Yosua 9:1 - AHYERƐLƐ KRONGRON

¹ Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Yosua 9:1 Iomraidhean Croise

2 Samuel 24:7

Afei beedwuli Tiro anwoserɛ afealeɛ ne anwo berɛ, ɔne Hiwifoɛ ne Kanaanfoɛ nguro ne amukoraa so, na beyiele mmeniahalɛ ne wɔ Beɛ Hyeba bɔ ɔwɔ Yuda ngwaen dɔ ne.

Ɛksadɔso 23:23

Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Ɛksadɔso 23:31

Ngɔto wɔ wɛen ngofi Ɛpo Kɔkorɛ noa maa okoodwu Filistifoɛ mboanoa, fi ɛserɛ so kodwu asue Yufreti noa. Ofikyɛ ngɔmaa ɛmɔkoli aseɛ ne asofoɛ so ngonim, ná afoa bɛ afi wɔ nyunu.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 34:11

Di bɔ ɛnɛ méhyɛ wɔ ne aso. Tie, ngɔfoa Amorifoɛ, Kanaanfoɛ, Hitifoɛ, Perisifoɛ, Hiwifoɛ ne Yebusifoɛ ngofi wɔ nyunu.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 34:6

“Ɛmɔ eyia atɔleɛ wɛen kɔyɛ Ɛpo Piri ne ye mboanoa; ɛhe yeɛ ɔkɔyɛ ɛmɔ atɔleɛ ɛwɛen ɔ.

Deuteronomi 1:7

Ɛ́mɔtu ɛmɔ bo bɛ́toa ɛmɔ ateetulɛ ne aso, ná ɛmɔhɔ Amorifoɛ mmokaa aseɛ ne aso dɔ, ɔne mbɔtam berɛ mɔ: mekyire Araba ne anu, mmokaa aseɛ ne aso, ɔne kongonyi nemɔ anu, ngwaen dɔ aseɛ ne aso, mboanoa, Kanaanfoɛ aseɛ so ne Lebanon alaa bɔ ɔkwaadwu asue piri Yufreti noa ne.

Deuteronomi 3:25

Mesrɛ wɔ ala, maa mbɛ asue Yɔɔdan ngɔ ye si dɔ ngɔnea aseɛ paa bɔ ɔla dɔ ne: sɔ mmokaa aseɛ nyemenenyemene ne, ɔne Lebanon.’

Deuteronomi 4:49

ɔne Araba mukoraati bɔ ɔla asue Yɔɔdan eyia afiteleɛ ne, bɔ ɔkwaadwu Araba ɛpo ne noa wɔ Pisiga bokaa ne aseɛnwo dɔ ne.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 1:15

kɔpem kyɛ AWURADE kɔbɔ ɛmɔ aliɛma nemɔ atenaseɛ asomdwee nu, kyɛbɔ wayɔ wama ɛmɔ ne, kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ ne ɔ. Ɛhe asi ne, né ɛmɔasa bawa baafa ɛmɔ bɔbɔ b’aseɛ deɛ ne, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si, wɔ eyia afiteleɛ bue nu dɔ ne.”

Yosua 1:4

Ɛmɔ aseɛ ne fite ɛserɛ ne aso ɔne Lebanon he, toonn bɔ ɔkwaadwu asue piri Yufreti ɔne Hitifoɛ aseɛ mukoraati bɔ ɔkwaadwu Ɛpo Piri ne wɔ eyia atɔleɛ bue nu dɔ.

Yosua 10:23

Bɛyɔle sɔ, na bɛyele ahemvo nnu ne befili nyɔboɛ bɔ wasi sua ne anu bɛbrɛle ye. Bɛ ole Yerusalem hene, Hebron hene, Yamute hene, Lakise hene ɔne Eglon hene.

Yosua 11:17

fite Halake bokaa, bɔ ɔtrɛ kɔ Sɛre, bɔ ɔkwaadwu Baal Gade, wɔ Lebanon bɔnza nu, wɔ Hɛmɔn bokaa ne nye abo. Yosua hyehyele bɛ hene nemɔ amukoraa, na ohuhuni bɛ.

Yosua 13:5

Gebalfoɛ aseɛ, Lebanon amukoraa bɔ ɛfa kɔ eyia afiteleɛ dɔ ne, fite Baal Gade bɔ ɔwɔ Hɛmɔn bokaa ne nye abo bɔ ɔkwaadwu Lebo Hamate ne.

Yosua 15:12

Mediterenia Ɛpo ne yeɛ ɔte eyia atɔleɛ ɛwɛen ɔ. Sɔ wɛen ne yeɛ wapɛ Yudafoɛ nwo wayia ɔ, kyɛbɔ bɛ mmusua nemɔ te ɔ.

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Yosua 22:7

Manase abusua kure ne bue ko ne, né Mose ali moa wafa b’aseɛ deɛ wama bɛ wɔ Basan. Na sɔ abusua ne bue ko bɔ waha ne wora, Yosua fale aseɛ bɔ ɔwɔ b’eliɛma mɔ Yisraelfoɛ deɛ nu mane bɛ, wɔ asue Yɔɔdan eyia atɔleɛ. Mmerɛ bɔ Yosua baayakyi bɛ ate maa bɛkɔ nen, oyirale bɛ,

Yosua 23:4

Ɛ́mɔtie, maen maen mɔ bɔ baha bɔ yɛnnya yɛllili bɛ so ngonim ne, yeɛ afei maen maen amukoraa bɔ mali bɛ so ngonim ne, b’aseɛ bɔ ofi asue Yɔɔdan noa ɔkwaadwu Ɛpo piri ne wɔ eyia atɔleɛ ne, mahyɛ mama ɛmɔ abusua kure nemɔ maa bafa bayɛ b’agyapadeɛ.

Yosua 24:11

Na ɛmɔpɛle asue Yɔɔdan bɛwale Yeriko nen, Yerikofoɛ ne ɛmɔ hone. Sɔ ala yeɛ Amorifoɛ, Perisifoɛ, Kanaanfoɛ, Hitifoɛ, Gɛgasifoɛ, Hiwifoɛ ne Yebusifoɛ bɛ ne ɛmɔ hone ɔ. Na mvale bɛ nwurale ɛmɔ sa.

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 6:27

Yiti AWURADE gyinane Yosua si, na bɛtele ye nga wɔ aseɛ ne aso nekaa biala.

Yosua 9:7

Nakoso Yisraelfoɛ buale Hiwifoɛ nemɔ kyɛ, “Ebiaa né ɛmɔte bepingye yɛ; ɔkɔyɛ sɛɛ né yɛ ne ɛmɔ yayɛ apam?”