Yuda 1:21 - AHYERƐLƐ KRONGRON

²¹ Ɛmɔhɔ so bɛtena Nyameɛ ɔdɔ nu, ná ɛ́mɔnwondɛ y’Awurade Yesu Kristo anwumvoinnwunɛ ne bɛhɔ daa ngoa nu.

Yuda 1:21 Iomraidhean Croise

YOB NWOMAA NE 14:14

Sɛ dasaniɛ wu a, ɔkɔtena ngoa nu bieku anaa? Koɛ noa bɔ ngyi wɔ m’asetena nu ye, ngɔnwondɛ, kɔpem kyɛ ngɔpɔno ngole me nwome ɔ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Romanfoɛ 5:21

Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

Romanfoɛ 8:39

anaa anwuro, anaa kumaa kuronn, anaa abɔdeɛ nu nikyee biala ngɔhora ngɔtete yɛ ngofi Nyameɛ ɔdɔ bɔ ɔwɔ yɛ Awurade Kristo Yesu nu ne anwo le.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

2 Tɛsalonika 3:5

Yɛsrɛ Awurade kyɛ obukye ɛmɔ adwene nu ma ɛmɔte Nyameɛ ɔdɔ ne Kristo aboterɛ ne bo.

1 Timoteo 1:2

mefa mebrɛ Timoteo, bɔ ɔte me bɔbɔ mma wɔ gyidie nu ne. Adom, anwumvoinnwunɛ ne asomdwee bɔ ofi yɛ Baba Nyameɛ ne yɛ Awurade Kristo Yesu berɛ ɔyɛ wɔ deɛ.

2 Timoteo 1:16

Mesrɛ Awurade kyɛ onwu Onesiforo awuro ama anwumvoin, ofikyɛ ɔkyekyele me wora mmerɛ pee, na me ngɔnzɔngɔnzɔ ne anyɛ ye nya.

2 Timoteo 1:18

Mesrɛ Awurade kyɛ ɔma Awurade nwu ye anwumvoin wɔ Kyẽa ne. Na wɔ bɔbɔ ɛse ɛsolɛ worawora bɔ ɔsole me wɔ Ɛfeso ɔ.

2 Timoteo 1:2

mefa mebrɛ mma Timoteo bɔ ɔla m’ahone nwo ɔ. Adom, anwumvoinnwunɛ ne asomdwee bɔ ofi Baba Nyameɛ ne y’Awurade Kristo Yesu berɛ ɔyɛ wɔ deɛ.

2 Timoteo 4:8

Na bɔ waha bɔ ɔla berɛ ma me ole tenenee abotire bɔ Awurade, ndɛenbualɛniɛ tenenee ne ɔkɔfa kɔbɔ m’aba so sɔ Kyẽa ne ɔ; bɔ nna me ngome, na mmom bɛ bɔ bekuro ye nwo aliyelɛ ne amukoraa koso ɔkɔbɔ b’aba so bie.

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

2 Petro 3:12

wɔ mmerɛ bɔ ɛmɔnwondɛ ná ɛmɔpere kyɛ Nyameɛ kyẽa ne kɔwa ndɛ ɔ. Nu yeɛ see kɔtɔ anwuro nu kɔyera ye, na see kɔma ewienu abɔdeɛ mɔ kohuro.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Yohane 5:18

Yɛse kyɛ ebiala bɔ Nyameɛ awo ye ne, ɔnyɔ bɔne; na mmom bɔ Nyameɛ awo ye ne, ɔnea ye nwo so, na bɔnefoɛ ne mva ye sa nga ye.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Yuda 1:22

Bɛ bɔ b’adwene yɛ bɛ naa ne, ɛ́mɔnwu bɛ anwumvoin;

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.