Yosua 9:5 - AHYERƐLƐ KRONGRON

⁵ Bewurale mbaboa daadaa bɔ bapombapomba ɔ, ɔne ndaadeɛ teterewaa. Né b’aleɛ ne amukoraa wayɛ wosee, yeɛ né wasa wali ature.

Yosua 9:5 Iomraidhean Croise

Luka 15:22

Yeɛ ye baba ne sele ye ngoaa nemɔ kyɛ, ‘Ɛmɔhã bɛ nwo bɛɛfa ataadeɛ paa beewura ye; ɛ́mɔfa pɛteaa bewura, ná ɛ́mɔfa mbaboa bewura ye;

Deuteronomi 29:5

Afoɛ aburanna bɔ mamaa ɛmɔanate ɛserɛ so ne, ɛmɔ ndena andete wanga ɛmɔ nwo, yeɛ wɔ mbaboa koso wandete;

Deuteronomi 33:25

Mesrɛ kyɛ, bɔ ogyigyi wɔ pambim si ne, ɔ́yɛ buralɛ ne kɔɔbere, na kyɛbɔ wɔ ngoa tendenn te ne, sɔ ala yeɛ wɔ nwo waenbɔlɛ kɔyɛ ɔ.

Yosua 9:12

Ɛ́mɔnea yɛ paanoo ye. Kyẽa bɔ yɛsili nu kyɛ yɛba ɛmɔ wa nen, yeɛ yɛfa yɛwurale yɛ nningyein nu wɔ awuro, kyɛ yɛbaali ye atunu ɔ, na né ɔyɛ hye. Nakoso afei de, ɛ́mɔnea, wayɛ wosee, na wali ature.

Yosua 9:13

Sɔ nzaa nwomaa ngotoku hemɔ, yɛfale nzaa yɛguale nu maa beyiyili ne, né bɛte monɛ, nakoso ɛ́mɔnea, basunzuasunzua. Yeɛ ɔnate kyɛ atee ne wale soma ne ati, yɛ ndaadeɛ ne yɛ mbaboa hemɔ atete.”

Yosua 9:4

bɛ de bɛfale nnakannaka atee so: bɛfale aleɛ, na bɛfale mmɔtɔ teterewaa, ɔne nzaa ngotoku daa bɔ nu asunzua bɔ bapomba ɔ bɛsoale b’afunum mɔ.

Yosua 9:6

Bɛhɔle Yosua berɛ wɔ asikyeleɛ ne anu wɔ Gilgal, na besele ye ne Yisraelfoɛ kyɛ, “Yɛfi maen bie anu dedeede yeɛ yawa ɔ, yiti ɛ́mɔma yɛ́yɛ apam.”