Yosua 8:10 - AHYERƐLƐ KRONGRON

¹⁰ Yosua dwɔsole ngyerɛmɔ tutuutu boaboale mmenia ne noa, ɔne Yisrael mbanyi bɛfo belili mmenia ne nyunu, na bɛfale bɛ nye behyirele Aye.

Yosua 8:10 Iomraidhean Croise

Gyenesise 22:3

Yiti Abraham dwɔsole ngyerɛmɔ tutuutu, osiesiele ye afunum ne, na ɔfale ye somvoɛ nemɔ nu nyɔ, ɔne ɔwa Yisake bokale ye nwo so. Ɔpakyele eyein bɔ ɔkwaafa bɔ naen yeralɛ afɔleɛ ne, na osili nu hɔle nekaa bɔ Nyameɛ hyirele ye kyɛ ɔhɔ ne.

Edwein 119:60

Mema me nwo yɛ nyera, na menyɛ ngyɛkyerɛ kyɛ ngoli wɔ mmeraa dwirɛ so ɔ.

Yosua 3:1

Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

Yosua 6:12

Ye alehyeleɛ nu ne, Yosua dwɔsole ngyerɛmɔ tutututu, na asɔfo nemɔ soale AWURADE alaka ne.

Yosua 7:16

Yiti Yosua dwɔsole ngyerɛmɔ tutuutu, ɔmane Yisraelfoɛ wale AWURADE nyunu abusua kure abusua kure, na serewagualɛ ne yele Yuda abusua kure ne.

Yosua 8:11

Koɛhonɛfoɛ bɔ né bɛboka ye so ne, bɛ mukoraati bɛfole bokaa ne bɛhɔle, bepingyele kuro berɛ pambim ne, na bɛkyekyele asikyeleɛ wɔ Aye sorɔ dɔ. Né bɔnza la bɛ ne Aye b’afia.

Yosua 8:9

Yiti Yosua guale bɛ ate, na bɛhɔle bɛɛtetɛle. Bɛɛfeale Betel ne Aye b’afia, wɔ Aye eyia atɔleɛ; nakoso Yosua de, ɔne mmenia ne bɛlale asikyeleɛ berɛ kɔngɔen ne.