Yosua 9:9 - AHYERƐLƐ KRONGRON

⁹ Na bebuale ye kyɛ, “AWURADE wɔ Nyameɛ dumaa bɔ watrɛ wahɔ dede ne, ɔnate ye ti yeɛ wɔ ngoaa yafi maen dedeede bie aso yawa ɔ; ofikyɛ yate ye nwo dwirɛ, bɔ ɔyɔle ye wɔ Misraim amukoraa,

Yosua 9:9 Iomraidhean Croise

1 Ahemvo 8:41

“Sɔ ala yeɛ amanvraniɛ bɔ nna wɔ maen Yisraelniɛ ahɔ ɔ, sɛ ɔte wɔ dumaa ne nga, ná ofi maen bie aso dedeede ɔba,

Nehemia 9:5

Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 78:12

Ɔyɔle anwanwadeɛ mɔ bɔ bɛ nana mɔ bɛ nye tua ɔ, wɔ Misraim aseɛ so, wɔ Soan aseɛ pralaa ne aso.

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Ɛksadɔso 15:14

Maen maen ate, na bɛ nwo wosowoso bɛ; na bɛ bɔ bɛte Filistia ne, ahunundetelɛ atɔ bɛ so.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Yesaya 66:19

Ngɔyɔ nzɛngyerɛnneɛ wɔ bɛ nu, na bɛ bɔ bekonya bɛ ti bekodidi nu ne, ngɔsoma bɛ maa bɛkɔhɔ maen maen mɔ berɛ: wɔ Tasise, Pule ne Lude bɔ bɛte agyaentolɛfoɛ ne, Tubal ne Yawan, dedeede supɔ mɔ bɔ bennya bɛttele me nga, bɔ bennya bennwuni m’animnyam ne; na bɛkɔɔbɔ m’animnyam nwo dawure wɔ maen maen mɔ so.

Numeri 14:15

Na sɛ eku mmenia ye amukoraa kyɛbɔ eku sona horɛ ne a, ye de maen maen bɔ bate wɔ nga ne kɔha kyɛ,

Numeri 20:14

Mose tuli ɛbɔfoɛ fili Kadese maa bɛhɔle Edom hene berɛ beesele ye kyɛ, “Eliɛma Yisrael nwa: Ɛse edwirɛ tɛɛ mɔ bɔ watoto yɛ ne amukoraa.

Asomafoɛ 8:7

ofikyɛ sunzummɔne mɔ teateane nu serɛserɛ betutu befili mmeni pee nu, na mmubuafoɛ ne mbakye pee benyane ayaresa.

Deuteronomi 20:11

Sɛ bede w’asomdwee dwirɛ ne bɛto nu, ná bebukye bɛ pambim ne a, ye de hyɛ kuro berɛ ama mukoraati maa bɛyɔ adwuma serɛ bɛso wɔ.

Deuteronomi 20:15

Nguro bɔ bembingye wɔ, bɔ nna maen maen hemɔ bɛ nguro nemɔ bie ahɔ ne, sɔ ala yeɛ fa yɔ bɛ mukoraa ɔ.

Yosua 9:10

ɔne nikyee biala bɔ ɔfa yɔle Amorifoɛ ahemvo nyɔ nemɔ: Sihon ne Hesebon bɔ né bɛwɔ Yɔɔdan si dɔ ne, ɔne Basan hene Ogo bɔ né ɔte Astarote ne.

Yosua 9:16

Yisraelfoɛ ne bɛ yɛle apam ne, ye ɛlɛsa ne aso, yeɛ Yisraelfoɛ tele kyɛ bɛte bepingye bɛ ɔ, na befi porɛ ne anu berɛ ala.

Yosua 9:17

Yiti Yisraelfoɛ tuli bɛ bo befili asikyeleɛ ne anu berɛ, na ye ɛlɛsa ne aso, beedwuli Gibeonfoɛ nguro nemɔ aso. Bɛ nguro nemɔ ole: Gibeon, Kefira, Beerote ne Kiriate Yearim.

Yosua 9:24

Na bebuale Yosua kyɛ, “Ebie ha hyirele wɔ ngoaa mɔ pefee kyɛ, AWURADE wɔ Nyameɛ hyɛle ye somvoɛ Mose kyɛ ɔ́fa aseɛ ne amukoraa ɔ́ma ɛmɔ, ná ohuhu so mmenia amukoraa ofi ɛmɔ nyunu. Na ɔnate ɛmɔ ti, né yɛsuro paa kyɛ yɛ ngoa kofi yɛ sa ɔ; yiti yeɛ ɔmaa yɛyɔle sɔ ne.