Yosua 8:31 - AHYERƐLƐ KRONGRON

³¹ kyɛbɔ AWURADE somvoɛ Mose hyehyɛle mane Yisraelfoɛ ne ala, kyɛbɔ bahyerɛ ye wɔ Mose mmeraa nwomaa ne anu kyɛ, “Afɔleɛ bokyea bɔ bafa nyɔboɛ mumua mumua basi ɔ, bɔ nna pɛwaa yeɛ bafa base ɔ.” Bɛbɔle naen yeralɛ afɔleɛ wɔ so bɛmane AWURADE, na bɛbɔle asomdwee afɔleɛ koso.

Yosua 8:31 Iomraidhean Croise

2 Ahemvo 14:6

Nakoso sɔ kodiawufoɛ nemɔ, bɛ mma nemɔ de, wangukũ bɛ, kyɛbɔ amba, bahyerɛ ye wɔ Mose mmeraa nwomaa ne anu ne. Nu yeɛ AWURADE ahyɛ kyɛ, “Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.”

2 Ahemvo 22:8

Yeɛ ɔsɔfo panyi Hilkia sele ahyerɛlɛniɛ Safan kyɛ, “Manwu mmeraa nwomaa ne wɔ AWURADE awuro berɛ.” Hilkia fale nwomaa ne mane Safan ne, Safan kengale.

2 Aberɛso Dwirɛ 25:4

Nakoso bɛ mma mɔ de, wangukũ bɛ, kyɛbɔ bahyerɛ ye wɔ mmeraa ne anu wɔ Mose nwomaa ne anu ne. Nu yeɛ AWURADE ahyɛ kyɛ, “Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.”

2 Aberɛso Dwirɛ 35:12

Bɛfale naen yeralɛ afɔleɛ nemɔ besiele ahameɛ, kyɛ begyina maen mmaa nemɔ bɛ nana mɔ sasofoɛ mmusua mmusua so bɛkyɛ bɛma bɛ maa bɛfa bɛbɔ afɔleɛ bɛma AWURADE, kyɛbɔ bahyerɛ ye wɔ Mose nwomaa ne anu ne. Na sɔ ala yeɛ bɛfale nandwie nyii nemɔ koso bɛyɔle ɔ.

Ɛsra 6:18

Afei bɛmane asɔfo nemɔ hɔle bɛ kure kure nu, yeɛ Lewifoɛ nemɔ koso bɛ fekue fekue nu. Na bɛfale Nyameɛ sɔnenɛ nwo adwuma wɔ Yerusalem bewurale bɛ sa, kyɛbɔ bahyerɛ ye Mose nwomaa ne anu ne.

Nehemia 13:1

Sɔ kyẽa ne, bɛkengale Mose nwomaa ne anu dwirɛ behyirele maen ne. Na benwuni kyɛ bahyerɛ ye wɔ nu kyɛ onni kyɛ Amonniɛ anaa Moaboniɛ biala ɔkɔ Nyameɛ badwa nu le,

Ɛksadɔso 18:12

Na Yɛtro, bɔ ɔte Mose sia bienzua ne, ɔfale naen yeralɛ afɔleɛ ne afɔleɛ ahoroɔ brɛle Nyameɛ. Na Aarɔn ne Yisrael mbanyi amukoraa wale, na bɛ ne Mose sia bienzua ne bedidili wɔ Nyameɛ nyunu.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Mateo 12:26

Na sɛ Abɔnzam tu Abɔnzam de a, né nzaade ɔne ye nwo bɛko; na ɔkɔyɛ sɛɛ né ye ahennie ne agyina?

Deuteronomi 27:2

Kyẽa bɔ ɛmɔkɔpɛ asue Yɔɔdan bɛkɔhɔ aseɛ bɔ AWURADE wɔ Nyameɛ ɔ́fa ma wɔ ne aso ne, fa nyɔboɛ mbirikua penapena berɛ, ná fa ɛfaa ka bɛ nwo amu.

Deuteronomi 27:8

Kyerɛ mmeraa he anu dwirɛ amukoraati nyemenenyemene gua nyɔboɛ nemɔ aso.”

Yosua 1:8

Nnɛyakyi Mmeraa nwomaa he kengalɛ le; na mmom dwene ye nwo alehyeleɛ ne alesaleɛ, amaa ɔnate so ali bɔ bahyerɛ ye nu amukoraati so nahorɛ nu. Na ɛhe yeɛ ɔkɔmaa nningyein kɔhɔ so yé kɔma wɔ, ná wayie wɔ yé ɔ.