1 Ịsamụwẹrị 13:2 - IWE ỌNỊNỊ

² Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 13:2 Iomraidhean Croise

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

2 Ịsamụwẹrị 21:6

Sị aza ẹnị ịhịmba ini ezi Ịsọọrụ yị di ye zù wa gẹ ọchị ọvịdị Ẹnẹyịmavara ịnị ataba Ịsọọrụ, ataba ẹnị Ẹnẹyịmavara sị nyị.” Di ohinọyị ka ọnị vaa kụ́ waa yị wa nị.

2 Ịsamụwẹrị 23:29

Iherebi ozi Ibaana ana rẹ vị Aninetohwa, Itayi ozi Iribayi ana hụrẹ Igibiya ana hụụnị ezi Ịbẹnjamịnị vẹ,

Ẹzịra 2:27

Animikimasi vị ẹchẹhị tụra ohurẹẹva (122).

Inehemaya 11:31

Ịpa evere Ịbẹnjamịnị vị ana ra ịnị ẹtẹ Ịgẹva, Imikimasi, Ayija, Ịbẹtẹrị ọnịrị ẹkụra eweyi-eweyi ana gụ rị wa.

Ijosuwa 18:28

Ịzẹra, Ịharẹhwị, Ijebusi (Ijerusarẹmị), Igibeya, ọnịrị Ikiriyati-Ijeyarimi; Ẹkụra ẹbanyị-ẹbanyị ẹwụrẹna beri ẹkụra ana vọ ana kara wa. Ẹtẹ ọnọnị abara-abara ịrẹsụ Ịbẹnjamịnị dọ mẹ ogu ẹnịnị nị.

Ijosuwa 22:6

Ijosuwa ộ mẹ̀ aduwa yị wa, dị ọ ka ẹẹ na nị, dị ẹnịnị và nọ eehi ẹnịnị nị.

Ọdọvịdị 19:12

Dị ọga anị tu ọ ohi ka eyiye, ẹnị ẹ yị vaa nọ ẹkụra ọzọga ẹnẹ yị vị Anisirẹrị na sụ, ọ ka ọ vẹ ẹnị ẹ ka tụ ọvịdị nọ ẹkụra Igibeya.

1 Ịsamụwẹrị 10:26

Dị Ịsọọrụ ọnị rẹ si hu aa nọ Igibiya ana vi eehi anị nị. Â nyị aza ẹnyị aanị ana nyị ụkata, Ohomorihi ộ sị tụ́ ịnị ayị ẹnịnị, dị ẹ kwẹẹtẹ dị ẹ saasa Ịsọọrụ aa na nị.

1 Ịsamụwẹrị 10:5

Dị Ịsamụwẹrị ka Ịsọọrụ ọnịrị aza ẹ̀ẹ vavọọ si gẹ, dị Ịsọọrụ ọ̀ọ nọ ịnị ataba Ohomorihi ana yà Igibiya. Ọ kà Anihwirisiti nịnị ệ kụ́ udi tụ́ ịzọọ. Ọ kà Ịsọọrụ àa vaa ngụ ẹkụra ọnọọ, ọ vaa gẹrị ọnịsẹ ẹnyị aanị ana hụrẹ aha ịsọvọ aa vẹ. Ọ kà aza vee hú agidibo irenyi-irenyi, okokoro ọnịrị ọkangga tụ́ ọvịdị ẹnịnị, dị ẹ rẹ yàa kà ịsẹ.

1 Ịsamụwẹrị 13:1

Ịsọọrụ vị ịrayị (ohurẹẹwụ) dị a va sị ọ rị ohinọyị. Ộ mẹ ohinọyị Anisirẹrị mẹ ịrayị (ẹbẹẹva) tụra ẹẹva.

1 Ịsamụwẹrị 13:11

Dị Ịsamụwẹrị kà, “Sị ụ mẹ aanị?” Dị Ịsọọrụ kà, “Mê re ka aza e si nyima aa vaa hụrẹ mị ẹngụ, wệ yị vẹ ịnị ụmẹ ọnị ụ jị. Anihwirisiti ẹnị aa waraa gụ Imikimasi.

