Yuda 1:24 - AHYERƐLƐ KRONGRON

²⁴ Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Yuda 1:24 Iomraidhean Croise

Edwein 21:6

Amba, ɛmaa onya saleɛ piri afebɔɔ, na anika bɔ onya ye wɔ wɔ nyunu ne ati, ɛma ye nye gye.

Edwein 43:4

Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Lewitikɔso 14:11

Na ɔsɔfo bɔ ɔte sɔ sona ne anwo ne, ɔkɔfa sɔ sona ne ɔne sɔ nningyein nemɔ kɔhɔ AWURADE nyunu wɔ ɛtena sua atenaleɛ ne anoa nu berɛ.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 5:12

Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Luka 9:26

Na sona biala bɔ me ne me dwirɛ nwo kɔyɛ ye nya ne, ye koso ye nwo kɔyɛ Sona Awa ne nya, wɔ kyẽa bɔ ɔkɔwa ye animnyam nu, ye Baba animnyam nu, ɔne ye abɔfo krongron mɔ b’animnyam nu ne.

Romanfoɛ 14:4

Wɔ ole nwa bɔ ebua ebie akoaa ndɛen ɔ? Ye bɔbɔ ye mene yeɛ okohyire kyɛ ɔsɔ ye nye anaa ɔnzɔ ye nye ɔ. Na ɔkɔsɔ ye nye, ofikyɛ Awurade kora maa ɔsɔ ye nye.

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

2 Korintofoɛ 4:14

Ofikyɛ yɛse kyɛ, bɔ otingyele Awurade Yesu fili ewue nu ne kotingye yɛ kɔboka Yesu so, ná wafa ɛmɔ ne yɛ wahɔ ye nyunu.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

Ɛfesofoɛ 3:20

Afei ye bɔ ɔkora yɔ maa ɔtra nningyein amukoraa, maa ɔbo so tra bɔ yɛsrɛ anaa yɛsusu ne, kyɛbɔ ye tumi bɔ ɔyɔ yɛ nu adwuma te nen,

Ɛfesofoɛ 5:27

kyɛbɔ okosiesie asɔre ne animnyam nu kɔma ye nwo, bɔ ngekalewa anaa ɛpombonɛ, anaa nikyee fiɛ biala nne ye nwo, na mmom wayɛ krongron bɔ mvomsoɛ nne ye nwo ɔ.

Kolosefoɛ 1:22

Nakoso kekesaala ye de, ɔnate Kristo wue ne aso wahwe ɛmɔ wabata ye nwonaen nipadua, amaa ɔnate so wafa ɛmɔ wawa ye nyunu kyɛ mmenia bɔ bɛte krongron, bɔ ngekalewa nne bɛ nwo ná benni fɔ ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 3:4

Na kyẽa bɔ Kristo bɔ ɔte yɛ ngoa ne ɔkɔla ye nwo ali nen, yeɛ bɛkɔla ɛmɔ koso ne ye ali wɔ animnyam nu ɔ.

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.

Yakobo 2:10

Na sona bɔ okoli mmeraa ne aso, ná ɔkɔto nu komapɛ po nen, né wali ye mukoraati nwo fɔ.

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.

2 Petro 1:10

Yiti aliɛmaa mɔ, ɛ́mɔbɔ mmɔden bétira ɛfrɛlɛ bɔ bafrɛ ɛmɔ ne, ɔne ɛnealɛ bɔ baneanea nu baye ɛmɔ ne anu yé, ofikyɛ sɛ ɛmɔyɔ ɛhemɔ a, ɛmɔngofi ase le.

Yuda 1:21

Ɛmɔhɔ so bɛtena Nyameɛ ɔdɔ nu, ná ɛ́mɔnwondɛ y’Awurade Yesu Kristo anwumvoinnwunɛ ne bɛhɔ daa ngoa nu.

Nyekyire 14:5

Bɛ yeɛ bɛppɛle ngondombo le ɔ, ofikyɛ ngekalewa biala nne bɛ nwo.