1 Ịsamụwẹrị 1:1 - IWE ỌNỊNỊ

¹ Â nyị ụmẹ ọnya, dị a nyị ọnọrụ ọnya aanị ana aā hị́ Erikana ana ra Iraama. Iraama vị ọnyara ịnị ẹkụra ana yà ịrẹsụ ataba ịnị ẹtẹ Ehwireemi. Ada anị ọbanyị ịrẹmị-ịrẹma ọ rị Izuhwi nị. Ada Erikana ọ rị Ijerohami nị. Ijerohami vị ozi Erihu ana ada anị rị Itohu. Ada Itohu ọ rị Izuhwi nị. Ẹnịnị vị Anehwireemi.

1 Ịsamụwẹrị 1:1 Iomraidhean Croise

1 Ohinọyị 11:26

Ọnọrụ ọsa ana kụ hịrẹ Isoromọnị ohinọyị ọ vị ọnya ịnị ozi ahụ anị aā hị́ Ijerobowami ozi Inebati ana ya ẹkụra Izereda ịnị ẹtẹ Anehwireemi. Ịrẹha ọnyị anị ọ rị Izeruwa ana vị osoku nị.

1 Ịtọpa 6:12

Ahitubi ộ ma Ịzadọkị nị; dị Ịzadọkị ma Isarumi nị.

1 Ịtọpa 6:22

Aza ẹnẹnị ẹ vị ezi Ijohati hụrẹ ịrẹma-ịrẹma vẹ nị: Aminadabi, Ikora, Asiri,

1 Ịtọpa 6:33

Aanị ẹ́ mẹ̀ yà Ovwoovu-ovwoovu ana sị ụvọ za ụkọrọ ahẹ ọyịjị ọnọnị vẹ nị: Ihemani ana vị ozi Ijowẹrị ana hụụnị ezi Ikohati ọ vị ọdọvịdị ẹnị ọjahẹ ịpaapa nị. Aanị ẹ mẹ̀ yà ịnị ovwoovu ẹnịnị huuu ne tu Ijekọvụ nị: Ihemani, Ijowẹrị, Ịsamụwẹrị,

1 Ịtọpa 6:34

Erikana, Ijerohami, Eriyẹrị, Itowa,

Imatiwu 27:57

Óruva mè si tù, ọzọbanyị ọnya ana vị Anarịmatịya ộ vẹ. Ịrẹha anị ọ rị Ijosẹẹhụ nị, ozirẹma Ijeesu ọnị rẹ vị nị.

Ijosuwa 24:33

Eriyaza ozi Eerọnị ô su, di e ne e tụ́ Igibiya, ẹkụra ana ya ịrẹsụ ataba ẹkụra Ehwireemi. Ozi Ijosẹẹhụ ana aā hị́ Ihwinehasi a sị ẹtẹ ọnọọ yị nị.

Ọdọvịdị 12:5

Ịnị ịrẹkụ ọnọọ Anigiriyadi ya dọ oze ana a zị jịnẹ irehu Ijodani nị, dị Anehwireemi nịnị ẹyị kụkụ re oze parahu nị. Ịjị Anehwireemi nịnị e ne zwe ẹ kụkụ tu ịzọọ dị ẹ ka ẹ naa parahu nị, dị Anigiriyadi họ̀ wa ka Anehwireemi ẹnịnị wa vị nị. Dị ẹnịnị ka eyiye.

Ọdọvịdị 17:1

Ịnị ụmẹ ọnya da aa nyị ọnọrụ ọnya aanị. Anẹkụra ataba ịnị ẹtẹ Ehwireemi ọ vị nị. Ịrẹha anị ọ rị Imika nị.

Ọdọvịdị 19:1

A nyị ụmẹ ọnya aanị ịnị ụmẹ ọnọọ ẹ yị nyị ohinọyị ịnị ẹkụra Isirẹrị. Ụmẹ ọnọọ a nyị ọnọrụ ọnya aanị ana vị Anireevi ana ra akaha ataba Ehwireemi. Ọ na nyị onyeehi hụrẹ Ịbẹtịrẹhẹmị.

Ọdọvịdị 4:5

Ọọ̄ yaatẹ iruvo ọsọchị ọnya aanị ana ya ịnị akakana ẹkụra Iraama ọnịrị Ibeteri ịrẹsụ ataba Ehwireemi, dị aza eē vee họ̀ use ajuwe hụụnị ụvọ anị.

Iruutu 1:2

Ịrẹha ọnọrụ ọnọọ ọ rị Ẹrịmẹrẹkị, dị ose anị ọnị rị Inawomi, dị ezi anị ẹnị rẹ rị Imahironi ọnịrị Ikiriyoni nị. Ẹnịnị vị Anehwurata. Ệ kụ̀rà na ra Imowabi ịnị ụmẹ ụngwẹ ọnọọ.

Iruutu 4:22

Ọbẹdị vị ada Ijeese, dị Ijeese ọnị vị ada Idevidi ana vị ohinọyị nị.

1 Ịsamụwẹrị 1:19

Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 2:11

Ịjị ẹ sị mẹ ta, di Erikana si hu aa nọ eehi anị ana vị Iraama, dị Ịsamụwẹrị yà ahụ Eri dị aa mẹ ụkọrọọ yị Ẹnẹyịmavara nị.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

1 Ịsamụwẹrị 9:4

Ịzẹyịza dị ẹ kwẹẹtẹ dị ẹ zị oze ẹkụra Ehwireemi ana yà ịnị ataba, dị ẹ vavọọ zị ọ na ngụ okokooro ịzị aā hị́ Isarisa nị. Ẹnịnị e yi re ịkẹrịkẹtẹ ẹnẹẹ. Dị ẹnịnị na, dị ẹ rẹ nọ ịnị ẹtẹ Ịsọọrụ nịnị rẹ zi oze ẹtẹ Anịbẹnjamịnị na para hu nị, di è yi rị re ịkẹrịkẹtẹ ẹnẹẹ nị.

1 Ịsamụwẹrị 9:5

Ịjị ẹ na sị ngụ ẹkụra Izuhwi, dị Ịsọọrụ va hị́ ozida ọnị ọnịrị zị dị ọ ka ọ̀ vẹ ẹnị ẹ̀ varẹma, ka ada anị ọ zụ sị ayị hụụnị ịrẹyị ịkẹrịkẹtẹ dị ahịka ịrẹyị ẹnịnị ọ kụkụ jị ọ areyi nị.