1 Ịsamụwẹrị 10:11 - IWE ỌNỊNỊ

¹¹ Â nyị aza enee hi ịzọọ ana vịdị yẹ Ịsọọrụ. Ịjị e re ka Ịsọọrụ ọnịrị ọnịsẹ nịnị dudu aa kà ịsẹ, dị ẹ ka, “Ẹwụ nịnị ẹyịnyara amị, ịrẹyị rẹẹ̀ yọ! Yere ene tu ozi Ikisi aanị? Vị Ịsọọrụ ọnị rẹ kụ́ ẹngụ anị na và hura ọnịsẹ nịnị nị?”

1 Ịsamụwẹrị 10:11 Iomraidhean Croise

Emọsị 7:14

Dị Emọsị tụ́ ohi ka, ọnị ẹ yị vị ọnụtụ Ẹnẹyịmavara, dị ọnị ọ rẹ hụrẹ ịpa ọnọọ vẹ nị. Dị ọ ka, ọnị vị ọgẹrẹva ana pa ịsụpa.

Emọsị 7:15

Ẹnẹyịmavara ộ sị ọnị hụrẹ ịrẹma atẹmẹ ọnịrị ẹvụ anị, dị ọ tụ́ ọnị hi Anisirẹrị nịnị nị.

Ịjọọnụ 7:15

O si hí wa irenu, dị ẹ ka, “Ọ́nọrụ ọnọnị mẹmẹ maanị yẹ ịsa, ịrẹma ọnọ ọ̀ yị kọsẹ iwe da?”

Odeyi 3:10

Ẹnịnị ệ yẹ ẹ ka ọza anaā yaayịtẹ Oze Ozoza irehi Ohomorihi, dị aa pà ịsa avọọ yọ nị. Ịsa ana mẹ tù oswahụ ọnọọ, ô hí wa irenu ẹnẹmẹhị.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 9:21

Avaba aza ana wụ́ ọ vị ọnị o hí irenu. Dị ẹ ka, “Aanịka ẹ yị vị ọza ana yà Ijerusarẹmị ana aa wụ̀ ọza ana àa hị́ ịrẹha ọnọnị yị? Aanịka ẹ yị vị ọ vẹ ịzẹnị ka ọnị ọ̀ va sụ́ wa orupa, dị ọnị ọ̀ kụ́ wa nọ ịdị ohirẹsụ ẹbanyị irehi Ohomorihi?”

1 Ịsamụwẹrị 19:24

Dị Ịsọọrụ yà eyi Ịsamụwẹrị dị ọ ngwa awuru anị dị ọnị raa kà ịsẹ nị. Dị Ịsọọrụ vavọọ hụtụ pooro ọọdụ ọnịrị ịrahụ nị. Ọnị ọ mẹ ana a sịị̄ kà a ka, “Anị ka vị Ịsọọrụ ọnị rẹ yà ịnị ọnịsẹ nịnị nị?”