Yuda 1:14 - AHYERƐLƐ KRONGRON

¹⁴ Na sɔ mmenia nemɔ yeɛ Henɔke, bɔ ɔte aworɛ ndoatoasoɛ nzoo fi Adam so ne, ɔhyɛle ngɔm fale bɛ nwo kyɛ, “Tie, Awurade ne ye anwoteefoɛ apee apee bɛ́ba;

Yuda 1:14 Iomraidhean Croise

Gyenesise 5:18

Yarede lili afoɛ ɛyaa ko ne aburasia ne nyɔ yeɛ ɔwole Henɔke ɔ,

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

Hebrifoɛ 12:22

Na mmom ɛmɔawa Sion bokaa ne anwo, ɔne Nyameɛ teasefoɛ ne kuro, bɔ ɔte nyameɛso Yerusalem ne anu, yeɛ abɔfo kure kure bɔ bɛka a bennwu bɛ noa, bɔ bɛyɛ anigye nyianu ɔ bɛ berɛ.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 5:11

Afei ndole me nye, na ndele abɔfo pembepembe bɔ bapɛ ahennie bia ne ne abɔdeɛ ateasefoɛ nemɔ ne mbanyi nemɔ nwo bayia ɔ bɛ komvi; na né bɛ somaa te apee buru apee buru ahoroɔ ne apee apee.