Yosua 8:33 - AHYERƐLƐ KRONGRON

³³ Yisraelfoɛ amukoraati, ɛwɔfoɛ ne maen mmaa, bɛ ne Yisrael mbanyi ne safohene mɔ ne ndɛenbualɛfoɛ mɔ, begyinagyinane apam alaka ne bue faen ne ye bue faen, wɔ Lewifoɛ bɔ bɛte asɔfo bɔ bɛsõ AWURADE apam alaka ne anyunu. Bɛ bue ko gyinagyinane Gerisim bokaa ndendeneɛ so, yeɛ bɛ bue ko wora gyinagyinane Ebal bokaa ndendeneɛ so, kyɛbɔ AWURADE somvoɛ Mose lili moa hyehyɛle ne; kyɛ, odi kyɛ beyira Yisrael.

Yosua 8:33 Iomraidhean Croise

Ɛksadɔso 12:49

Mmeraa komapɛ bɔ ɔwɔ berɛ ma maen mmaa ne, ye ala yeɛ ɔwɔ berɛ ma ɛwɔfoɛ bɔ ɔne ɛmɔ baatena ɔ.”

Lewitikɔso 24:22

Mmeraa bɔ bɛfa bedi kuromani ne, ye ala yeɛ ɔsɛ kyɛ bɛfa bedi ɛwɔfoɛ koso ɔ: ofikyɛ Me ole AWURADE ɛmɔ Nyameɛ.”

Numeri 15:15

Yisraelfoɛ de, ahyɛdeɛ komapɛ yeɛ ɔla berɛ ma ɛmɔ ne ɛwɔfoɛ bɔ baatena ɛmɔ nu ne ɔ; odi kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ nu. Odi kyɛ ɛmɔ ne ɛwɔfoɛ ne bɛyɛ pɛ wɔ AWURADE nyunu.

Numeri 15:16

Mmeraa komapɛ ne ala ne nhyehyɛleɛ komapɛ ne ala yeɛ ɛmɔ ne ɛwɔfoɛ bɔ waatena ɛmɔ nu ne odi kyɛ ɛmɔdi so ɔ.”

Numeri 15:29

Ɛ́mɔma mmeraa komapɛ ne ala yeɛ ɔla berɛ ma ebiala bɔ ɔkɔyɔ mvomsoɛ ɔ, kyɛ ɔte Yisrael maen baa oo, anaa ɛwɔfoɛ biala bɔ waatena ɛmɔ nu oo.

Yohane 4:20

Yɛ nana mɔ bɛsɔnene wɔ bokaa he aso; na ɛmɔ de, ɛmɔnwa Yerusalem ole nekaa bɔ odi kyɛ yɛsɔne ɔ.”

Deuteronomi 11:29

Na sɛ AWURADE wɔ Nyameɛ fa wɔ kodwu aseɛ bɔ ɛkwaafa ne aso a, bɔ saleɛ nwo dawure wɔ Gerisim bokaa ne aso, ná bɔ musue koso nwo dawure wɔ Ebal bokaa ne aso.

Deuteronomi 31:12

Ma mmenia ne bɛ́bɔ dwaa: mmienzua, mmrasua, ngwadaa ne ɛwɔfoɛ mɔ bɔ bɛtete wɔ nguro nemɔ aso ɔ; amaa ɔnate so batie, ná basua kyɛbɔ besuro AWURADE ɛmɔ Nyameɛ ɔ, ná bali mmeraa he anu dwirɛ mukoraa so nahorɛ nu.

Deuteronomi 31:25

Mose hyɛle Lewifoɛ bɔ bɛsoa AWURADE apam alaka ne kyɛ,

Deuteronomi 31:9

Afei Mose hyerɛle sɔ mmeraa he, na ɔfa mane asɔfo nemɔ, bɔ bɛte Lewi bosofoɛ bɔ bɛsoa AWURADE apam alaka ne, yeɛ afei Yisrael mbanyi amukoraati koso.

Yosua 23:2

Yosua mane Yisraelfoɛ amukoraati, bɛ mbanyi ne bɛ mmusua mbanyi, bɛ ndɛenbualɛfoɛ ne b’atitirefoɛ beyiale, na osele bɛ kyɛ, “Kekesaala ye de, manyi, yeɛ mayɛ aworowaa.

Yosua 24:1

Afei Yosua mane Yisrael mmusua kure ne amukoraati yiale wɔ Sɛkem. Ɔfrɛle Yisrael mbanyi, mmusua mbanyi, ndɛenbualɛfoɛ ne atitirefoɛ, na beegyinane Nyameɛ nyunu.

Yosua 3:14

Yiti mmerɛ bɔ mmenia ne tuli bɛ bo befili bɛ tena sua nemɔ anu kyɛ bɛkwaapɛ asue Yɔɔdan nen, né asɔfo mɔ bɔ bɛsõ apam alaka ne li mmenia ne nyunu moa.

Yosua 3:3

na bɛhyɛle mmeraa bɛmane mmenia ne kyɛ, “Sɛ ɛmɔnwu AWURADE ɛmɔ Nyameɛ apam alaka ne kyɛ Lewifoɛ bɔ bɛte asɔfo ne basoa a, ye de ɔsɛ kyɛ ɛmɔtu ɛmɔ bo befi asikyeleɛ ne anu. Ɛ́mɔli ye si,

Yosua 3:6

Na Yosua sele asɔfo nemɔ kyɛ, “Ɛ́mɔsoa apam alaka ne, ná ɛmɔse beli mmenia ne anyunu.” Yiti bɛsoale apam alaka ne, na belili mmenia ne nyunu moa.

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

Yosua 4:18

Asɔfo mɔ bɔ bɛsõ AWURADE apam alaka nen, befili asue Yɔɔdan afia befite bɛwale, na mmerɛ bɔ bɛ gya tiale etii so pɛ, yeɛ Yɔɔdan nu nzue hyɛle ye bo kyɛ ɔse ɔ, na oyili bu fale so kyɛ ye daa ne ala.

Yosua 6:6

Yiti Nun awa Yosua frɛfrɛle asɔfo nemɔ, na osele bɛ kyɛ, “Ɛ́mɔsoa apam alaka ne, ná ɛ́mɔma asɔfo nzoo bétiratira boaen mmɛen totorobɛndo nzoo beli AWURADE alaka ne nyunu moa.”