Yosua 9:27 - AHYERƐLƐ KRONGRON

²⁷ Nakoso ofi sɔ kyẽa ne, Yosua mane Gibeonfoɛ yɔle eyeinbubulɛ ne nzuehɔlɛ adwuma mane ɛlɔen ne, na bɛyɔle sɔ bɛmane AWURADE afɔleɛ bokyea ne koso, wɔ nekaa bɔ AWURADE aye asie berɛ kyɛ bɛsɔne ye ne, toonn maa waadwu ɛnɛ.

Yosua 9:27 Iomraidhean Croise

2 Aberɛso Dwirɛ 2:16

Mmakaa biala bɔ ehia ne, yɛkɔpakye yɛkofi Lebanon yɛkogua ɛpo so yɛkɔbrɛ wɔ wɔ Yopa, ná wɔ koso asesa ahɔ Yerusalem.”

Numeri 31:28

Koɛhonɛfoɛ bɔ bɛhɔle koɛ ne, bɛ bue deɛ ne, tua so toɔ ma AWURADE. Nningyein ɛyaa nnu biala, ye nu ko: kyɛ mmenia oo, nandwie oo, afunum oo, mmoaen oo, anaa mbɔngye oo.

Numeri 31:30

Nakoso Yisraelfoɛ ngaa bɛ bue deɛ ne de, nningyein aburannu biala, kyɛ mmenia oo, nandwie oo, afunum oo, mmoaen oo, mbɔngye oo, anaa kaka biala oo, ye nu ko, ná fa ma Lewifoɛ bɔ bɛso wɔ AWURADE nyianu sua ne anu ne.”

Numeri 31:47

Yisraelfoɛ ngaa ne, bɛ bue deɛ ne, kyɛbɔ AWURADE hyɛle Mose ne, Mose yele mmenia ne ngaka aburannu biala nu ko, na ɔfa mane Lewifoɛ bɔ yeɛ bɛso wɔ AWURADE nyianu sua ne anu ne.

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:14

sana w’abusua kure nemɔ ko anu nekaa ko bɔ AWURADE kɔneanea nu kɔye kosie berɛ ne. Berɛ yeɛ bɔ wɔ naen yeralɛ afɔleɛ ɔ, na berɛ yeɛ di ahyɛdeɛ bɔ méhyɛ méma wɔ ne aso ɔ.

Deuteronomi 12:5

Na mmom ɔsɛ kyɛ ɛmɔpena aseɛ bɔ AWURADE ɛmɔ Nyameɛ kɔneanea nu kɔye kosie berɛ wɔ ɛmɔ abusua kure ne amukoraati nu, kyɛ ɔ́fa ye dumaa to so ná ɔtena berɛ ne, na berɛ yeɛ ɛmɔhɔ ɔ.

Yosua 9:21

Na mbanyi nemɔ sele bɛ kyɛ, “Ɛ́mɔma bénya bɛ ti bédidi nu, nakoso yɛkɔmaa bɛkɔyɔ eyeinbubulɛ ne nzuehɔlɛ adwuma bɛkɔma ɛlɔen ne amukoraati.” Yiti ɛlɔen ne tiele bɔ mbanyi nemɔ hane ne.

Yosua 9:26

Na bɔ Yosua yɔ mane bɛ hɔ ɛhe: ɔbɔle bɛ nwo waen fili Yisraelfoɛ sa nu; yiti bangu bɛ.