Yosua 7:26 - AHYERƐLƐ KRONGRON

²⁶ Na bɛboaboale nyɔboɛ kure kandinga beguale ye so, bɔ nyɔboɛ kure ne tɛ wɔ berɛ maa waadwu ɛnɛ ɔ. Na AWURADE mane ye ahone tɔle nzue nu. Yiti bɛfrɛ berɛ Akɔre bɔnza maa waadwu ɛnɛ.

Yosua 7:26 Iomraidhean Croise

2 Samuel 18:17

Bɛyele Absalom, befindini ye bɛtole ɛhɔayeɛ ne anu kumaa piri bie anu, na bɛboaboale nyɔboɛ kure kandinga paa beguale ye so. Na Yisrael koɛhonɛfoɛ amukoraa bɛnwati bɛhɔle b’awuro.

2 Samuel 21:14

Na besiele Sɔɔlo ne ɔwa Yonatan bɛ mmowue ne wɔ Sɔɔlo baba Kise asieleɛ nu, wɔ Sela, wɔ Benyamin aseɛ so. Bɛyɔle bɔ Nana Dawide ha hyirele bɛ ne amukoraa. Na ye si ye, Nyameɛ tiele aseɛ ne anwo mbaeɛ bɔ bɛbɔle ne.

2 Aberɛso Dwirɛ 29:10

Afei mayɛ m’adwene kyɛ me ne AWURADE Yisrael Nyameɛ ne kɔyɛ apam, amaa ɔnate so wayakyi ye yaa piri bɔ wafɛ yɛ so ne.

Ɛsra 10:14

Yiti ma yɛ mbanyi mɔ begyina mmenia ne amukoraa yɛ gya nu, ná ebiala bɔ ɔwɔ yɛ nguro nemɔ aso bɔ wagya Amaenmaensoniɛ braa ne, maa ɔbra bɛ nyunu wɔ mmerɛ bɔ bɛkɔhyɛ bɛkɔma ye ɔ nu. Sɛ bɛ́ba a, odi kyɛ bɛ kuro mbanyi ne ndɛenbualɛfoɛ bɛboka bɛ so bɛ ne bɛ bɛba. Na yɛkɔyɔ ye sɔ toonn kɔpem kyɛ yɛ Nyameɛ ɛyaa piri bɔ wafɛ ye yɛ so wɔ edwirɛ he anwo ne, ye ahone kɔtɔ nzue nu ɔ.”

Edwein 85:4

Ao yɛ ngoalelɛ Nyameɛ, maa yɛsa yɛbra wɔ berɛ, na ɛyaa bɔ afɛ ye wɔ yɛ so ne, yakyi maa ɔha.

Ɛksadɔso 32:12

Nzu ati yeɛ ɔsɛ kyɛ Misraimfoɛ ka kyɛ, ‘Adwene tɛɛ bie ti yeɛ ɔmaa ɔɔyele bɛ hɔle ɔ, kyɛ ɔkwaahuhu bɛ wɔ mmokaa ne anu dɔ, ná okyikyi bɛ boso fi aseɛ ye aso’ ɔ? Ma w’ahone tɔ nzue nu, ná yakyi musue bɔ ɛbaamaa ɔto wɔ mmenia nemɔ ne.

Yesaya 40:2

Kã aworakyekyerɛ dwirɛ kyire Yerusalem, ná bɔ ye dawure kyire ye, kyɛ ye ngoaasolɛ mmerɛ ne wawa ayieleɛ, kyɛ mafa ye amumuyɛɛ ne mahyɛ ye; ofikyɛ ye bɔne ne, wanya ye mukoraa nwo akatuaa mmɔhoɛ nyɔ wafi AWURADE berɛ.”

Yesaya 65:10

Saron kɔyɛ mmoaen kure mɔ bɛ nekaa bɔ bedidi ɔ, yeɛ Akɔre bɔnza kɔyɛ nekaa bɔ nandwie mɔ bɛkɔla bekole bɛ nwome ɔ, na sɔ nekaa nemɔ, bɛkɔyɛ me maen bɔ bapena me si atee ne bɛ deɛ.

Awuye 3:53

Bafindi me bato kumaa nu anyekaenn so, na bahuru nyɔboɛ bagua me so.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Hosea 2:17

Ofikyɛ ngɔye Baal mɔ dumaa ngofi ye noa nu, na bɛngɔbɔ bɛ dumaa bɛngɔkaye bɛ ko.

Yoel 2:13

Ɛ́mɔsunzua ɛmɔ ahone nu, na nna ɛmɔ ndaadeɛ nu ɔ, ná ɛ́mɔsa bɛbra AWURADE ɛmɔ Nyameɛ berɛ. Ofikyɛ ɔdo mmenia na ɔse anwumvoin; ye ahone nhu ndɛ, ye ɔdɔ bɔ onni ngasi ne ɔsone, na ɔsesã ye adwene ɔtwe bɔne nwo asohwenɛ sa.

Yoel 2:18

Afei AWURADE hwene ye aseɛ nwo nungunɛ, na onwuni ye maen anwumvoin.

Yona 1:15

Yiti bɛmane Yona so begyili ye bɛtole ɛpo ne anu, na ɛpo ne yakyili ebulɛ bɔ obu fa so ne.

Sakaria 6:8

Na ɔteane nu sele me kyɛ, “Nea, bɛ bɔ bɛ́kɔ sorɔ dɔ maen ne anu ne, bama me Sunzum kunu adwo ye fɔnwoo wɔ sorɔ dɔ maen ne anu.”

Numeri 25:8

na ɔpole Yisraelniɛ biaa ne wɔ ɛtena sua nu berɛ. Ɔfale pealɛɛ ne wɔle Yisraelniɛ biaa ne ɔne Midianniɛ braa ne bɛ munyɔ bɛ kunu. Na amaneɛ ne fili Yisraelfoɛ so.

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 13:18

Nakoso, sana etie AWURADE wɔ Nyameɛ dwirɛ, edi ye mmeraa dwirɛ mukoraati bɔ méhyɛ méma wɔ ɛnɛ ne aso, ná ɛyɔ bɔ ɔtengyɛ wɔ AWURADE wɔ Nyameɛ nyunu koraka.

Yosua 10:27

Na eyia kwaatɔ ne, Yosua maa bɛyele bɛ befili mmakaa ne aso bɛwale ase, na beegyili bɛ beguale nyɔboɛ bɔ wasi sua bɔ bɛɛfeale nu ne anu. Bɛfale nyɔbotaen betuale nyɔboɛ bɔ wasi sua ne noa, na nyɔboɛ ne tɛ wɔ berɛ maa waadwu ɛnɛ.

Yosua 7:24

Afei Yosua ne Yisraelfoɛ amukoraati bɛfale Sera awa Akan, ɛdwetɛ ne, aguasoɛ ne, sikaa kɔkorɛ ne, Akan mma mmienzua ne mmrasua, ye nandwie mɔ, ye afunum mɔ, ye mmoaen, ye tena sua ne, ɔne ye nwo nningyein amukoraa, na bɛfale bɛ bɛwale Akɔre Bɔnza nu.

Yosua 8:29

Na Aye hene de, osinzele ye bakaa so maa oodwuli nɔsoa. Na eyia tɔle ne, Yosua mane Yisraelfoɛ yele ye fuin ne befili bakaa ne aso, befindini ye bɛtole kuro berɛ pambim ne anyunu, na ɔmaa bɛboaboale nyɔboɛ kure kandinga beguale ye so, bɔ ɔtɛwɔ berɛ kekesaala ye ɔ.