Yuda 1:13 - AHYERƐLƐ KRONGRON

¹³ bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Yuda 1:13 Iomraidhean Croise

Edwein 65:7

Ɛpo bɔ obu fa so ne, ye asorɔkye wuruwuru ne, ɔne maen maen mɔ bagyabagyayɛle ne, ɛmaa bɛyɛ konn.

Yesaya 57:20

Nakoso bɔnefoɛ de, bɛte kyɛ ɛpo bɔ mvrama obu fa so wuruwuru ɔ, ofikyɛ ɔngora ngyina dinn, na nu nzue pu asaa ne nnɛterɛ ba.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Petro 2:17

Sɔ mmenia nemɔ, bɛte abura mɔ bɔ nzue nne nu ɔ, ɔne munungum bɔ mvrama bɔ ye huu kɔ ɔ; na bɛ yeɛ basiesie awosii kabii bato berɛ bama bɛ ɔ.

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”