Yosua 7:5 - AHYERƐLƐ KRONGRON

⁵ Ayefoɛ huhuni bɛ nu mmenia kɔyɛ aburasa ne nzia, bɛfoane bɛ befili kuro berɛ pambim ne asi toonn beedwuli Hyebarim, na behuhuni bɛ wɔ bokaa ne ndoroleɛ nu. Ɛserɛ hane Yisraelfoɛ, na bɛbɔle fuin.

Yosua 7:5 Iomraidhean Croise

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 58:7

Maa betu bemini kyɛ nzue bɔ ɔse ɔ, maa betiatia bɛ so, ná bɛkese kyɛ ɛserɛ.

Yesaya 13:7

Yiti asaa mukoraa nu kohodwo, ahunundetelɛ kɔtɔ sona biala so,

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Lewitikɔso 26:36

Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

Nahum 2:10

Ninewe abɔ tɔɔ, wabɔ tɔɔ, wasɛkye bɔkɔɔ! Mmenia nwo ngaka atu amini, nangoroma mɔ bayɛ hodwoo, bɛ sisia amukoraa yɛ bɛ yea, yeɛ bɛ nyunu amukoraa ayɛ hoyaa!

Deuteronomi 1:44

Na Amorifoɛ bɔ bɛte sɔ mmokaa aseɛ ne aso nen, bɛwale ɛmɔ so, na bɛfoane ɛmɔ kyɛbɔ ɛwommaa foa mmenia ɔ, na bɛbole ɛmɔ wɔ Sɛre toonn beedwuli Hɔma.

Yosua 2:11

Yɛtele sɔ dwirɛ ne pɛ yeɛ ahunundetelɛ tɔle yɛ so ɔ, na ɔnate ɛmɔ ti yɛ mukoraati y’aba nu buli; ofikyɛ AWURADE ɛmɔ Nyameɛ ne, ye ole Nyameɛ wɔ nyameɛso anwuro anwuro ne aseɛ ye aso amba.

Yosua 2:9

oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.