Yosua 7:6 - AHYERƐLƐ KRONGRON

⁶ Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Yosua 7:6 Iomraidhean Croise

Gyenesise 37:29

Ruben sa wale abura ne anwo, na onwuni kyɛ Yosef nne nu ne, osunzuale ye ndaadeɛ nu;

Gyenesise 37:34

Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee.

2 Samuel 1:11

Yeɛ Dawide sɔle ye bɔbɔ ye ataadeɛ nu sunzuale nu, na ye mmenia bɔ bɛboka ye so ne amukoraa, besunzuale bɛ deɛ nu sɔ ala.

2 Samuel 1:12

Bɛbɔle awuye besuni, na bɛhyele hɔen toonn maa oodwuli nɔsoa, ɔnate Sɔɔlo ne ɔwa Yonatan wue, ɔne AWURADE koɛhonɛfoɛ nemɔ wue ti, yeɛ Yisrael awuro ama ti, ofikyɛ batotɔ ngrandɛ noa.

2 Samuel 1:2

Ye ɛlɛsa ne aso, biaa bie fili Sɔɔlo asikyeleɛ ne anu dɔ wale. Né ye ndaadeɛ nu asunzua, yeɛ né nnɛterɛ wɔ ye ti so. Oodwuli Dawide nyunu berɛ ne, ɔbɔle ye ti ase kotole ye.

2 Samuel 12:16

Dawide srɛle AWURADE kyɛ ɔma akwadaa ne nya ngoa; Dawide yɔle akɔngyere, na ɔhɔle sua nu ɔɔlale aseɛnwo berɛ kɔngɔen ne amukoraa.

2 Samuel 13:19

Yeɛ Tamar fale nzoen guale ye ti so, osunzuale ataadeɛ tendenn bɔ owura ye ne anu, na ɔfale ye sa guale ye ti so bɔle awuye fili berɛ hɔle.

2 Samuel 13:31

Yiti Nana Dawide dwɔsole, osunzuale ye ndaadeɛ nu, na ɔtole ye nwo yele aseɛnwo berɛ. Na ye somvoɛ mɔ bɔ né begyigyi ye nwo berɛ ne, bɛ koso besunzuale bɛ ndaadeɛ nu.

2 Ahemvo 22:11

Nana Yosia tele mmeraa nwomaa ne anu dwirɛ pɛ, osunzuale ye bɔbɔ ye ndaadeɛ nu.

2 Aberɛso Dwirɛ 34:19

Nana Yosia tele mmeraa ne anu dwirɛ pɛ, osunzuale ye bɔbɔ ye ndaadeɛ nu.

Ɛsra 10:1

Mmerɛ bɔ Ɛsra gu so ɔbɔ mbaeɛ, bɔ ole esuɛ ode bɛ bɔne to nu, bɔ né wafa ye nyunu wabutu berɛ wɔ Nyameɛ awuro ne anyunu berɛ ne, Yisraelfoɛ pembepembe, mmienzua ne mmrasua ne ngwadaa bɛɛpɛle ye nwo beyiale, na bɛ koso besuni hahii.

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

Ɛseta 4:1

Modekae tele edwirɛ bɔ wasi ne amukoraa nen, osunzuale ye ndaadeɛ nu, ɔherale ɛsɛen tena, ɔfale nzoen yɛle ye nwo, na ole esuɛ ne awuyebɔlɛ hyinini kuro ne anu.

Ɛseta 4:3

Manzini ne amukoraa nu, nekaa biala bɔ Nana Ahasuro mmeraa bɔ wahyɛ ne oodwuli ne, Yudafoɛ nemɔ bɔle awuye belili aworabɔlɛ ne mmuadaa, na bɛ nu pee herale ɛsɛen tena bɛfale nzoen bɛyɛle bɛ nwo.

YOB NWOMAA NE 1:20

Yeɛ Yob dwɔsole, osunzuale ye bɔbɔ ye ndaadeɛ nu, ɔpoane ye ti, na ɔtole ye nwo yele aseɛnwo berɛ sɔnene (Nyameɛ).

YOB NWOMAA NE 2:12

Bɛwɔ dedeede ná bɛtole bɛ nye bɛneane ye nen, bannwu ye sona horɛ. Yiti besuni hahii, besunzuale bɛ ndaadeɛ nu, na betuli mvuture bɛhɔle anwuro beguale bɛ ti so.

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Numeri 14:6

Na Nun awa Yosua ɔne Yefune awa Kalebo, bɔ bɛboka mmenia bɔ bɛɛtetɛle aseɛ ne aso ne, besunzuale bɛ bɔbɔ bɛ ndaadeɛ nu,

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 16:45

“Ɛmɔhwe ɛmɔ nwo befi sɔ lɔen he anwo maa nua bɛ boso kekesaala ye.” Na Mose ne Aarɔn fale bɛ nyunu bebutubutuli ase.

Asomafoɛ 14:14

Na mmerɛ bɔ Banaba ne Pɔɔlo tele sɔ dwirɛ nen, besunzuale bɛ ndaadeɛ nu; betuli amirika bɛhɔle mmenia ne anu, na bɛteateane nu kyɛ,

Yosua 7:7

Na Yosua sele kyɛ, “O, AWURADE Nyameɛ! Nzu ati koraa yeɛ ɛfale maen he pɛle asue Yɔɔdan ɔ, kyɛ ɛbaafa yɛ wura Amorifoɛ sa maa bekuku yɛ ɔ? Sɛ né yɛse po a, ahaa yɛhale Yɔɔdan si dɔ!

Nyekyire 18:19

Na bɛsesale mvuture beguaguale bɛ ti so, na besuni bɛbɔle awuye kyɛ, “Yaakɔ oo, yaakɔ oo! Kuro piri he bɔ ɔnate ye anwonya ti bɛ bɔ bele ɛlɛen wɔ ɛpo so amukoraa benyane bɛ nwo wɔ nu ɔ! Dɔnhwere komapɛ nu yeɛ babɔ ye bɔkɔɔ ye!”

Maenbulɛfoɛ 11:35

Yɛfeta nwuni ye pɛ, osunzuale ye bɔbɔ ye ndaadeɛ nu, na osele kyɛ, Yieee, mma, ate m’ahone! Afa edwirɛ awura me paa! Ofikyɛ mahyɛ AWURADE bɔ, na mengɔhora mengɔhwe mengosa.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

Maenbulɛfoɛ 21:2

Yisraelfoɛ hɔle Betel. Bɛtenane Nyameɛ nyunu wɔ berɛ maa oodwuli nɔsoa, na besuni hahii.

1 Samuel 4:12

Benyaminniɛ bie tuli amirika fili koɛ ne noa wale Silo sɔ kyẽa ne ala. Né wasunzua ye ndaadeɛ nu, yeɛ né wafa nnɛterɛ koso wagua ye ti so.