1 Ịsamụwẹrị 1:3 - IWE ỌNỊNỊ

³ Erikana vị ana aā hụrẹ ẹkụra anịị nọ Isiro ịrayị-ịrayị naa hẹkẹ Ẹnẹyịmavara Ochẹtẹẹngụ dị ọ rẹ mẹ̀ ịsọvọ. Eri ọnịrị ezi anị ẹyịva ana aā hị́ Ihohwini ọnịrị Ihwinehasi vị ohirẹsụ irehi Ohomorihi.

1 Ịsamụwẹrị 1:3 Iomraidhean Croise

Ahẹ Ụgama 78:60

Ohomorihi ọ sị wa hụrẹ ụvọ tụ́ Isiro ịzị ẹnịrị wa vịdị kụ́ udi tụ́, dị ọ ra ịzọọ.

Ọyịkụra 23:14

Eche amị ọnị ụ vaa rị nịnị vị ụpẹ ẹẹta ịnị ịrayị.

Ọyịkụra 23:17

Ịnị ụpẹ ẹyịta ini ụmẹ Eche ẹnẹnị ịnị ịrayị-ịrayị, anọrụ awụ nịnị vaa vẹ vaa hẹkẹ ẹmị Ẹnẹyịmavara ana vi Ohomorihi awụ nịnị.

Ọyịkụra 34:23

Ụpẹ ẹẹta ịnị ịrayị ọnọrụ awụ nịnị vaa vẹ va hẹkẹ ẹmị ana nyị wụ nịnị ana vị ohinọyị nị. Ẹmị ọnọọ ọ vị Ohomorihi Anisirẹrị nị.

Iruuku 2:41

Aza ana ma Ijeesu vị anaā nọ Ijerusarẹmị ịrayị-ịrayị, dị ẹ̀ na rị Eche Ọyịparahu.

Iwe Ọhụhị Imosiisi ana aa hị́ Ọyịvatụrọda 16:16

Ụpẹ ẹẹta ịnị ịrayị avaba ọnọrụ awụ nịnị vaa kụụ gụ ọ̀yị hẹkẹ Ẹnẹyịmavara Ohomorihi awụ nịnị ịzị ọ kà à yaa hẹkẹ ọnị nị. Ẹ vavọọ waraa gụ ụmẹ Eche Ọyịparahu, ụmẹ Eche ịsa ọyịkụ gụ, ọnịrị ụmẹ Eche ịnị Ajẹngụ. Ẹ yị ọza ana vaa sị ụvọ osusuu vẹ ọvịdị Ẹnẹyịmavara o.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

Ọdọvịdị 18:31

Ori ọnọọ ọnị Imika bẹ yị ẹngụ anị aza Ịdaanị vana hẹkẹ pooro ịnị ụmẹ ọnị irehi Ohomorihi sị yị ẹkụra Isiro nị.

Ọdọvịdị 21:19

Ịjọnọọ dị e sị iwọjị vẹ ka a nyị eche Ẹnẹyịmavara anaa rị ịrayị-ịrayị enee ve tu Isiro eyi akẹba Ịbẹtẹrị, eyi ọnị ọyị azị hụrẹ akaha oze ọbanyị ọbanyị ẹkụra ana hụrị Ịbẹtẹrị hịrẹ na ngụ Ịsẹkẹmị, dị ọ ya akẹtẹ Irebona nị.

1 Ịsamụwẹrị 1:21

Ị́rayị mẹ̀ rẹ sị gẹ, di Erikana ọnịrị aneehi anị rẹ nọ Isiro ka ẹnị ẹ̀ na mẹ̀ ịsọvọ ẹnị ẹẹ̄ mẹ̀ ẹ yị Ẹnẹyịmavara ịrayị-ịrayị. Ọ̀ọ sị ịsọvọ ọnọọ mẹ, di o re sí ịzẹzẹ ọnị ọ zẹẹ Ohomorihi.

1 Ịsamụwẹrị 1:9

Ịjị ịsọvọ ta mẹ̀, dị ệ sị ịsa rị Isiro, dị Ịhaana kwẹẹtẹ dị ọ na mẹ̀ aduwa ọvịdị Ẹnẹyịmavara nị. Eri ana vị ohirẹsụ irehi Ohomorihi vị ana yaayịtẹ ịnị aga ọgụrị enoze irehi Ẹnẹyịmavara.

1 Ịsamụwẹrị 14:3

Ahija eneē chire awuru ọnụkọrọ Ohomorihi yà ịnị aza ẹnẹẹ. Ahija ọnọọ vị ozi Ahitubi ana vị ọyịnyara Ikabedi. Ahitubi ọnị vị ozi Ihwinehasi ana vi ozi Eri. Eri ọnọọ ọ vị ohirẹsụ irehi Ohomorihi tụ́ Isiro nị. Á yị nyị ọza ana yẹ ka Ijonatani ọ sị hụụ ịzọọ.

1 Ịsamụwẹrị 2:19

Ịrayị-ịrayị ọnyị anị ọnịrị ọva anị vị ana aa zịị nọ Isiro dị ẹ na mẹ̀ ịsọvọ ana aā mẹ ịrayị-ịrayị. Ẹ̀ẹ vavọọ aa na, dị ọnyị Ịsamụwẹrị jị awuru oweyi chee aanị dị ọ sị za naa yọ.

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.

1 Ịsamụwẹrị 3:13

Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.

1 Ịsamụwẹrị 4:11

Anihwirisiti nịnị ẹ raà dọ Anisirẹrị apoti oto Ohomorihi. Dị a wụ̀ Ihohwini ọnịrị Ihwinehasi ana vị ezi Eri nị.

1 Ịsamụwẹrị 4:4

Ịzẹyịza dị ẹ tụ́ nọ Isiro dị ẹ na sị apoti oto Ohomorihi vẹ nị. Apoti ọnọọ vị ana jẹẹ yị ịzị Ẹnẹyịmavara Ochẹtẹẹngụ yà; icherubi ẹẹva vị ana maanị yà eyi ẹyịva apoti ọnọọ di e và eyi kà ẹngụ. Ezi Eri ẹyịva ana aā hí Ihohwini ọnịrị Ihwinehasi ẹ sị eyi pè apoti ọnọọ tụ́ Isiro nị. Ẹnị ẹyịva ẹnẹẹ vị ana saasa apoti ọnọọ vẹ.