Yosua 8:4 - AHYERƐLƐ KRONGRON

⁴ Na ɔhyɛle bɛ kyɛ, “Ɛ́mɔtie! Ɛmɔɔtɛ kuro ne wɔ ye si dɔ. Nnɛma ɛmɔfi kuro ne anwo bɛkɔ dede biala, na mmom ɔsɛ kyɛ ɛmɔboa bɛ nwo kyɛ ɛmɔkwaagyina koɛ noa ɔ.

Yosua 8:4 Iomraidhean Croise

2 Ahemvo 7:12

Yisrael hene dwɔsole kɔngɔen ne ala, na osele ye mbanyi mɔ kyɛ, “Ɛ́mɔma ngyire ɛmɔ ngaen bɔ Siriafoɛ basua yɛ ɔ. Bɛse ye kyɛ ɛhɔen ku yɛ, yiti bafi b’asikyeleɛ ne anu baafeafea eburo, na b’adwene ole kyɛ, ‘Sɛ Yisraelfoɛ befi bɛ kuro ne anu befite a, yɛkɔhyehye bɛ anyekaenn so, ná yanya ate yawura kuro ne anu.’ ”

2 Aberɛso Dwirɛ 13:13

Né Yeroboam wasoma koɛhonɛfoɛ maa baatetɛ kyɛ bɛɛfa Yudafoɛ si bɛfa koɛ bɛtoa bɛ. Yiti né ye koɛhonɛfoɛ nemɔ bɛwɔ Yuda koɛhonɛfoɛ nemɔ nyunu, yeɛ koɛhonɛfoɛ bɔ baatetɛ ne, bɛwɔ Yudafoɛ nemɔ asi.

Nworɛ Dwirɛhanɛniɛ 7:19

Nworɛ ma nworɛniɛ nya tumi tra mbanyi buru bɔ bɛnea kuro so ɔ.

Nworɛ Dwirɛhanɛniɛ 9:16

Na ye sɔ ne ati, ngane kyɛ, “Nworɛ nwo hia tra anwoserɛ, nakoso bemmu ehianiɛ nworɛ, yeɛ ɔkã dwirɛ a bɛmva.”

Asomafoɛ 23:21

Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”

Yosua 8:16

Yiti kuro berɛ ama teateane nu bɛfrɛfrɛle ebiala kyɛ ɔbra ma bɛfoa Yisraelfoɛ. Ayefoɛ foane Yosua, na ɔnate so maa Ayefoɛ fili bɛ kuro berɛ bɛhɔle moa.

Yosua 8:3

Yiti Yosua ne koɛhonɛfoɛ ne amukoraati betuli bɛ bo kyɛ bɛkwaafo bɛkɔ Aye. Yosua yele koɛhonɛfoɛ apee aburasa, na ɔmaa bɛhɔle kɔngɔen.

Maenbulɛfoɛ 20:29

Yiti Yisrael mane koɛhonɛfoɛ bɛɛfeale bɛpɛle Gibea nwo beyiale.

Maenbulɛfoɛ 20:33

Yisrael koɛhonɛfoɛ kure piri paa ne, befili nekaa bɔ né bɛ wɔ ne bɛhɔle Baal Tamar. Yeɛ Yisraelfoɛ bɔ bapɛ kuro ne anwo bayia ne, befili b’afealeɛ bɔ ɔwɔ Gibea eyia atɔleɛ so ne befitefitele.

Maenbulɛfoɛ 20:36

Yiti Benyaminfoɛ nwuni kyɛ bali ngoguo. Yisrael koɛhonɛfoɛ kure piri ne, bɛboapa bɛnwatili befili Benyaminfoɛ nyunu, ofikyɛ né bɛ nye la bɛ mmango koɛhonɛfoɛ bɔ baatetɛ Gibea ne aso.

Maenbulɛfoɛ 9:25

Yiti Sɛkem mbanyi mane mmenia bɛɛtetɛle Abimɛlɛke wɔ mmokaa nemɔ ati afia. Na ebiala bɔ ɔfale atee ne aso ɔɔpɛle nu bɛ nwo berɛ ne, belele ye nwo nningyein. Na ebiemɔ bɛɛbɔle Abimɛlɛke amaneɛ.

Maenbulɛfoɛ 9:32

Yiti ɛne koɛhonɛfoɛ bɔ bɛboka wɔ so ne, ɛmɔhɔ bɛɛtetɛ eburo dɔ kɔngɔen.

1 Samuel 15:2

Asafo AWURADE nwa nyoo, ‘Ngotua Amalɛkefoɛ so kerɛ, ɔnate kyɛ mmerɛ bɔ né Yisraelfoɛ béfi Misraim bɛ́ba ne, bɛɛtɛle bɛ atunu bɛ ne bɛ hone.

1 Samuel 15:5

Afei Sɔɔlo ne koɛhonɛfoɛ nemɔ hɔle beedwuli Amalɛke kuro piri ne aso, na bɛɛtɛle bɔnza ne anu dɔ.