Yosua 7:7 - AHYERƐLƐ KRONGRON

⁷ Na Yosua sele kyɛ, “O, AWURADE Nyameɛ! Nzu ati koraa yeɛ ɛfale maen he pɛle asue Yɔɔdan ɔ, kyɛ ɛbaafa yɛ wura Amorifoɛ sa maa bekuku yɛ ɔ? Sɛ né yɛse po a, ahaa yɛhale Yɔɔdan si dɔ!

Yosua 7:7 Iomraidhean Croise

2 Ahemvo 3:10

Yeɛ Yisrael hene sele kyɛ, “Aworabɔlɛ dwirɛ! Eh, ahemvo nza ye, aso AWURADE aboaboa yɛ noa, kyɛ ɔbaafa yɛ wura Moabo hene sa anaa!”

Edwein 116:11

Nne ahunundetelɛ ngane kyɛ, “Kuro sona biala te ngondomboniɛ.”

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Ɛksadɔso 17:3

Nakoso nzuhɔen huni mmenia ne wɔ berɛ, na bɛpenepenene bɛ komvi beguale Mose so. Bɛhane kyɛ, “Nzu ati yeɛ ɛɛyele yɛ fili Misraim ɔ, kyɛ ɛbaama nzuhɔen ku yɛ ne yɛ mma ne yɛ ngaka ɔ?”

Numeri 14:16

‘Aseɛ bɔ AWURADE tale ndaen kyɛ ɔkɔfa kɔma mmenia nemɔ ne, wangora wamva bɛ wangɔandwu so, yiti yeɛ wahũhũ bɛ wɔ ɛserɛ ye aso ye.’

Numeri 14:3

Nzu ati yeɛ AWURADE ɔfa yɛ ba aseɛ he aso maa yɛbatotɔ wɔ ngrandɛ noa ye? Yɛ ye mɔ ne yɛ mma mɔ kɔyɛ koɛ nu nzesadeɛ. Sɛ yɛsa yɛ si yɛkɔ Misraim a, aso ahaa ɔtte paa mma yɛ?”

Mateo 17:17

Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Hebrifoɛ 12:5

Anaakyɛ ɛmɔ wora afi nguraenhyɛlɛ dwirɛ bɔ Nyameɛ kã kyire ɛmɔ kyɛ ɛmɔte ye mma ne hɔ ɔ? Ɔnwa yoo: “Mma, sɛ Awurade tea wɔ a, ɔyɛ a nnɛfa di angorɛ, yeɛ sɛ otwi wɔ nyunu koso a, ɔyɛ a nnɛma w’aba nu bu.

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Yosua 7:8

Mesrɛ wɔ ala, AWURADE, afei bɔ Yisrael wanwati wafi ye pɔfoɛ mɔ nyunu ye, nzikyɛ dwirɛ koraa yeɛ nga ɔ?

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

1 Samuel 4:3

Na mmerɛ bɔ Yisrael koɛhonɛfoɛ nemɔ sa wale b’asikyeleɛ ne anu ne, bɛ mbanyi mɔ bisale kyɛ, “Nzu ati yeɛ AWURADE amaa ɛnɛ yali ngoguo wɔ Filistifoɛ nyunu ye? Ɛ́mɔma yɛɛfa AWURADE apam alaka ne yɛfi Silo yɛbra, ná ɔɔtena yɛ nu ole yɛ fi yɛ pɔfoɛ mɔ sa nu.”