Yosua 8:20 - AHYERƐLƐ KRONGRON

²⁰ Na mmerɛ bɔ Aye mmienzua tole bɛ nye bɛneane nziɛ nen, benwuni kyɛ kuro ne anu nwosina ótu kɔ anwuro. Yiti né bennwu nekaa horɛ bɔ bɛnwati bɛhɔ ɔ, ofikyɛ Yisraelfoɛ bɔ bɛnwatili bɛhɔle ɛserɛ so dɔ ne, bɛkakyili bɛ nwo bɛwale Ayefoɛ so.

Yosua 8:20 Iomraidhean Croise

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

YOB NWOMAA NE 11:20

Nakoso amumuyɛɛfoɛ de, bɛ nye so kɔyɛ bɛ wusiwusi, bengonya neka fee bɛngɔnwati ngɔhɔ, na b’anyelasoɛ ala ole ewue.”

Edwein 76:5

Bale ahoneserɛfoɛ nemɔ bɛ sa nu koɛ nzesadeɛ; batotɔ, na koɛhonɛfoɛ nemɔ, bɛ nu biala wangora wango.

Yesaya 34:10

Kɔngɔen oo, eyia oo, ongonua, na ye nwosina kotu kɔhɔ anwuro afebɔɔ. Aseɛ ne kɔkakyi kurofoen fi aworɛ ndoatoasoɛ so kodwu aworɛ ndoatoasoɛ so, na sona biala ngɔɔpɛ nu berɛ afebɔɔ.

Yosua 8:19

Ɔtengyɛle ye sa pɛ, yeɛ Yisraelfoɛ bɔ baatetɛ eburo ne hane bɛ nwo befitele ɔ, na bele amirika bewurale kuro ne anu beelili so ngonim. Na berɛ ne ala, bɛtole kuro ne anu see.

Yosua 8:21

Na Yosua ne Yisrael amukoraati benwuni kyɛ Yisraelfoɛ bɔ bɛɛtetɛle ne bali kuro ne aso ngonim, ná afei kuro ne anu nwosina koso ótu kɔ anwuro nen, bɛkakyili bɛ nwo beehuhuni Aye mmienzua nemɔ.

Nyekyire 18:9

Na aseɛ so ahemvo mɔ bɔ bɛne ye bɔle adwaman ná bɛne ye gyele bɛ nye anwonya nu ne, sɛ benwu nwosina bɔ ofi ye yeralɛ ne anu a, bɛkɔbɔ ye nwo awuye ná basu ye.

Nyekyire 19:3

Na besa besele kyɛ, “Haleluya! Ye nwosina ne tu kɔ anwuro afebɔɔ.”

Maenbulɛfoɛ 20:38

Yisrael koɛhonɛfoɛ kure piri ne, bɛ ne bɛ bɔ bɛɛtetɛle ne, né bali moa babɔ porɛ kyɛ, sɛ bɛ bɔ baatetɛ ne, bɛma nwosina tu munguu fi kuro ne anu a,

Maenbulɛfoɛ 20:40

Nakoso nwosina munguu hyɛle ye bo tu fili kuro ne anu ne, Benyaminfoɛ neane bɛ si, na benwuni kyɛ nwosina fi kuro ne anu amukoraa otu kɔ ewienu ɔ!

Maenbulɛfoɛ 20:41

Afei Yisrael koɛhonɛfoɛ kure piri ne kakyili bɛ nye, na Benyaminfoɛ nye so tanene, ofikyɛ benwuni kyɛ edwirɛ piri ato bɛ.