Yosua 7:24 - AHYERƐLƐ KRONGRON

²⁴ Afei Yosua ne Yisraelfoɛ amukoraati bɛfale Sera awa Akan, ɛdwetɛ ne, aguasoɛ ne, sikaa kɔkorɛ ne, Akan mma mmienzua ne mmrasua, ye nandwie mɔ, ye afunum mɔ, ye mmoaen, ye tena sua ne, ɔne ye nwo nningyein amukoraa, na bɛfale bɛ bɛwale Akɔre Bɔnza nu.

Yosua 7:24 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

YOB NWOMAA NE 20:15

Ɔsesa anwonya ɔbɔ so meme, nakoso osa fe bɛ ba, Nyameɛ tu anwonya ne fi ye kunu dɔ gua.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Nworɛ Dwirɛhanɛniɛ 5:13

Edwirɛ yealɛ paa bie wɔ berɛ bɔ manwu ye wɔ wiase ɔ. Ye ole kyɛ, sona fa ye anwonya sie toonn maa ɔkakyi ye so musue,

Yesaya 65:10

Saron kɔyɛ mmoaen kure mɔ bɛ nekaa bɔ bedidi ɔ, yeɛ Akɔre bɔnza kɔyɛ nekaa bɔ nandwie mɔ bɛkɔla bekole bɛ nwome ɔ, na sɔ nekaa nemɔ, bɛkɔyɛ me maen bɔ bapena me si atee ne bɛ deɛ.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Yosua 15:7

Ɛwɛen ne fi Akɔre bɔnza ne anu fo kɔ Dɛbi, na ɔkondo fa sorɔ dɔ kɔ Gilgal, bɔ ɔwɔ Adumim pambaa ne ndendeneɛ so, bɔ ɔwɔ bɔnza ne ngwaen dɔ ne. Ɛwɛen ne toa so kɔfa Ɛn Semese nzue noa, na ye noa kɔpem Ɛn Rogyel.

Yosua 22:20

Nningyein bɔ AWURADE tu siele berɛ kyɛ yɛsɛkye ye ne, aso Sera awa Akan wando ye nwo mmeraa ne? Aso ɔnate sɔ ati Nyameɛ amvɛ Yisraelfoɛ amukoraati so yaa? Ye amumuyɛɛ bɔ ɔyɔle ne, ye ngome yeɛ owuli ɔ?”

Yosua 6:18

Nakoso ɛ́mɔnea ɛmɔ nwo yé wɔ nningyein bɔ AWURADE atu asie berɛ kyɛ ɛ́mɔsɛkye ye ne anwo, ná wamma ye kyɛ ɛmɔkɔfa sɔ nningyein bɔ odi kyɛ ɛmɔsɛkye ye ne bie, bɔ ɔkɔmaa Yisrael asikyeleɛ ne kɔyɛ nikyee bɔ odi kyɛ bɛsɛkye ye ɔ, bɔ ɔkɔfa amaneɛ kɔbrɛ ye ɔ.

Yosua 6:21

Afei bɛfale ngrandɛ behuhuni kuro berɛ ama mukoraa bɔkɔɔ: mmienzua ne mmrasua, ngwadaa ne mbanyi, yeɛ behuhuni nandwie, mmoaen ne afunum amukoraa.

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:23

Bɛsesale nningyein ne befili ɛtena sua ne anu, bɛfa bɛbrɛle Yosua ne Yisraelfoɛ amukoraati, na bɛfa beguale AWURADE nyunu.

Yosua 7:26

Na bɛboaboale nyɔboɛ kure kandinga beguale ye so, bɔ nyɔboɛ kure ne tɛ wɔ berɛ maa waadwu ɛnɛ ɔ. Na AWURADE mane ye ahone tɔle nzue nu. Yiti bɛfrɛ berɛ Akɔre bɔnza maa waadwu ɛnɛ.