1 Ịsamụwẹrị 1:9 - IWE ỌNỊNỊ

⁹ Ịjị ịsọvọ ta mẹ̀, dị ệ sị ịsa rị Isiro, dị Ịhaana kwẹẹtẹ dị ọ na mẹ̀ aduwa ọvịdị Ẹnẹyịmavara nị. Eri ana vị ohirẹsụ irehi Ohomorihi vị ana yaayịtẹ ịnị aga ọgụrị enoze irehi Ẹnẹyịmavara.

1 Ịsamụwẹrị 1:9 Iomraidhean Croise

2 Ịsamụwẹrị 7:2

Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ.

Ahẹ Ụgama 27:4

Ịsị mee sì ọnị maa dá ịpẹ ka Ẹnẹyịmavara ọ̀ mẹ mị! Ọ vị ka ma zụ yà ini eehi anị pooro ịnị avaba ẹhẹ amị Màa vavọọ yà ini eehi anị di mee re ụbanyị anị. Mee sì ka maa yà ini irehi anịị mẹ̀ aduwa pooro.

Ahẹ Ụgama 29:9

Ẹnẹyịmavara mẹ kà ịrẹyị, ọchị ẹbanyị-ẹbanyị vị ana maanị sima nyaraka-nyaraka hi ẹtẹ Dị ọchị ene hi ini iriku ma, dị ẹtẹ tịtẹ huyee nị Dị avaba aza ene hi ini irehi anị ee nowu dị ẹ ka Ohomorihi ộ nyị ụbanyị nị.

Ahẹ Ụgama 5:7

Ama ẹwụ vị ana nyayịnẹ vayị amị ẹtẹẹtẹrẹ, avọọ ẹmị vaa vẹ ini eehi awụ. Mị vaa sị ụbanyị yị wụ di mi và kụ́ ẹtẹ, dị maa kụ́ wụ ini Irehi Ọnịnị awụ.

Ọyịkụra 21:6

Ọ̀ọ vavọọ yà, dị ọza ana hị́ ọrịhị ọnọọ sị ọrịhị ọnọọ nọ ịzị Ohomorihiī yà. Òo tù ịzọọ dị ọ sị ọ na jẹẹ pè uhweremi oze, dị ọ sị ịsa jị ọ ụtọ rō. Dị ahịka ọrịhị ọga anị ọnọọ ọ kụkụ vị pàá nị.

1 Ịsamụwẹrị 1:10

Ayị Ịhaana vị ana nyayịnẹ du, di ee sụ ùnè ọ maa mẹ̀ aduwa hi Ẹnẹyịmavara.

1 Ịsamụwẹrị 3:15

Ịjị Ohomorihi sị ịrẹyị anị kà, dị Ịsamụwẹrị na hụtụ pooro di eyi va nị̄ nị. Éyi mẹ sị nị̄, dị ọ kwẹẹtẹ dị ọ na nā oze irehi Ẹnẹyịmavara nị. Ama angwa ee hi Ịsamụwẹrị, ọ yị nyayịnẹ kà a yi Eri ịrẹyị oni o re.

1 Ịsamụwẹrị 3:3

Ịsamụwẹrị ọnị va na rẹ na hụtụ ini eehi Ohomorihi ịzị apoti oto Ohomorihi yà. Ẹtẹ vi ene ee hu eyii vẹ kẹnẹ, ọza óò yi mi ozotupa ini irehi Ohomorihi agụvị ka eyi ộ yị nị̄ ẹtẹẹrẹ.

1 Ịsamụwẹrị 4:13

Ọ́ mẹ̀ vẹ dị ahịka vị o ve tù ka Eri ộ tụ́ aga tụ́ ụtọ oze, dị ọ yaayịtẹ, di o và eyi kà oze nị. Eri vị ana sị eyi pè oze agụvị ka ayị aa hụrẹ ẹ ịnẹ ka asị a na dọ Anisirẹrị apoti oto Ohomorihi. Ọ́za ene zwe hụrẹ eyi ịrẹkụ aanị mẹ̀ va ngụ ịnị ẹkụra, dị aa kà a yị aza ịsa ana mẹ nị. Dị avaba anẹkụra ẹnị ee nowu kẹnẹ nị.