Yuda 1:1 - AHYERƐLƐ KRONGRON

¹ Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Yuda 1:1 Iomraidhean Croise

Mateo 10:3

Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Mateo 13:55

Bakaa dwumvoɛ ne, aso nna ɔwa ne ɛhe? Aso bɛmvrɛ ye maame Maria? Aso nna oliɛma mmienzua mɔ ole Yakobo ne Yosef ne Simɔn ne Yudase?

Marko 3:18

yeɛ Andrea, Filipo, Batolomeo, Mateo, Tɔmase, Alfeo awa Yakobo, Tadeo ne Kanaanniɛ Simɔn;

Marko 6:3

Aso nna Maria awa bɔ ɔte bakaa dwumvoɛ ne ɛhe? Aso nna Yakobo ne Yose ne Yudase ne Simɔn b’eliɛma ne ɛhe? Nna oliɛma mmrasua mɔ yeɛ yɛne bɛ wɔ wa ye?” Yiti bɛpole ye.

Luka 6:16

Yudase bɔ ye baba ole Yakobo ne, yeɛ Yudase Yiskariote bɔ ɔyele ye mane ne.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 14:22

Yeɛ Yudase (nna Yiskariote ɔ) bisale ye kyɛ, “Awurade, nzu ati yeɛ ɛbaaye wɔ nwo ali ekyire yɛ, na ɛnye ngyire wiase ɔ?”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 17:15

Menzrɛ wɔ kyɛ ɛye bɛ fi wiase, na mmom kyɛ: Bɔ bɛ nwo waen fi bɔnefoɛ ne sa nu.

Yohane 17:17

Yɛ bɛ krongron wɔ wɔ nahorɛ ne anu; wɔ dwirɛ ne te nahorɛ.

Yohane 17:19

Meyɛ me nwo krongron mema bɛ, amaa ɔnate so bɛ koso bayɛ krongron wɔ nahorɛ ne anu.

Yohane 6:39

Na bɔ ɔsomane me n’apɛdeɛ ole kyɛ: bɔ ɔfa mane me ne amukoraa, mengɔma nu ko po ngomini ɔ, na mmom ngotingye ye wɔ ayieleɛ kyẽa ne.

Asomafoɛ 1:13

Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote, yeɛ Yakobo awa Yudase bɛte ɔ.

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Romanfoɛ 1:6

bɔ ɛmɔ bɔ bafrɛ ɛmɔ kyɛ ɛmɔɔyɛ Yesu Kristo deɛ ne koso ɛmɔboka so ɔ.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

Romanfoɛ 8:30

Na bɛ bɔ otuli bɛ siele berɛ ne, osa frɛle bɛ; na bɛ bɔ ɔfrɛle bɛ ne, obuale bɛ be koso, na bɛ bɔ obuale bɛ be ne, ɔhyɛle bɛ animnyam koso.

Romanfoɛ 9:24

Ofikyɛ wamvrɛ yɛ wamvi Yudafoɛ ngome nu, na mmom ɔfrɛle yɛ fili Amaenmaensofoɛ koso nu bie.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

1 Tɛsalonikafoɛ 5:23

Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.

2 Timoteo 1:9

Ye yeɛ oolele yɛ ná ɔfale ɛfrɛlɛ krongron frɛle yɛ ɔ, nna kyɛ yɛ nnwumaa ti ɔ; na mmom kyɛbɔ ye bɔbɔ ye nhyehyɛleɛ ne adom bɔ wafa walo yɛ wɔ Kristo Yesu nu fi tetetete ne ɔte ne.

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.

Hebrifoɛ 3:1

Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

Yuda 1:21

Ɛmɔhɔ so bɛtena Nyameɛ ɔdɔ nu, ná ɛ́mɔnwondɛ y’Awurade Yesu Kristo anwumvoinnwunɛ ne bɛhɔ daa ngoa nu.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.