Yosua 8:35 - AHYERƐLƐ KRONGRON

³⁵ Edwirɛ bɔ Mose hyɛle ne amukoraa, nu ko po nne berɛ bɔ Yosua wangenga ye wɔ Yisrael badwa ne amukoraa nyunu ɔ, mmrasua ne ngwadaa mɔ nyunu, yeɛ ɛwɔfoɛ mɔ bɔ baatena Yisraelfoɛ mɔ nu koso bɛ nyunu.

Yosua 8:35 Iomraidhean Croise

Ɛsra 10:1

Mmerɛ bɔ Ɛsra gu so ɔbɔ mbaeɛ, bɔ ole esuɛ ode bɛ bɔne to nu, bɔ né wafa ye nyunu wabutu berɛ wɔ Nyameɛ awuro ne anyunu berɛ ne, Yisraelfoɛ pembepembe, mmienzua ne mmrasua ne ngwadaa bɛɛpɛle ye nwo beyiale, na bɛ koso besuni hahii.

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Nehemia 8:3

Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Ɛksadɔso 12:38

Mmenia mvrafra pee koso ne bɛ hɔle, na nyɛmmoa pee paa boka so: mmoaen ne nandwie.

Yeremia 26:2

“AWURADE nwa nyoo: Gyina AWURADE awuro n’aluo berɛ, ná dwudwo kyire Yuda nguro nemɔ amukoraa bɔ bɛba AWURADE awuro berɛ bɛbasɔne ne. Na edwirɛ amukoraa bɔ mahyɛ wɔ kyɛ ɛhã hyire bɛ ne, kã kyire bɛ; nnɛye ko po fi nu.

Yoel 2:16

ɛ́mɔboaboa maen ne anoa, ɛ́mɔte mmenia nemɔ anwo, ɛ́mɔboaboa mbanyi nemɔ noa, ɛ́mɔboaboa ngwadaa nemɔ noa, yeɛ bɛ bɔ betua nyɔfone noa ne koso. Odi kyɛ atɔmvorɛ biaa ofi ye pia nu ba, ná atɔmvorɛ braa koso ofi ye pumbu nu ba.

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Marko 10:14

Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Asomafoɛ 20:27

ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Deuteronomi 29:10

“Ɛnɛ kyẽa ye, ɛmɔ amukoraa begyi AWURADE ɛmɔ Nyameɛ nyunu: ɛmɔ abusua kure mbanyi, ɛmɔ maen mbanyi, ɛmɔ atitirefoɛ, Yisrael mmienzua mukoraati,

Deuteronomi 29:11

ɛmɔ mma, ɛmɔ aye mɔ, ɔne ɛwɔfoɛ mɔ bɔ bɛwɔ w’asikyeleɛ ne anu, bɔ bɛ yeɛ bebubu eyein bɛma wɔ ná bɛsa nzue bɛma wɔ ɔ;

Deuteronomi 29:9

Yiti ɛ́mɔli apam he anu dwirɛ so nahorɛ nu, amaa ɔnate so bɔ ɛmɔkɔyɔ biala wasi ɛmɔ yé.

Deuteronomi 31:12

Ma mmenia ne bɛ́bɔ dwaa: mmienzua, mmrasua, ngwadaa ne ɛwɔfoɛ mɔ bɔ bɛtete wɔ nguro nemɔ aso ɔ; amaa ɔnate so batie, ná basua kyɛbɔ besuro AWURADE ɛmɔ Nyameɛ ɔ, ná bali mmeraa he anu dwirɛ mukoraa so nahorɛ nu.

Deuteronomi 4:2

Mmeraa bɔ méfa méma ɛmɔ ne, nnɛma ɛmɔfa bie bɛboka so, yeɛ nnɛma ɛmɔye bie befi nu, na mmom ɛ́mɔli AWURADE ɛmɔ Nyameɛ mmeraa dwirɛ bɔ méhyehyɛ méma ɛmɔ ne aso.