Yosua 8:2 - AHYERƐLƐ KRONGRON

² Nikyee bɔ ɛfa yɔle Yeriko ne ye hene nen, sɔ ala yeɛ fa yɔ Aye ne ye hene ɔ. Koɛ nu nzesadeɛ ne nyɛmmoa bɔ bɛwɔ nu ne, bɛ ngome yeɛ ɔsɛ kyɛ ɛmɔfa ɔ. Ma mmenia bɛɛtɛ kuro ne wɔ ye si dɔ.”

Yosua 8:2 Iomraidhean Croise

2 Aberɛso Dwirɛ 13:13

Né Yeroboam wasoma koɛhonɛfoɛ maa baatetɛ kyɛ bɛɛfa Yudafoɛ si bɛfa koɛ bɛtoa bɛ. Yiti né ye koɛhonɛfoɛ nemɔ bɛwɔ Yuda koɛhonɛfoɛ nemɔ nyunu, yeɛ koɛhonɛfoɛ bɔ baatetɛ ne, bɛwɔ Yudafoɛ nemɔ asi.

2 Aberɛso Dwirɛ 20:22

Na begu so bɛto dwein ná bɛye AWURADE ayɛ ne, AWURADE mane Amonfoɛ, Moabofoɛ ne Sɛre bokaa so koɛhonɛfoɛ bɔ bafa koɛ baatoa Yuda ne, bɛpɛle bɛ nwo behuhuni bɛ nwo.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Anyandera 13:22

Sona paa yakyi ye nnomaa agyapadeɛ, nakoso bɔnefoɛ anwonyadeɛ de, okooli teneneefoɛ sa nu.

Anyandera 28:20

Nahorɛniɛ konya saleɛ pee, nakoso sona bɔ ɔpere ye nwo onya ye nwo ndɛndɛ ne de, ɔngɔfa ye nwo ngoli tɔtorɔtɔɔ.

Yeremia 17:11

Ebiala bɔ ɔpena anwonya bɔ wamva atee paa so ne, ɔte kyɛ akɔkɔhwereɛ bɔ obutu ngyiremvua bɔ nna ye yeɛ ɔtole ɔ so ɔ; onyi ɔkɔ ye nyunu kãa a, okofi ye sa, na ye ayieleɛ nu ɔkɔyɛ kwaseaa.

Yeremia 51:12

Ɛ́mɔfa frangaa bɛpena Babilɔn fasue nemɔ aso; ɛ́mɔma ɛwɛnenɛ ne anu ɔ́yɛ se, ɛ́mɔma awɛmvoɛ nemɔ bɛte begyinagyina, ɛ́mɔma mmenia ne bɛtetɛ, ofikyɛ bɔ AWURADE hã fale Babilɔnfoɛ nwo ne, wahyehyɛ, na wamaa wawa nu koso.

Deuteronomi 2:35

Nakoso nguro bɔ yɛlili bɛ so ngonim ne, nu nyɛmmoa ngome yeɛ yɛfa yɛyɛle yɛ koɛ nu nzesadeɛ ɔ, na yɛfene nu nningyein yɛfale.

Deuteronomi 20:14

Nakoso mmrasua, ngwadaa, nyɛmmoa, kuro ne anu nningyein mukoraa, ɔne nu nzesadeɛ mukoraa de, fa yɛ wɔ koɛ nu nzesadeɛ. Wɔ pɔfoɛ mɔ nzesadeɛ bɔ AWURADE wɔ Nyameɛ afa ama wɔ ne, fa.

Deuteronomi 3:2

Nakoso AWURADE sele me kyɛ, ‘Nnɛsuro ye, ofikyɛ mafa ye ne ye lɔen amukoraati ne ye aseɛ mawura wɔ sa. Na nikyee bɔ ɛfa yɔle Amorifoɛ hene Sihon bɔ né ɔte Hesebon nen, sɔ ala yeɛ fa yɔ ye ɔ.’

Yosua 10:1

Yerusalem hene Adoni Sɛdɛke tele kyɛ Yosua aho afa Aye, na wasɛkye ye bɔkɔɔ, na nikyee bɔ ɔfa yɔle Yeriko ne ye hene ne, sɔ ala yeɛ wafa wayɔ Aye ne ye hene ɔ. Osa tele kyɛ Gibeonfoɛ ne Yisrael bayɛ asomdwee apam, na bɛ ne bɛ yeɛ bɛte ɔ.

