1 Ịsamụwẹrị 14:1 - IWE ỌNỊNỊ

¹ Ẹkụhị ọnya di Ijonatani hí ozi ọnọrụ ọnya anaā za ẹnya ịrẹkụ anịị gụ ọ nị, dị ọ ka ọ̀ vẹ dị ẹnị ẹ̀ nọ ịzị isoja Anihwirisiti nịnị hí akẹnẹ eyi ọsọọ nị. Ama Ijonatani ọ yị kà yị ada anị Ịsọọrụ.

1 Ịsamụwẹrị 14:1 Iomraidhean Croise

Imika 7:5

Asị ụ dọ ịrẹyị ọta awụ tụ́ ịzọọ asị ẹwụ na sị ayị tụra a. Ịda ose ewu ụvọta, mị yarị ẹwụ, wa sị ụvọ za irenu awụ.

1 Ịsamụwẹrị 25:19

Dị ọ ka ozida anị ọ̀ dọ ọvịdị dị ọ̀ọ na zị ọnị ka ọnị aa vẹ nị. Ama ọ yị kà a yi Ịnabarị ọva anị.

1 Ịsamụwẹrị 13:22

Ịhị o si tù ka à kụ̀ ịrẹkụ, avaba isoja ana yà pe Ịsọọrụ ọnịrị Ijonatani ẹ yị nyị ụhwọọ àa vị ọha. Ịsọọrụ ọnịrị Ijonatani oze anị kẹnẹ ẹ nyị ụhwọ ọnịrị ọha nị.

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

Ọdọvịdị 14:6

Dị Ẹnẹyịmavara sị ụkata yị Ịsamịsịnị dị ọ za idu ọnọọ dị ọ gara ha anka ọza o rere a wụ̀ ozi ẹvụ avọọ nị. Ẹ yị nyị ịsa ọ sị rị ụvọ dị ọ vavọọ mẹ, Ịsamịsịnị ẹ yị kà a yị ada anị ọnịrị ọnyị anị ọ mẹ vavọọ mẹ.

Ọdọvịdị 6:27

Igidiyọnị ộ kụ ezi ahụ anị ịhịmba, dị ọ mẹ̀ ịsa ọnị Ẹnẹyịmavara kà yọ nị. Agụvị ka Igidiyọnị ô hí angwahi ịsị anovwoovu anị ọnịrị anẹkụra anị vaa mẹ̀, dị ọ mẹ avaba ịsa ẹnẹnị ịrahụ nị.

1 Ịsamụwẹrị 13:23

Á nyị isoja Anihwirisiti ẹnyị ana zi oze ịnị ataba Imikimasi na para hu.

1 Ịsamụwẹrị 14:2

Ịsọọrụ ọnị vị a na nọ̀ ụtọ ẹkụra Igibeya dị ọ na yà iruvo ọchị anaā hị́ Irimoni ana yà ịzị aā hị́ Imigironi â nyị aza ẹnyị aanị ẹnị akata ana yà pè e.

Ọdọvịdị 14:9

Dị Ịsamịsịnị jị ụvọ ngụ ọ, dị ọ da ẹhụ dị aa rị ọ na oze nị. Ọọ tu ịnị eehi dị ọ da ẹhụ dị ọ sị yị ada anị ọnịrị ọnyị anị nị, dị ẹ rị ọ nị. Ama Ịsamịsịnị ẹyị ka ẹ yị wa ka ịnị oku idu ọnị da ẹhụ ọnọọ hụrẹ nị.