Yosua 9:7 - AHYERƐLƐ KRONGRON

⁷ Nakoso Yisraelfoɛ buale Hiwifoɛ nemɔ kyɛ, “Ebiaa né ɛmɔte bepingye yɛ; ɔkɔyɛ sɛɛ né yɛ ne ɛmɔ yayɛ apam?”

Yosua 9:7 Iomraidhean Croise

Gyenesise 10:17

Hiwifoɛ, Akifoɛ, Sinifoɛ,

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

2 Samuel 24:7

Afei beedwuli Tiro anwoserɛ afealeɛ ne anwo berɛ, ɔne Hiwifoɛ ne Kanaanfoɛ nguro ne amukoraa so, na beyiele mmeniahalɛ ne wɔ Beɛ Hyeba bɔ ɔwɔ Yuda ngwaen dɔ ne.

Ɛksadɔso 23:22

Na sɛ ɛyɛ asoɛ ma ye, ná ɛyɔ bɔ mekã mekyire wɔ amukoraa a, ye de ngɔyɛ pɔfoɛ ngɔma wɔ pɔfoɛ mɔ, ná maho matia bɛ bɔ bɛko betia wɔ ɔ.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 34:12

Aseɛ bɔ ɛ́kɔ so ne, nea yé ná ɛne so ama anyɛ apam, ná wanyɛ wɔ so ngaen.

Numeri 33:52

ye de ɛ́mɔfoa aseɛ ne aso ama mukoraa béfi ɛmɔ nyunu. Bɛ mmosoen bɔ bafa nyɔboɛ base ɔne b’amoen mɔ bɔ bahuro nikyee bafa bayɔ amukoraa, ɛ́mɔsɛkye bɛ. Ɛ́mɔbubu b’asɔneyɛɛ amukoraa bégua,

Deuteronomi 20:16

Nakoso maen maen hemɔ bɛ nguro bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ nen, nnɛma nu nikyee biala bɔ nwomeɛ wɔ ye nu onya ngoa.

Yosua 11:19

Kuro biala nne berɛ bɔ ɔne Yisraelfoɛ bɛyɛle asomdwee apam ɔ, sana Hiwifoɛ bɔ bɛte Gibeon ne ngome. Nguro ngaa ne de, Yisraelfoɛ lili bɛ so ngonim wɔ koɛ nu.

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Maenbulɛfoɛ 2:2

Ɛmɔ koso, nnɛma ɛmɔ ne aseɛ he aso ama bɛyɛ apam. Ɛ́mɔdwiri b’afɔleɛ bokyea nemɔ begua.’ Nakoso ɛmɔanni m’ahyɛdeɛ so. Ɛmɔanwu bɔ ɛmɔayɔ ɔ!

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.