Yosua 7:9 - AHYERƐLƐ KRONGRON

⁹ Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?

Yosua 7:9 Iomraidhean Croise

Edwein 115:1

Ao AWURADE, nna yɛ, nna yɛ, na mmom wɔ dumaa yeɛ ɔfata animnyam ɔ, ɔnate wɔ ɔdɔ bɔ onni ngasi ne, ɔne wɔ nahorɛlilɛ ne ati.

Edwein 48:10

Ao Nyameɛ, kyɛbɔ wɔ dumaa te ne, sɔ ala yeɛ bɛye wayɛ kɔpem aseɛ ye noa dɔ paa ɔ. Tenenee ayi wɔ sa famaa ne anu tɛkyɛ.

Edwein 79:9

Ao, yɛ ngoalelɛ Nyameɛ, boka yɛ, ɔnate wɔ dumaa nwo animnyam ti; pepɛ de yɛ, ná fa yɛ bɔne kyɛ yɛ, ɔnate wɔ dumaa ti.

Edwein 83:4

Bɛnwa, “Ɛmɔbra maa yɛnua bɛ maen ne aboso, amaa ɔnate so ebiala wangaye Yisrael dumaa ko.”

Edwein 83:5

Bɛyɛ adwene ko bɛbɔ porɛ; bɛyɛ apam betia wɔ:

Ɛksadɔso 32:12

Nzu ati yeɛ ɔsɛ kyɛ Misraimfoɛ ka kyɛ, ‘Adwene tɛɛ bie ti yeɛ ɔmaa ɔɔyele bɛ hɔle ɔ, kyɛ ɔkwaahuhu bɛ wɔ mmokaa ne anu dɔ, ná okyikyi bɛ boso fi aseɛ ye aso’ ɔ? Ma w’ahone tɔ nzue nu, ná yakyi musue bɔ ɛbaamaa ɔto wɔ mmenia nemɔ ne.

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Numeri 14:13

Nakoso Mose sele AWURADE kyɛ, “Sɛ ɔba ye sɔ a, Misraimfoɛ kɔte, ofikyɛ wɔ tumi yeɛ ɛfa yele mmenia hemɔ fili bɛ nu ɔ,

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Deuteronomi 9:28

Anyɔ a, aseɛ bɔ ɛɛyele yɛ fili so wale ne, sofoɛ kɔha kyɛ, “AWURADE angora wamva bɛ wangɔ aseɛ bɔ ɔfa hyɛle bɛ bɔ ne aso, na ɔpɔ bɛ ne ati, yeɛ ɔmaa ɔɔyele bɛ kyɛ ɔbaahuhu bɛ wɔ ɛserɛ ne aso ɔ.”

Yosua 7:10

Na AWURADE sele Yosua kyɛ, “Dwɔso! Nzu ati yeɛ afa wɔ nyunu abutu ase ye?

Yosua 7:8

Mesrɛ wɔ ala, AWURADE, afei bɔ Yisrael wanwati wafi ye pɔfoɛ mɔ nyunu ye, nzikyɛ dwirɛ koraa yeɛ nga ɔ?

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.