Yosua 9:8 - AHYERƐLƐ KRONGRON

⁸ Na Gibeonfoɛ buale Yosua kyɛ, “Yɛte wɔ ngoaa.” Na Yosua bisale bɛ kyɛ, “Ɛmɔ ole nwa mɔ, yeɛ ɛmɔfi nisua?”

Yosua 9:8 Iomraidhean Croise

2 Ahemvo 10:5

Yiti ahemvie berɛ neafoɛ ne, ɔne kuro berɛ amrado ne, bɛ ne kuro berɛ mbanyi ne, yeɛ bɛ bɔ bɛnea Ahabo mma nemɔ aso ne, bɛsomane maa bɛfale ngraa bɛmane Yehu kyɛ, “Wɔ ngoaa ole yɛ. Yɛkɔyɔ bɔ ekose yɛ biala. Yɛngosi ebiala hene, yɔ bɔ wɔ bɔbɔ ekuro ɔ.”

Deuteronomi 20:11

Sɛ bede w’asomdwee dwirɛ ne bɛto nu, ná bebukye bɛ pambim ne a, ye de hyɛ kuro berɛ ama mukoraati maa bɛyɔ adwuma serɛ bɛso wɔ.

Yosua 10:6

Yeɛ Gibeonfoɛ somane maa bɛhɔle Gilgal asikyeleɛ ne anu beesele Yosua kyɛ, “Nnɛyakyi wɔ ngoaa mɔ nu; ma wɔ nwo yɛ nyera ná baale yɛ ngoa, baaboka yɛ; ofikyɛ Amorifoɛ bɔ bɛtete mmokaa aseɛ ne aso dɔ ne, bɛ hene mɔ amukoraa bayɛ ko bɛ ne yɛ baaho.”

Yosua 9:11

Yiti yɛ mbanyi mɔ ne yɛ maen ne anu ama mukoraa ha hyirele yɛ kyɛ, ‘Ɛ́mɔfa aleɛ ná ɛ́mɔsi nu beeyia bɛ, ná ɛmɔhã behyire bɛ kyɛ, “Yɛte ɛmɔ ngoaa, yiti ɛ́mɔma yɛ́yɛ apam.” ’

Yosua 9:23

Ofi ɛnɛ bɔ ɔkɔ ɔ, Nyameɛ apaye ɛmɔ: ɛmɔ nu biemɔ kɔyɛ ngoaa daa, na bɛkɔyɛ eyeinbubulɛ ne nzuehɔlɛ adwuma wɔ me Nyameɛ awuro.”

Yosua 9:25

Na afei de, yɛwura wɔ sa. Bɔ ɛnea a ɔte paa ná ɔtengyɛ wɔ wɔ nye so ne, fa yɔ yɛ.”

Yosua 9:27

Nakoso ofi sɔ kyẽa ne, Yosua mane Gibeonfoɛ yɔle eyeinbubulɛ ne nzuehɔlɛ adwuma mane ɛlɔen ne, na bɛyɔle sɔ bɛmane AWURADE afɔleɛ bokyea ne koso, wɔ nekaa bɔ AWURADE aye asie berɛ kyɛ bɛsɔne ye ne, toonn maa waadwu ɛnɛ.