1 Ịsamụwẹrị 16:1 - IWE ỌNỊNỊ

¹ Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:1 Iomraidhean Croise

1 Ohinọyị 8:16

Ụ mẹ̀ hụrẹ kụ́ aza awụ jịnẹ hụrẹ Ijipiti, ẹ yị nyị ẹkụra ọnị ụ nyị ịnị avaba ẹkụra ịrẹsụ Anisirẹrị ka wa dà irehi tụ́ ịzọọ dị wa yà ịnị anị. Ụ ka ama wâ nyị Idevidi ka ọ̀ vị ohirẹsụ Anisirẹrị aza awụ.

2 Ohinọyị 9:1

Ẹkụhị ọnya, Erisa ana vị ọnịsẹ, ộ hị́ ọnya ịnị ẹnị ọnịsẹ nịnị, dị ọ kà a yọ ka, “Tenyi ẹngụ awụ; sị ijonggo ana sị angwẹ tụ aanị, dị wa nọ Ịramọtị-Igiriyadi.

2 Ohinọyị 9:3

Wàa sị ngụ ịnị aku, dị ụ sị ijonggo angwẹ ọnọnị dị ụ và angwẹ anị hi ọ ịrẹsụ.” Kà a yọ ka, “Ẹnẹyịmavara kà, ọ nị ộ nyị ọ ka ọ̀ vị ohinọyị Isirẹrị. Wàa vavọọ sị ọ mẹ, hụụ ịzọọ we zwe b”.

2 Ohinọyị 9:6

Ịzẹyịza Ijehu ộ kwẹẹtẹ, dị ẹ ngụ ịnị aku nị. Ọnịsẹ ọnọnị ộ va angwẹ ọnọọ hi ọ ịrẹsụ, dị ọ kà a yọ ka, “Ẹnẹyịmavara, Ohomorihi Anisirẹrị nịnị ka, ọnị ộ nyị wụ ka wa vị ohinọyị aza anị, Anisirẹrị nịnị o.

1 Ịtọpa 11:3

Ẹ ka agụvị avọọ ẹnị azọkụ-azọkụ Anisirẹrị ve tu ohinọyị Idevidi Ihebirọnị nị. Idevidi ọnịrị wa ệ hị́ eku yị ẹngụ Ihebirọnị ọvịdị Ẹnẹyịmavara, dị ẹnịnị vị angwẹ orivi hi Idevidi ịrẹsụ, dị ẹ sị ọ rị ohinọyị Isirẹrị, anka Ẹnẹyịmavara mẹ vịdị kà a ka Ịsamụwẹrị ọ̀ kà a nị.

1 Ịtọpa 28:4

Ọ kà Ẹnẹyịmavara, Ohomorihi Anisirẹrị nịnị vị ana nyị ọnịrị ezi ka ẹnị ẹ vaa vị ohinọyị Isirẹrị pooro nị. Ohomorihi ộ nyị Anijuda nịnị ka ịda ẹnịnị ohinọyị Anisirẹrị vaa hụrẹẹ vẹ nị. Dị ọ nyị ovwoovu ada anị hụụ ịdị Anijuda nịnị nị. Ô hine Ohomorihi dị ọ nyị ọnị hụụnị ovwoovu ada anị, dị ọ sị ọnị rị ohinọyị Ísirẹrị nị.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 55:4

Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị,

Ijeremaya 11:14

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa; asị ọnị dá ịpẹ yị ọnị agụvị ẹnịnị, agụvị ka ọnị ẹ yị vaa wụ̀, ẹnịnị ẹẹ hị́ ọnị ịnị ụmẹ akanya ẹnịnị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 6:30

Ẹnẹyịmavara kà, enyusẹ ene si du ha a vanaa hị́ wa nị, agụvị ka ọnị ọ sị yi hụụnị aza anị.

Ijeremaya 7:16

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa. Asị ọnị hụvị ẹnịnị da ịpẹ yị ọnị agụvị ka ọnị ẹ yị vaa wụ̀.

Ịzakaraya 4:14

Dị anggẹẹrị kà, aza ẹnị ẹ ẹẹva ọnị Ohomorihi nyị ka ẹẹ hẹkẹ ọnị ana nyị avaba ẹhẹ nị.

Aniroomi 15:12

Ayịsaya ọ rẹ vịdị kà a ka, “Ozi ọnya ana vaa chịị hụụnị ovwoovu Ijeesee vẹ, ọnị ọ vaa kwẹẹtẹ, dị ọ̀ rị ohinọyị tụ́ ịrẹsụ Anigiriki nị. Ọnị ẹ́nịnị vaa sị ayịị tụra nị.”

Anihiburu 11:32

Sị màa kụkụ kà? Mẹ yị nyị ụmẹ kà ịrẹyị Igidiyọnị, ọnịrị Ịbarakị beri Ịsamịsịnị ọnịrị Ịjẹhwịta ne beri Idevidi ọnịrị Ịsamụwẹrị ọnịrị ọnịsẹ nịnị.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 15:26

Dị Ịsamụwẹrị tụ Ịsọọrụ ohi ka, “Mẹ yị zụ saasa wụ varẹma na agụvị ka we re yi ịrẹyị Ẹnẹyịmavara tịtẹ. Agụvị avọọ Ẹnẹyịmavara ọnị o rere yi wu ka asị ụ kụkụ vị ohinọyị Anisirẹrị.”

1 Ịsamụwẹrị 15:35

Pooro dị Ịsamụwẹrị su, ọ yị vana si eyi gẹrị Ịsọọrụ. Ama Ịsamụwẹrị vị ana aa jị òrèrè Ịsọọrụ. Ộ zị Ẹnẹyịmavara ẹngụ ka ọnị ộ sị Ịsọọrụ mẹ ohinọyị Anisirẹrị.

1 Ịsamụwẹrị 16:15

Di ezi ahụ Ịsọọrụ va hị́ ọ dị ẹ ka, “wéē re aanị ka Ohomorihi ọ tụ́ ụhwẹ odivi ka ọ vaa sị ụyaa rị wụ aanị nị.

1 Ịsamụwẹrị 16:23

Ụmẹ tụra ụmẹ ọnị Ohomorihi ọ̀ọ tụ́ ka ụhwẹ ọnọọ ọ̀ rẹ vẹ ịnị ẹngụ Ịsọọrụ, di Idevidi sị agidibo anị di ee hú ọ. Dị ụhwẹ odivi ọnọọ rẹ kwooze yị Ịsọọrụ, dị ẹngụ anị rẹ sị nịya.

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.