Yuda 1:6 - AHYERƐLƐ KRONGRON

⁶ Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Yuda 1:6 Iomraidhean Croise

Mateo 10:15

Nahorɛ nu, mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom ne Gomora aseɛ ne nen, ongodwu bɔ ɔkɔto sɔ kuro ne.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 8:29

Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Hebrifoɛ 10:27

na mmom bɔ waha ala ole kyɛ yɛkɔnwondɛ ndɛenbualɛ bɔ ɔyɛ suro ne, ɔne see bɔ ɔbaayera Nyameɛ pɔfoɛ mɔ ne.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,