Yuda 1:12 - AHYERƐLƐ KRONGRON

¹² Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,

Yuda 1:12 Iomraidhean Croise

2 Aberɛso Dwirɛ 7:20

ye de ngɔpɛ ɛmɔ asue ngofi aseɛ bɔ mafa mama ɛmɔ ne aso, na awuro he bɔ mate ye nwo mafa me dumaa mato so ne, ngɔye me nye ngofi so, na mamaa wakakyi mmenia amukoraati bɛ noa nu anyandera ne ngorohoɛ dwirɛ.

YOB NWOMAA NE 8:17

Ye ndii mendamenda nyɔboɛ nyɔboɛ, na nyɔboɛ nyɔboɛ nemɔ afia yeɛ owura ɔ.

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 37:2

ofikyɛ ɔngɔhyɛ né bapɛ bɛ bagua kyɛ ɛserɛ, ná bakese kyɛ ndire.

Anyandera 25:14

Sona bɔ ɔhyɛ akyɛdeɛ nwo bɔ fa hoahoa ye nwo, nakoso onni so ne, ɔte kyɛ munungum ne mvrama bɔ bɛmva esue mma ɔ.

Hesekiel 17:9

“Kã kyɛ, AWURADE Nyameɛ nwa nyoo: Aso bakaa ne kɔyɛ yee? Aso kɔleɛ ne ngotutu bakaa ne abo ndii ne ɔngɔma ye mma ne ngotwindwam ngɔsɛkye anaa? Aso ye nyaa bɔ wafefɛ ne, ɔngɔkese anaa? Na ongohia anwoserɛ piri biala anaa mmenia pee bɔ bɛkɔfa bekotutu ye ndii ne abo ɔ.

Hesekiel 34:10

AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Hesekiel 34:18

Aso wanyɛ ɛmɔ anyesɔ kyɛ ɛmɔdidi nekaa bɔ berɛ ndire te paa ɔ, bɔ yeɛ ɛmɔfa ɛmɔ gya betiatia ɛmɔ ndire bɔ waha ne aso ɔ? Aso wanyɛ ɛmɔ anyesɔ kyɛ ɛmɔno nzue gyengɔgyengɔ ɔ, bɔ yeɛ ɛmɔfa ɛmɔ gya bɛponda bɔ waha ne ɔ?

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hesekiel 34:8

Kyɛ nde ase ye, susu amba kyɛ, me mmoaen akakyi nikyee bɔ ebiemɔ bɛfẽ bɛfa ɔ; bakakyi eburo ngaka amukoraa b’aleɛ, ofikyɛ belle mmoaenneafoɛ biala; yeɛ me mmoaenneafoɛ nemɔ bambena bɛ boso, na mmom mmoaenneafoɛ nemɔ bɛnea bɛ bɔbɔ bɛ nwo so, na bɛnnea me mmoaen nemɔ aso, AWURADE noa dwirɛ ɛne.

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Lewitikɔso 14:43

“Sɛ bɛyeye nyɔboɛ ne, ná bɛwɔngyewɔngye terɛ ne anwo, ná bɛma awuro ne anwo beyie, ná ye si ye anwonyerɛ ne sa ba awuro berɛ a,

Mateo 13:6

Na eyia pukyele nen, bɛkesene, na ɔnate kyɛ bandira ndii ne ati, bɛyerale.

Mateo 15:13

Na obuale kyɛ, “Bakaa biala bɔ nna me Baba bɔ ɔwɔ nyameɛso ne yeɛ oluale nen, bekotutu ye bo.

Marko 4:6

na eyia pukyele nen, bɛkesene, na ɔnate kyɛ bandira ndii ne ati, bɛyerale.

Luka 12:45

Nakoso sɛ sɔ akoaa ne kã ye wɔ ye ti anu kyɛ, ‘Me mene onnya ɔwwale,’ ná ɔhyɛ ye bo ɔbo ngoaa mmienzua ne ngoaa mmrasua nemɔ, ná odidi ná ɔno nzaa bo a,

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Luka 8:6

Na ebie ooguale nyɔbotaen so, na befifili nen, bɛkesene, ɔnate kyɛ bannya nzue.

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

1 Timoteo 5:6

Nakoso brasua kunaniɛ bɔ wama ahohwibra ali ye ti ne de, ɔte teaseawuo.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

Yakobo 5:5

Ɛmɔ asetena nu wɔ aseɛ ye aso te anigye ne ahohwibra; na ɛmɔayɛ bɛ nwo twɔtwɔfee bama akumyɛɛ kyẽa ne.