Yosua 8:8 - AHYERƐLƐ KRONGRON

⁸ Na sɛ kuro ne badi ɛmɔ sa nu a, ɔsɛ kyɛ ɛmɔfa see bɛto nu; ɛ́mɔyɔ kyɛbɔ AWURADE ahyɛ ne ala. Ɛ́mɔtie! Bɔ menwa ɛ́mɔyɔ hɔ ɛne.”

Yosua 8:8 Iomraidhean Croise

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

Deuteronomi 20:16

Nakoso maen maen hemɔ bɛ nguro bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ nen, nnɛma nu nikyee biala bɔ nwomeɛ wɔ ye nu onya ngoa.

Yosua 1:16

Na bebuale ye kyɛ, “Ahyɛdeɛ bɔ ahyɛ ama yɛ ne amukoraa, yɛkɔyɔ, yeɛ nekaa biala bɔ ɛkɔha kyɛ yɛhɔ ne, yɛkɔhɔ.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 6:24

Bɛtole kuro ne anu ɔne nu nningyein amukoraati nu see bɛyerale ye. Nu nikyee biala bɔ bafa ɛdwetɛ anaa esikaa kɔkorɛ anaa kɔɔbere anaa buralɛ bayɔ de, bɛsesale beeguale AWURADE awuro nningyein sua ne anu.

Yosua 8:13

Yiti bɛmane koɛhonɛfoɛ nemɔ gyinagyinane: koɛhonɛfoɛ bɔ bɛbaaho koɛ ne deinn ne, bɛwɔ sorɔ, yeɛ koɛhonɛfoɛ bɔ beli nziɛ bɛbɔ bɛ nwo waen ne koso bɛwɔ kuro ne atɔleɛ. Nakoso Yosua de, ɔhɔle bɔnza ne anu dɔ kɔngɔen ne.

Yosua 8:2

Nikyee bɔ ɛfa yɔle Yeriko ne ye hene nen, sɔ ala yeɛ fa yɔ Aye ne ye hene ɔ. Koɛ nu nzesadeɛ ne nyɛmmoa bɔ bɛwɔ nu ne, bɛ ngome yeɛ ɔsɛ kyɛ ɛmɔfa ɔ. Ma mmenia bɛɛtɛ kuro ne wɔ ye si dɔ.”

Yosua 8:22

Yisrael koɛhonɛfoɛ fekue ko ne koso fili kuro ne anu fitele, na bɛwale Ayefoɛ so. Yiti Ayefoɛ hale Yisraelfoɛ afia, bɔ Yisrael koɛhonɛfoɛ nemɔ bie wɔ bue faen, ná ebiemɔ koso wɔ bue dɔ ɔ. Na Yisraelfoɛ huhuni bɛ, bɔ ko po wanga anaa wannwati ɔ.

Yosua 8:28

Yiti Yosua yerale Aye, na ɔkakyili ye kurofoen esire afebɔɔ maa waadwu ɛnɛ.

Yosua 8:7

na ɛmɔ koso, odi kyɛ ɛmɔfi nekaa bɔ ɛmɔtetɛ ne befite, ná ɛmɔkɔfa kuro ne; ofikyɛ AWURADE ɛmɔ Nyameɛ kɔfa kɔma ɛmɔ.

Yosua 8:9

Yiti Yosua guale bɛ ate, na bɛhɔle bɛɛtetɛle. Bɛɛfeale Betel ne Aye b’afia, wɔ Aye eyia atɔleɛ; nakoso Yosua de, ɔne mmenia ne bɛlale asikyeleɛ berɛ kɔngɔen ne.

Maenbulɛfoɛ 4:6

Debora somane maa bɛɛfrɛle Abinoam awa bienzua Barake befili Kedese bɔ ɔwɔ Nafetali ne bɛbrɛle ye. Na osele ye kyɛ, “AWURADE Yisrael Nyameɛ ahyɛdeɛ bɔ ɔfa ma wɔ ɛhe: ‘Yeye koɛhonɛfoɛ apee buru fi Nafetali ne Sebulɔn mmusua kure nu, ná di bɛ nyunu fa bɛ kɔ Tabɔ bokaa ne aso.