Yosua 8:18 - AHYERƐLƐ KRONGRON

¹⁸ Na AWURADE sele Yosua kyɛ, “Buralɛ tendenn tworɔntworɔn bɔ otira wɔ sa nu ne, tengyɛ ye wɔ Aye so, ofikyɛ ngɔfa kuro ne ngowura wɔ sa.” Yiti Yosua tengyɛle buralɛ tendenn tworɔntworɔn bɔ otira ye sa nu ne wɔ kuro ne aso.

Yosua 8:18 Iomraidhean Croise

YOB NWOMAA NE 15:25

Ofikyɛ watengyɛ ye sa Nyameɛ nyunu, na wadwɔso watia Tuminiɛ ne.

YOB NWOMAA NE 39:23

Agyaen ndokue, pealɛɛ hyɛmhyɛm ne buralɛ tendenn tworɔntworɔn bɛwosowoso wɔ ye nwo.

Ɛksadɔso 14:16

Ma wɔ pɔmaa ne aso, ná tengyɛ wɔ sa ɛpo ne aso ma nu hyɛ nyɔ, amaa ɔnate so Yisraelfoɛ afa aseɛ wosee so bapɛ ɛpo ne.

Ɛksadɔso 8:1

Na AWURADE sele Mose kyɛ, “Kɔ Faro berɛ kose ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 8:5

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ sa, ná fa wɔ pɔmaa ne kyire asue mbiri mɔ so, asue Naele sa mɔ so, ɔne ɛkwaa mɔ so, ná ma mborohyɛen yɛ Misraim aseɛ so amukoraa manyamanya!’ ”

Hesekiel 30:25

Ngɔma Babilɔn hene sa nu kɔyɛ se, nakoso Faro de, ye sa nu kogoho. Na sɛ mefa me ngrandɛ mewura Babilɔn hene sa nu, ná ɔtwe ye wɔ Misraim maen so a, yeɛ bekonwu kyɛ me ole AWURADE ɔ.

Yosua 8:17

Bienzua ko po wanga Aye anaa Betel bɔ wamvite wangɔamvoa Yisrael bie ɔ. Bɛyakyili kuro berɛ pambim ne bɛtole so bɛɛfoane Yisrael.

Yosua 8:19

Ɔtengyɛle ye sa pɛ, yeɛ Yisraelfoɛ bɔ baatetɛ eburo ne hane bɛ nwo befitele ɔ, na bele amirika bewurale kuro ne anu beelili so ngonim. Na berɛ ne ala, bɛtole kuro ne anu see.

Yosua 8:26

Yosua sa bɔ ɔfa tengyɛle buralɛ tendenn tworɔntworɔn wɔ Aye so nen, wandwe wanza kɔpem kyɛ ohuhuni Ayefoɛ amukoraa bɔkɔɔ ɔ.

Yosua 8:7

na ɛmɔ koso, odi kyɛ ɛmɔfi nekaa bɔ ɛmɔtetɛ ne befite, ná ɛmɔkɔfa kuro ne; ofikyɛ AWURADE ɛmɔ Nyameɛ kɔfa kɔma ɛmɔ.

1 Samuel 17:41

Né Filistiniɛ ne koso ɔ́bɔ pingye Dawide; na né sona bɔ otira Filistiniɛ n’akokyɛm ne, oli ye nyunu.

1 Samuel 17:45

Nakoso Dawide buale Filistiniɛ ne kyɛ, “Wɔ de, ngrandɛ ne pealɛɛ ne buralɛ tendenn tworɔntworɔn yeɛ ɛ́fa ba me so ɔ; nakoso me de, Asafo AWURADE, Yisrael koɛhonɛfoɛ Nyameɛ bɔ apɛ ye poa ne, ye dumaa nu yeɛ méba wɔ so ɔ.

1 Samuel 17:6

Né wafa kɔɔbere wadwura ye gya nwo, yeɛ né buralɛ tendenn tworɔntworɔn bie la ye kɔme anwo.