Yosua 9:11 - AHYERƐLƐ KRONGRON

¹¹ Yiti yɛ mbanyi mɔ ne yɛ maen ne anu ama mukoraa ha hyirele yɛ kyɛ, ‘Ɛ́mɔfa aleɛ ná ɛ́mɔsi nu beeyia bɛ, ná ɛmɔhã behyire bɛ kyɛ, “Yɛte ɛmɔ ngoaa, yiti ɛ́mɔma yɛ́yɛ apam.” ’

Yosua 9:11 Iomraidhean Croise

Gyenesise 43:12

Ɛ́mɔfa sikaa ne mmɔhoɛ nyɔ, na ɛ́mɔsa bɛfa sikaa bɔ bɛfa bewurale ɛmɔ bɔtɔ ne anu bɛhɔ; ebiaa ɔte anyefasoɛ.

2 Ahemvo 10:5

Yiti ahemvie berɛ neafoɛ ne, ɔne kuro berɛ amrado ne, bɛ ne kuro berɛ mbanyi ne, yeɛ bɛ bɔ bɛnea Ahabo mma nemɔ aso ne, bɛsomane maa bɛfale ngraa bɛmane Yehu kyɛ, “Wɔ ngoaa ole yɛ. Yɛkɔyɔ bɔ ekose yɛ biala. Yɛngosi ebiala hene, yɔ bɔ wɔ bɔbɔ ekuro ɔ.”

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Luka 9:3

Na osele bɛ kyɛ, “Nnɛma ɛmɔfa nikye fee betu ɛmɔ atee ne, nnɛma ɛmɔfa pɔmaa, anaa bɔtɔ, anaa aleɛ, anaa sikaa, anaa ndaadeɛ nyɔ nyɔ.

Yosua 1:11

“Ɛ́mɔhyinihyini asikyeleɛ ne anu, ná ɛ́mɔfa ahyɛdeɛ he bɛ́ma mmenia ne kyɛ, ‘Ɛ́mɔboaboa ɛmɔ nwo bɛ́pena aleɛ bésie, ofikyɛ waha ɛlɛsa né ɛmɔkwaapɛ asue Yɔɔdan bɛkɔfa aseɛ bɔ AWURADE ɛmɔ Nyameɛ ɔ́fa ma ɛmɔ maa ɔyɛ ɛmɔ deɛ ne.’ ”

Yosua 9:10

ɔne nikyee biala bɔ ɔfa yɔle Amorifoɛ ahemvo nyɔ nemɔ: Sihon ne Hesebon bɔ né bɛwɔ Yɔɔdan si dɔ ne, ɔne Basan hene Ogo bɔ né ɔte Astarote ne.

Yosua 9:12

Ɛ́mɔnea yɛ paanoo ye. Kyẽa bɔ yɛsili nu kyɛ yɛba ɛmɔ wa nen, yeɛ yɛfa yɛwurale yɛ nningyein nu wɔ awuro, kyɛ yɛbaali ye atunu ɔ, na né ɔyɛ hye. Nakoso afei de, ɛ́mɔnea, wayɛ wosee, na wali ature.

Yosua 9:8

Na Gibeonfoɛ buale Yosua kyɛ, “Yɛte wɔ ngoaa.” Na Yosua bisale bɛ kyɛ, “Ɛmɔ ole nwa mɔ, yeɛ ɛmɔfi nisua?”