1 Ịsamụwẹrị 12:14 - IWE ỌNỊNỊ

¹⁴ Wàa nyị angwahi Ẹnẹyịmavara nịnị, dị ụ hẹkẹ ẹ, dị ụ rẹẹ wụ́ chire e nịnị nị. Wàa saasa ọda anị nịnị, dị ẹwụrị ohinọyị awụ nịnị zẹẹ ka wa saasa Ẹnẹyịmavara ana vị Ohomorihi nị, o vee ze yị wụ nịnị nị.

1 Ịsamụwẹrị 12:14 Iomraidhean Croise

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ahẹ Ụgama 105:28

Ohomorihi ộ mẹ̀ ka etohozi ò chi kú ẹtẹ ẹnịnị, ẹnịnị ẹ yị zụ họ̀ ọ use.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Arụwẹ 1:18

Ịsị Ẹnẹyịmavara mẹ̀ vana vọrọ, agụvị ka ẹnị ẹ rẹẹ yị saasa ịrẹyị Anị nị. Ama re ụya ọnị ẹ yaa rị aanị. A raà kụ ezi ọnọrụ ẹnịnị ọnịrị ezi anẹẹ ẹnịnị za ọrịhị ne hi ẹkụra ọsa.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 13:5

Wụ̀ ọnịsẹ ọnọọ ana ka wa mẹ akamawụ hi Ẹnẹyịmavara Ohomorihi ana dọ wụ ha hụrị Ijipiti ịzị a ya za wụ nịnị ọrịhị. Ẹngụ ọza ọnọọ vị ọza ọhịmị ana a sị vụrị ka ọnị ọ mẹ wụ nịnị nyeeyi hụụnị ẹhẹ ana vọrọ ọnị Ẹnẹyịmavara kà wa ra. Wụ̀ ọ agụvị wa kụ udivi hụrẹ ẹtẹ.

Ijosuwa 24:14

Dị Ijosuwa ka yị wa ka ẹnịnị e hí angwahi Ẹnẹyịmavara dị ẹ sị ịzẹyịza saasa a ịnị ụmẹ tụra ụmẹ. Dị asị ẹnịnị kụkụ mẹ ori ọnị ohiku ẹnịnị vịdị mẹ̀ akẹnẹ Okuha Ịjọdanị ọnịrị Ijipiti.

Ijosuwa 24:20

Ẹnịnị èe yi Ẹnẹyịmavara, dị ẹ naa hẹkẹ ori ọzọga nịnị nị, ọnị vaa vara eyi ịrazị tu wa, dị ọnị sị ụya rị wa, dị ọnị wụ̀ wa, ịrẹma ọyịza ọnị ọnị vịdị mẹ̀ yị wa.