Yosua 10:28

Sɔ kyẽa ne ala, Yosua ho fale Makeda. Ɔfale ngrandɛ huhuni kuro berɛ ama ne berɛ hene; ohuhuni berɛ ama mukoraa bɔkɔɔ. Wanyakyi sona ko po. Na bɔ ɔfa yɔle Yeriko hene ne, sɔ ala yeɛ ɔfa yɔle Makeda hene ɔ.

Yosua 11:14

Koɛ nu nzesadeɛ mukoraa ne nyɛmmoa bɔ bɛwɔ sɔ nguro nemɔ anu ne, Yisraelfoɛ fale. Nakoso bɛfale ngrandɛ behuhuni nu mmenia mukoraati, kɔpem kyɛ behuhuni bɛ bɔkɔɔ ɔ, na banyakyi nikyee ko po bɔ nwomeɛ wɔ ye nu ɔ.

Yosua 6:21

Afei bɛfale ngrandɛ behuhuni kuro berɛ ama mukoraa bɔkɔɔ: mmienzua ne mmrasua, ngwadaa ne mbanyi, yeɛ behuhuni nandwie, mmoaen ne afunum amukoraa.

Yosua 8:12

Yosua fale mmenia kɔyɛ apee nnu, na ɔmaa bɛɛtetɛle Betel ne Aye b’afia, wɔ kuro ne eyia atɔleɛ.

Yosua 8:14

Mmerɛ bɔ Aye hene nwuni edwirɛ bɔ ɔ́kɔ so nen, ɔne ye mmenia mukoraati, kuro berɛ mmienzua ne, bɛyɛle ndɛndɛ ngyerɛmɔ tutuutu kyɛ bɛkwaafa koɛ bɛtetale Yisrael wɔ Araba ndendeneɛ so, nakoso né ɔnze kyɛ Yisraelfoɛ baatetɛ ye wɔ kuro ne asi.

Yosua 8:19

Ɔtengyɛle ye sa pɛ, yeɛ Yisraelfoɛ bɔ baatetɛ eburo ne hane bɛ nwo befitele ɔ, na bele amirika bewurale kuro ne anu beelili so ngonim. Na berɛ ne ala, bɛtole kuro ne anu see.

Yosua 8:24

Yisraelfoɛ huhuni Ayefoɛ amukoraati wɔ ɛserɛ pralaa ne aso yiele. Berɛ yeɛ Ayefoɛ foane Yisraelfoɛ hɔle ɔ, na bɛ mukoraa bɛtotɔle ngrandɛ noa maa beyiele bɔkɔɔ nen, Yisraelfoɛ amukoraa sa wale Aye, na bɛfale ngrandɛ beehuhuni mmenia bɔ baha berɛ ne.

Yosua 8:3

Yiti Yosua ne koɛhonɛfoɛ ne amukoraati betuli bɛ bo kyɛ bɛkwaafo bɛkɔ Aye. Yosua yele koɛhonɛfoɛ apee aburasa, na ɔmaa bɛhɔle kɔngɔen.

Yosua 8:7

na ɛmɔ koso, odi kyɛ ɛmɔfi nekaa bɔ ɛmɔtetɛ ne befite, ná ɛmɔkɔfa kuro ne; ofikyɛ AWURADE ɛmɔ Nyameɛ kɔfa kɔma ɛmɔ.

Yosua 8:8

Na sɛ kuro ne badi ɛmɔ sa nu a, ɔsɛ kyɛ ɛmɔfa see bɛto nu; ɛ́mɔyɔ kyɛbɔ AWURADE ahyɛ ne ala. Ɛ́mɔtie! Bɔ menwa ɛ́mɔyɔ hɔ ɛne.”

Yosua 8:9

Yiti Yosua guale bɛ ate, na bɛhɔle bɛɛtetɛle. Bɛɛfeale Betel ne Aye b’afia, wɔ Aye eyia atɔleɛ; nakoso Yosua de, ɔne mmenia ne bɛlale asikyeleɛ berɛ kɔngɔen ne.

Yosua 9:3

Nakoso mmerɛ bɔ Gibeonfoɛ tele nikyee bɔ Yosua afa ayɛ Yeriko ne Aye nen,