Yosua 8:14 - AHYERƐLƐ KRONGRON

¹⁴ Mmerɛ bɔ Aye hene nwuni edwirɛ bɔ ɔ́kɔ so nen, ɔne ye mmenia mukoraati, kuro berɛ mmienzua ne, bɛyɛle ndɛndɛ ngyerɛmɔ tutuutu kyɛ bɛkwaafa koɛ bɛtetale Yisrael wɔ Araba ndendeneɛ so, nakoso né ɔnze kyɛ Yisraelfoɛ baatetɛ ye wɔ kuro ne asi.

Yosua 8:14 Iomraidhean Croise

Nworɛ Dwirɛhanɛniɛ 9:12

Sona biala nze ye mmerɛ deɛ. Na kyɛbɔ bɛfa asawu atianuserɛserɛ bɛkye egyein, ná besua ngaen bɛkye nnomaa ne, sɔ ala yeɛ mmerɛ tɛɛ te ngaen bɔ ɔkye adasa mvum nu ɔ.

Yesaya 19:11

Soan nnehyeɛ mɔ bɛte ngwaseafoɛ paa, Faro foɛtulɛfoɛ nu nworɛfoɛ nemɔ betu foɛ tɛɛ. Nzu ati yeɛ ɛmɔkora bese Faro kyɛ, “Nde nworɛniɛ awa, nde daa tete ahemvo nemɔ b’anomaa”?

Yesaya 19:13

Soan nnehyeɛ nemɔ bakakyi ngwaseafoɛ, mmenia alakalaka Memfise nnehyeɛ mɔ, mbanyi bɔ bɛlela ye mmusua nemɔ noa ne, balakalaka Misraim maa wali makyebu.

Daniel 4:31

Na Nana Nebukadenesa noa ambe, yeɛ edwudwolɛ bie fili nyameɛso sele kyɛ, “Wɔ, ɛhene Nebukadenesa, wɔ yeɛ bɛ́kã edwirɛ he bekyire wɔ ɔ, kyɛ: Ahennie ne, wafi wɔ sa!

Mateo 24:39

na né bɛnze bɔ ɔbaasi ɔ maa oodwuli kyɛ nzueyilɛ ne wale oopiane bɛ mukoraa hɔle ɔ; na sɔ ala yeɛ Sona Awa ne walɛ ɔkɔyɛ ɔ.

Mateo 24:50

ye de, sɔ akoaa ne mene kɔwa kyẽa bɔ okoofu ye nu ɔ, ɔne dɔnhwere bɔ ɔnze ɔ nu;

Deuteronomi 1:1

Edwirɛ bɔ Mose hã hyirele Yisraelfoɛ amukoraati wɔ asue Yɔɔdan si, wɔ ɛserɛ ne aso ɛhe. Né bɛ nye kyire Sufe aseɛ frɛtɛɛ, bɔ ɔwɔ Paran, Tofel, Laban, Haserote ne Disahabo b’afia ne.

Yosua 8:13

Yiti bɛmane koɛhonɛfoɛ nemɔ gyinagyinane: koɛhonɛfoɛ bɔ bɛbaaho koɛ ne deinn ne, bɛwɔ sorɔ, yeɛ koɛhonɛfoɛ bɔ beli nziɛ bɛbɔ bɛ nwo waen ne koso bɛwɔ kuro ne atɔleɛ. Nakoso Yosua de, ɔhɔle bɔnza ne anu dɔ kɔngɔen ne.

Yosua 8:15

Yosua ne Yisrael amukoraati bɛboapa bɛyɛle kyɛ kuro berɛ ama ali bɛ so ngonim, na bɛnwatili bɛfale ɛserɛ so dɔ atee ne aso.

Yosua 8:16

Yiti kuro berɛ ama teateane nu bɛfrɛfrɛle ebiala kyɛ ɔbra ma bɛfoa Yisraelfoɛ. Ayefoɛ foane Yosua, na ɔnate so maa Ayefoɛ fili bɛ kuro berɛ bɛhɔle moa.

Yosua 8:5

Na me ne mmenia bɔ bɛboka me so ne yɛkopingye kuro ne. Sɛ befite bɛba yɛ so, kyɛbɔ daa ne bɛyɔle ne a, ye de yɛkɔnwati yɛkofi bɛ nyunu.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Maenbulɛfoɛ 20:37

Yisraelfoɛ bɔ baatetɛ ne, bɛbɔle twi bɛhɔle Gibea. Na bele ngrandɛ behuhuni kuro berɛ ama amukoraati.