1 Ịsamụwẹrị 15:1 - IWE ỌNỊNỊ

¹ Ẹkụhị ọnya dị Ịsamụwẹrị hị́ Ịsọọrụ dị ọ kà, “Wâ yẹ ka ẹmị ọnọnị Ẹnẹyịmavara tụ́ ka ọ̀ va sị wụ rị ohinọyị tụ́ ịrẹsụ Anisirẹrị aza anị nị. Batọ dị wa wụ́ ụtụ ẹnị Ẹnẹyịmavara tụ́ mị hi wu.

1 Ịsamụwẹrị 15:1 Iomraidhean Croise

2 Ohinọyị 7:1

Ama, Erisa ô tụ́ ohi ka: Ẹnẹyịmavara ộ tụ́ ọnị hi wu; ọ ka ụmẹ aanị ụhwọọ, a vaa hị́ ihwiiti ene zoza hu ikirogirami ẹẹta Ịnayịra ọnya, dị a raa hị́ ibaari ikirogirami ịhịnọnyị Ịnayịra ọnya Ị́samarịya ịzẹnị.

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 12:14

Wàa nyị angwahi Ẹnẹyịmavara nịnị, dị ụ hẹkẹ ẹ, dị ụ rẹẹ wụ́ chire e nịnị nị. Wàa saasa ọda anị nịnị, dị ẹwụrị ohinọyị awụ nịnị zẹẹ ka wa saasa Ẹnẹyịmavara ana vị Ohomorihi nị, o vee ze yị wụ nịnị nị.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 9:15

Ịjị ọ sị vọ ụhwọọ ọnị Ịsọọrụ nịnị aa vaa ngụ ịnị ẹkụra, Ẹnẹyịmavara ộ vịdị raà sị ịrẹyị ọnọọ zụ̀ Ịsamụwẹrị.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.