1 Ịsamụwẹrị 13:15

Dị Ịsamụwẹrị hụrẹ Igirigari dị ọ va hịrẹ aa nọ Igibiya ịnị ẹtẹ Ịbẹnjamịnị nị. Dị Ịsọọrụ za aza ana vọ ana yà pè e ịrịka nị. Ẹnịnị vị ẹhụụ akata avọọ.

1 Ịsamụwẹrị 13:16

Ịsọọrụ ọnịrị Ijonatani ozi anị ne beri aza ana yà pè e vi ene hi Igibiya ịnị ẹtẹ Ịbẹnjamịnị. Dị Anihwirisiti nịnị ẹnị kụ́ udi tụ́ Imikimasi nị, Di isoja Anihwirisiti gà hi oze ẹẹta, dị ẹ yaa ngụ ọ zị dị ẹ yaa dọ aza ẹnya nị. Oze ọnya vị ana zị oze Opira ọgụrị Isuwari,

1 Ịsamụwẹrị 13:23

Á nyị isoja Anihwirisiti ẹnyị ana zi oze ịnị ataba Imikimasi na para hu.

1 Ịsamụwẹrị 13:5

Dị Anihwirisiti nịnị kụ́ ẹngụ gụ ka ẹnịrị Anisirẹrị ẹ va kụ̀ ịrẹkụ nị. Isoja Anihwirisiti ana nyị ịkẹkẹ ịrẹkụ oni umaataā tura vị ẹnị akawụ rị akahị. Dị ẹnị anaā sịị ịkẹkẹ ịrẹkụ oni umaataā tura kụ̀ ịrẹkụ ẹnị vị ẹnị akawụ-akawụ oze ẹẹta nị. Isoja ana vọ ẹnị vị otomiroku, ẹ rụrụ anka ààrẹ ụtọ ókū avọọ nị. Dị ẹnịnị hịrẹ nọ Imikimasi di e ne gù ịrẹkụ ẹnịnị tụ́ eyi ọnị ọyịị̄ zịị vẹ ẹkụra Ịbẹtị-Aveni.

1 Ịsamụwẹrị 14:31

Ịhị ọnọọ Anisirẹrị nịnị vị ana wụ̀ Anihwirisiti nịnị hụrẹ Imikimasi huu na ngụ Ayijaroni; dị ọ ta ngụ wa ẹngụ nị.

1 Ịsamụwẹrị 14:5

Ọnya ịnị ịrẹta gọọgọrọ ẹnẹẹ vị ana yà oze ẹbẹẹba, dị ọ và eyi kà Imikimasi, dị ọsa ọnị yà oze ụvẹtẹ di ọnị rẹ vaa kà Ịgẹba nị.

1 Ịsamụwẹrị 14:52

Ịsọọrụ mẹ̀ yà ẹhẹ, ọnịrị Anihwirisiti vị ana aa kụ́ ịrẹkụ pooro kẹnẹ. Ọza tụra ọza ọnị Ịsọọrụ òo re ka ayị anị ộ vị, dị ọ zụ kụ̀ ịrẹkụ nị, dị ọ za a tụ́ ini isoja anị.

1 Ịsamụwẹrị 15:34

Dị Ịsamụwẹrị si hu dị aa nọ Iraama nị. Dị Ịsọọrụ ọnị aa nọ eehi anị ịzị aā hị́ Igibiya Ịsọọrụ nị.

1 Ịsamụwẹrị 24:3

Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ.

1 Ịsamụwẹrị 26:2

Dị Ịsọọrụ tọ̀ọ ọmụha-ọmụha ẹnị akawụ rị akahị hụụnị avaba Isirẹrị, di e si hu aa nọ ịnị ụnọmị Izihwi, di eyee nee sì Idevidi nị.

1 Ịsamụwẹrị 8:11

Dị Ịsamụwẹrị ka, “wàa sị ohinọyị nyị nịnị, ịsị ọ vaa mẹ yị, o! Ọ vaa za ezi ewu nịnị dị ọ kụ́ wa hi ini isoja. Aza ẹnyị vị ọnị ọ vaa kụ́ hi ịnị isoja ana aā sị ịkẹkẹ oni umaata ee turaa kù ịrẹkụ, dị ọ kụ́ aza ẹnyị hi ini isoja anaā sịị umaata kụ́ ịrẹkụ. Aza ẹnyị vị ọnị ọ rẹ vaa kụ́ ka è hi ọvịdị umaata anị di ee zwe echi.”