agụvị ka ọza ọnịnị ọnị vị nị.

Ireevi 19:2

Ọ̀ kà a yị ịragụ Anisirẹrị nịnị ka; Ẹnịnị ẹ̀ sị ẹngụ tụ irenyi, agụvị ka ọnị Ẹnẹyịmavara, Ohomorihi ẹnịnị vị ana sị ẹngụ anị tụ irenyi.

Aniroomi 15:4

Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru.

Aniroomi 4:8

Aza oni Ohomorihi ọ̀ yị za ịrịka tụ́ ịnị ọnịvị vaa daa jẹ.

Iwe Ọhụhị Imosiisi ana aa hị́ Ọyịvatụrọda 3:24

Taarụ! Ẹnẹyịmavara Ohomorihi, ozi ahụ awụ ộ yẹ ka u nyima kẹnẹ aa sị ọnị ịsa ọbanyị-ọbanyị ọnịrị ohyozirenu ọnị u vaa mẹ zụ̀ ọnị aanị nị. Ẹ yị nyị ori ọnyọọnyị ẹbẹẹba a vị ịrẹsụ ẹtẹ ana zụ mẹ avaba ịsa avụna-avụna ọnị ọ raà mẹ.

Iwe Ọhụhị Imosiisi ana aa hị́ Ọyịvatụrọda 32:20

Agụvị akamawụ awụ nịnị ọnịrị arịmanyị ịzẹyịza awụ nịnị Ẹnẹyịmavara sị yi wu nịnị tịtẹ, di e re ịsa ene vee tu wu nịnị nị.

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Iwe Ọhụhị Imosiisi ana aa hị́ Ọyịvatụrọda 4:35

Ẹnẹyịmavara ộ maanị sị ịsa ẹnịnị zụ wa agụvị dị ẹ yẹ ka ọnị ịnya kẹnẹ ọ vị Ohomorihi. Ẹ yị nyị Ohomorihi ọsa ịrẹma anị.

Iwe Ọhụhị Imosiisi ana aa hị́ Ọyịvatụrọda 4:39

Agụvị avọọ, ẹ tamayị ajịnị, asị ayị hi wa ka Ẹnẹyịmavara ọ vị Ohomorihi ana nyị ẹbẹẹba ọnịrị ẹtẹ nị. Ẹ yị nyị ọsa.

1Ipita 1:16

 chẹrẹ ẹ tụ́ ini iwe Ohomorihi ka Ohomorihi ka: Vị ọnịnị nịnị, agụvị ka ẹmị vị ọnịnị.