Yosua 9:17 - AHYERƐLƐ KRONGRON

¹⁷ Yiti Yisraelfoɛ tuli bɛ bo befili asikyeleɛ ne anu berɛ, na ye ɛlɛsa ne aso, beedwuli Gibeonfoɛ nguro nemɔ aso. Bɛ nguro nemɔ ole: Gibeon, Kefira, Beerote ne Kiriate Yearim.

Yosua 9:17 Iomraidhean Croise

2 Samuel 4:2

Sɔɔlo awa ne, ye mmenia bɔ bɛbɔ apaa ne, né ole mmenia nyɔ bɔ bɛla bɛ noa ɔ. Ko dumaa li Baana, yeɛ ko wora li Rekabo. Bɛte Benyaminniɛ Rimon bɔ ofi Beerote ne ye mma. Né mmenia bu Beerote kyɛ ɔte Benyaminfoɛ kuro.

1 Aberɛso Dwirɛ 12:4

Yismaya bɔ ofi Gibeon, bɔ ɔboka koɛhonɛfoɛ ahoneserɛfoɛ aburasa nemɔ aso, ná osa la bɛ noa ne; Yeremia, Yahasiɛl, Yohanan, Yosabade bɔ ofi Gedera ne,

1 Aberɛso Dwirɛ 2:50

Kalebo ye boso ama mɔ ɛne. Efrata ye bamuɛbaa Hure, ye mma mmienzua mɔ ɛhe: Sobal bɔ ɔkyekyele Kiriate Yearim ne,

1 Aberɛso Dwirɛ 2:52

Sobal bɔ ɔkyekyele Kiriate Yearim ne, né ole mmaa mmienzua foforɛ mɔ. Bɛ ole Haroyefoɛ, bɔ bɛte Manahatefoɛ bɛ bue ne.

1 Aberɛso Dwirɛ 2:53

Na mmusua mmusua bɔ bɛwɔ Kiriate Yearim ne, bɛ ɛhe: Yitrifoɛ, Putifoɛ, Sumatifoɛ, yeɛ Misirafoɛ. Bɛ boso ama mɔ ole Soratifoɛ ne Esetaofoɛ.

1 Aberɛso Dwirɛ 21:29

Ofikyɛ AWURADE nyianu sua bɔ Mose sili wɔ ɛserɛ ne aso ne, ɔne naen yeralɛ afɔleɛ bokyea ne, sɔ mmerɛ ne, né bɛwɔ Gibeon asɔneyɛɛ ne aso.

Ɛsra 2:25

Kiriatarim, Kefira ne Beerote: ɛyaa nzoo aburanna ne nza;

Nehemia 7:29

Kiriate Yearim, Kefira ne Beerote: ɛyaa nzoo aburanna ne nza.

Yeremia 26:20

Né biaa foforɛ bie koso wɔ berɛ bɔ ɔfa AWURADE dumaa hyɛ ngɔm ɔ. Ye ole Yuria bɔ ye baba ole Kiriate Yearimniɛ Semaya ne. Ye yeɛ ɔhyɛle ngɔm tiale kuro he ne aseɛ he, kyɛbɔ Yeremia deɛ ne te ne ala ɔ.

Yosua 10:2

Na osurole paa, ofikyɛ Gibeon te kuro piri kyɛ ahenguro nemɔ ko. Ye piri tra Aye, afei koso ye mmienzua mukoraati bɛte koɛhonɛfoɛ.

Yosua 15:60

Kiriate Baal (bɔ bɛfrɛ ye Kiriate Yearim) ne Raba. Nguro nemɔ te nyɔ, bɛ ne bɛ namue mɔ.

Yosua 15:9

Ɛwɛen ne fi bokaa ne aso a, ɔkɔfa Nefetoa nzue ne ti, na ofi berɛ a, ɔkɔfa Efron bokaa nguro nemɔ aso. Ɛwɛen ne kondo bafa Baala (bɔ bɛfrɛ ye Kiriate Yearim);

Yosua 18:14

Ɛwɛen ne buka fa neka foforɛ, na ɔkondo kɔ eyia atɔleɛ. Ɔfa aseɛnwo dɔ bokaa ne ngwaen wɔ Bete Horon ndendeneɛ so, na ɔkɔpem Kiriate Baal (bɔ ye ole Kiriate Yearim), bɔ ɔte Yuda abusua kure kuro ne. Aseɛ ne, ye eyia atɔleɛ dɔ ɛwɛen ɛne.

Yosua 18:15

Ye ngwaen dɔ wɛen ne hyɛ ye bo fi Kiriate Yearim tiwaa, ɔtoa so kɔ Efron, na ɔkɔ alaa kodwu Nefetoa nzue ne ti.

Yosua 9:16

Yisraelfoɛ ne bɛ yɛle apam ne, ye ɛlɛsa ne aso, yeɛ Yisraelfoɛ tele kyɛ bɛte bepingye bɛ ɔ, na befi porɛ ne anu berɛ ala.

Yosua 9:18

Nakoso Yisraelfoɛ anguku bɛ, ofikyɛ né Yisrael ɛlɔen ne anu mbanyi bali moa bafa AWURADE Yisrael Nyameɛ bata ndaen bahyire bɛ. Afei ɛlɔen ne amukoraa penepenene bɛ komvi beguale mbanyi nemɔ so.

Yosua 9:3

Nakoso mmerɛ bɔ Gibeonfoɛ tele nikyee bɔ Yosua afa ayɛ Yeriko ne Aye nen,

Yosua 9:9

Na bebuale ye kyɛ, “AWURADE wɔ Nyameɛ dumaa bɔ watrɛ wahɔ dede ne, ɔnate ye ti yeɛ wɔ ngoaa yafi maen dedeede bie aso yawa ɔ; ofikyɛ yate ye nwo dwirɛ, bɔ ɔyɔle ye wɔ Misraim amukoraa,

Maenbulɛfoɛ 18:12

na bɛɛkyekyele asikyeleɛ wɔ Kiriate Yearim wɔ Yuda. Yiti ɔbaadwu ɛnɛ ye, bɛfrɛ berɛ Mahane Dan. Ɔwɔ Kiriate Yearim eyia atɔleɛ so.

1 Samuel 6:21

Yiti betuli ɛbɔfoɛ mɔ maa beesele Kiriate Yearimfoɛ kyɛ, “Filistifoɛ asa afa AWURADE alaka ne bawa. Ɛmɔbra bɛɛfa bɛhɔ ɛmɔ dɔ.”

1 Samuel 7:1

Yiti Kiriate Yearimfoɛ wale bɛɛfale alaka ne bɛhɔle, na bɛfa bɛhɔle Abinadabo awuro wɔ bokaa ne aso. Na bɛtele ɔwa bienzua Eleasa nwo kyɛ ɔ́nea AWURADE alaka ne aso.